Daniel 4:6 - Tagbanwa

⁶ Aypaꞌ binwat ku, ipiyatawag ku i muꞌsang mga makakaꞌrut nga may kepetan situt Babilonia ngaytu, ka isaꞌun kapaꞌyag nira i kaꞌulugan it tiyagaynep ku ngayti.

Daniel 4:6 Iomraidhean Croise

Exodo 7:11

Ta it atkayti, ipiyapisiꞌ it adiꞌ ngayti i mga mapipikir nga may mga kepetan baw mga manigmangmang nga sakep ya. Ipiyabwat yat kanira i subung it ki Aaron ngayti.

Daniel 1:17

Talagang inildawan it Ampuꞌang Diyus i epat ngayti nga kamangaꞌwaꞌan, nga maꞌrutan nirang banar i muꞌsang ipagpangadal it kanira. Puyra paꞌ it iti, binggayan ya si Daniel it ega basta-bastang kasepsep. Magkasepsepan yay kaꞌulugan it kalasi-kalasi nga bagay nga pagtagaynepen baw maski mga bagay nga subuk pagtagaynepen, lamang ega magꞌigaꞌ.

Daniel 2:2

Ta it atkayti, ipiyapisiꞌ ya i muꞌsang may mga kepetan, subung it mga makakaꞌrut nga mamimintuꞌ, mga manigmangmang, mga katungkulan baw mga mamimintuꞌ nga manigpaꞌyag it mga tagaynep. Ipiyapisiꞌ sirat adiꞌ ngayti ka ipaꞌyag niray tiyagaynep ya ngayti. Pagꞌadap nira duꞌun it adiꞌ,

Daniel 2:48

Bawnga ipiyatindeg it adiꞌ ngayti si Daniel kat ega basta-bastang katengdanan, nga gubirnadur it puꞌun nga prubinsiya it Babilonia. Baw dakel talaga nga pasalamat i ipiyagbegay yat kanya. Binwat ya paꞌ si Daniel nga piyakapagbayaꞌen it muꞌsang mga makakaꞌrut nga may kepetan duꞌun it Babilonia ngayti.

Daniel 4:15

Temed iyan tuꞌud ya baw mga gamut ya, pataꞌnan lamang. Ega riꞌnge-riꞌngen. Buwaten, lulupan it basiꞌ baw tumbaga, bawnga pataꞌnan na lamang asat pagpupꞌunan ya ngayan. Eeꞌ baꞌ, kanya ngaytu nga pagpaꞌiguꞌan kaytu, pataꞌnan lamang nga magkaꞌemeg it namug baw pakiꞌibaan it mga ramu-ramu duꞌun it kadidikutan.

Daniel 5:11

Ka situt kaꞌadiꞌan mu ngaytu, may sang kataawan tu situ nga pagpanakman it ega basta-bastang mga diyus. Ka iyan timpu pat amaꞌ mu nga si Nabucodonosor, nagpalteg kanyat ega basta-bastang kiyaꞌrutan baw kasepsep ya nga subung it kaꞌrut it mga diyus. Aypaꞌ iyan nga taw, ipiyatindeg nat amaꞌ mu kat katengdanan nga kanya nay piyakapagbayaꞌen it muꞌsang may kepetan nga subung it mga makakaꞌrut nga mamimintuꞌ, manigmangmang, manigpaꞌyag it tagaynep baw mga may pananamayaꞌ situt Babilonia.

Daniel 5:7

Nanggagaꞌuy nay adiꞌ ngayti nga timnaꞌeg nga pamisiꞌen i mga may kepetan nga manigmangmang, mamimintuꞌ baw mga may pananamayaꞌ. Pagsigꞌabut it mga makakaꞌrut ngayti, maat ya, “Kayti, siyu-siyuy makabasa it surat ngayan baw kapaꞌyag it aken i kaꞌulugan ya, papakayan ku kanya it mabakas nga pakayan, pabaliꞌgan ku pat baliꞌeg nga bulawan, baw buwaten ku paꞌ kanya nga ikatlung piyakapagbayaꞌen situt kaꞌadiꞌan ku.”