Daniel 4:9 - Tagbanwa

⁹ Maat ku, ‘Beltsasar, nga pagbayaꞌen it mga makakaꞌrut nga mamimintuꞌ, magkaꞌrutan ku nga pagpanakman ka it mga ega basta-bastang mga diyus, aypaꞌ ka magkapaꞌyag muy maski unu nga patagu-taguꞌ nga kaꞌulugan. Usayen ku i tiyagaynep ku ka ipaꞌyag mut aken i kaꞌulugan ya.

Daniel 4:9 Iomraidhean Croise

Genesis 41:38

Maat it adiꞌ ngayti it mga katimbang ya, “Unu bayan, may maparagan tami paꞌ nga subuk itung taw nga pagsasaruman it Ampuꞌang Diyus ya?”

Daniel 1:20

Yay matuud, kat muꞌsang mga bagay nga iꞌabang it kanira, namuyaan it adiꞌ ngayti nga ega basta-basta i kasepsep it epat ngayti. Talagang daꞌeg paꞌ niray muꞌsang makakaꞌrut nga mamimintuꞌ baw manigmangmang duꞌun it kaꞌadiꞌan ya ngayti.

Daniel 2:47

Maat ya it ki Daniel, “Nasiguru ku na nga Ampuꞌang Diyus mu, mataꞌas paꞌ kanya it muꞌsang mga beken nga pagsambaen it taw. Kanyay Ampuꞌan it muꞌsang mga adiꞌ. Kanya i magpalbaw it mga patagu-taguꞌ nga kaꞌulugan. Nasiguru kuytu sabap it nakapaꞌyag muy kaꞌulugan it tiyagaynep ku ngaytu.”

Daniel 2:48

Bawnga ipiyatindeg it adiꞌ ngayti si Daniel kat ega basta-bastang katengdanan, nga gubirnadur it puꞌun nga prubinsiya it Babilonia. Baw dakel talaga nga pasalamat i ipiyagbegay yat kanya. Binwat ya paꞌ si Daniel nga piyakapagbayaꞌen it muꞌsang mga makakaꞌrut nga may kepetan duꞌun it Babilonia ngayti.

Daniel 4:18

Maat ku, ‘Itu naytuy tiyagaynep ku, Beltsasar. Kayti ipaꞌyag mut aken i kaꞌulugan ya. Ka egaytu nakapaꞌyag it aken it maski siyu it mga makakaꞌrut nga may kepetan situt kaꞌadiꞌan ku. Takaꞌ in ikaw, pagsisiguruun ku nga kapaꞌyag mut aken, sabap pagpanakman ka it mga ega basta-bastang mga diyus.’

Daniel 4:5

Temed kaꞌsa, nga magbubuntul aku duꞌun it irigaꞌan ku, nanagaynep aku it kaiꞌlaman na nga panagaynep. Talagang nalibegan it pikir ku i naltegan ku ngayti.

Daniel 4:8

Ta it atkayti na, miyadap sinit aken si Daniel, nga piyangaranan namen it Beltsasar nga pinsiꞌ kat ngaran it diyus ku nga si Bel. Kat pasepsep ku, si Beltsasar ngaytu, talagang pagpanakman kanya it mga ega basta-bastang mga diyus. Ipiyagꞌusay ku nat kanya i tiyagaynep ku ngayti.

Daniel 5:11

Ka situt kaꞌadiꞌan mu ngaytu, may sang kataawan tu situ nga pagpanakman it ega basta-bastang mga diyus. Ka iyan timpu pat amaꞌ mu nga si Nabucodonosor, nagpalteg kanyat ega basta-bastang kiyaꞌrutan baw kasepsep ya nga subung it kaꞌrut it mga diyus. Aypaꞌ iyan nga taw, ipiyatindeg nat amaꞌ mu kat katengdanan nga kanya nay piyakapagbayaꞌen it muꞌsang may kepetan nga subung it mga makakaꞌrut nga mamimintuꞌ, manigmangmang, manigpaꞌyag it tagaynep baw mga may pananamayaꞌ situt Babilonia.