Daniel 5:2 - Tagbanwa

² Iyan maglangu-langu na si Belsasar, ipiyapisiꞌ ya i mga iꞌimnan ngayti nga bulawan baw pirak nga narangpasan it amaꞌ ya nga si Nabucodonosor duꞌun it Templo nga papagsambaang balay it Ampuꞌang Diyus nga duꞌun it Jerusalem. Ipiyapisiꞌ yay mga iti ngayti ka imnan nira na, sang siraan it mga matataꞌas ngayti i katengdanan duꞌun it kaꞌadiꞌan ya, baw mga asawa ya baw mga uripen nga inasa-asawa ya lamang.

Daniel 5:2 Iomraidhean Croise

2 Mga Adiꞌ 24:13

Riyangpas ya i muꞌsang mga kamanggadan duꞌun it pamalay-balay it adiꞌ ngayti baw mga marerga nga kagamitan duꞌun it balay ngayting papagsambaan nirat AMPUꞌANG DIYUS. Piyanranggaꞌ ya paꞌ i mga bulawan nga garamiten nga ipiyabwat nagat adiꞌ it tagnaꞌ nga si Solomon, duꞌun it Templo ngayti nga papagsambaan nira, subung nat ipiyasugid nagat AMPUꞌANG DIYUS it tagnaꞌ paꞌ.

2 Cronica 36:18

Temed parabir piyamagsuriban nira, riyangpas nira i muꞌsang mga kagamitan duꞌun it Templo ngayti, mga dadakulaꞌ pati mga dedekeyeꞌ. Atkayan naga, riyangpas nira gasiꞌ i kumpur marerga nga duꞌun it Templo ngayti nga papagsambaang balay it AMPUꞌANG DIYUS, baw duꞌun it mabakas nga balay it adiꞌ, baw duꞌun it mga babalayan it mga matataꞌas nga taawan ni Sedequias ngayti. Tiyaban nira nga muꞌsa duꞌun it Babilonia.

Daniel 1:2

Ta, diyaꞌeg si Joaquim ngayti, ka ipiyaꞌalima kanya it Ampuꞌang Diyus duꞌun it ki Nabucodonosor ngayti. Riyangpasan pay Templo, nga papagsambaan nirat Ampuꞌang Diyus, ka piyataꞌnan it Ampuꞌang Diyus si Nabucodonosor nga may pisiꞌen ya nga mga kagamitan duꞌun. Mga iti ngayti, tiyaban yat miyuliꞌ duꞌun it Babilonia bawnga idiyuꞌun yat pagdawaꞌan it kamanggadan nga duꞌun it balay nga papagsambaan it pagbete-beteꞌen nga diyus ya.

Daniel 5:11

Ka situt kaꞌadiꞌan mu ngaytu, may sang kataawan tu situ nga pagpanakman it ega basta-bastang mga diyus. Ka iyan timpu pat amaꞌ mu nga si Nabucodonosor, nagpalteg kanyat ega basta-bastang kiyaꞌrutan baw kasepsep ya nga subung it kaꞌrut it mga diyus. Aypaꞌ iyan nga taw, ipiyatindeg nat amaꞌ mu kat katengdanan nga kanya nay piyakapagbayaꞌen it muꞌsang may kepetan nga subung it mga makakaꞌrut nga mamimintuꞌ, manigmangmang, manigpaꞌyag it tagaynep baw mga may pananamayaꞌ situt Babilonia.

Daniel 5:13

Egay beken, ipiyatawag si Daniel ngayti. Pagꞌadap ya duꞌun, iningkut kanya it adiꞌ ngayti. “Unu,” maat ya, “ikaw nay si Daniel nga kaꞌuyutan it mga diyakepan it amaꞌ ku nga garing duꞌun it Juda?

Daniel 5:18

Adiꞌ Belsasar, iyan amaꞌ mu nga si Nabucodonosor, piyapagꞌadiꞌ kanya it Ampuꞌang Diyus nga Piyakamataꞌas. Binggayan ya paꞌ kanya it talagang ega basta-bastang kabantugan baw kagalang.

Daniel 5:23

In daꞌga, nagpataꞌas-taꞌas ka ga, nga magpasaꞌli nat Ampuꞌang Diyus. Ka binwat mu, ipiyapisiꞌ mu i mga iꞌimnan nga garing duꞌun it balay nga papagsambaan it kanya, ka giyamit mi na nga imnan mit irimnun, sang kamuwan it mga matataꞌas nga taawan mu, mga asawa mu, baw mga uripen mu nga inasa-asawa mu lamang. Puyra pat itu ngaytu, nagbantug ka paꞌ it mga pagbete-beteꞌen nga diyus nga bulawan, pirak, tumbaga, basiꞌ, kayu baw batu i binwat. Mga itu ngaytu, ega naga mamagkalteg. Ega gasiꞌ mamagkagneg u mamagkaꞌrut. Temed iyan Ampuꞌang Diyus ngaytu nga magseskel it ginawa mu baw magbebegbeg it muꞌsang kaꞌgenan mu, talagang daꞌka magbantug it kanya.

Daniel 5:3

Pagkapisiꞌ it mga bulawan baw pirak ngayti nga iꞌimnan nga narangpas duꞌun it Templo ngayti it Ampuꞌang Diyus nga duꞌun it Jerusalem, duꞌun nay piyaꞌabutan it pagkaraꞌnenan ngayti, ka pagꞌimnan nat kadakel ngayti duꞌun.

Daniel 5:30

Temed ta, iti nga delem, inimatay nay adiꞌ ngayti nga si Belsasar.

Daniel 5:4

Buwat nirat mamagꞌinum ngaytit irimnun, magbantug sira gasiꞌ it mga pagbete-beteꞌen nira nga diyus nga bulawan, pirak, tumbaga, basiꞌ, kayu baw batu i binwat.