Daniel 4:5 - Tagbanwa

⁵ Temed kaꞌsa, nga magbubuntul aku duꞌun it irigaꞌan ku, nanagaynep aku it kaiꞌlaman na nga panagaynep. Talagang nalibegan it pikir ku i naltegan ku ngayti.

Daniel 4:5 Iomraidhean Croise

Genesis 41:1

Nagtaꞌlib i duwa na nga taꞌun, nanagaynep i adiꞌ ngayti. Tagaynep ya, magtitindeg maat kanya duꞌut tambing it danum it Nilo.

Daniel 1:7

Piyamaggantiyan nat piyakamataꞌas ngayting katimbang i mga ngaran nira. Piyangaranan nat pangaran kat ampang it taga Babilonia. Si Daniel ngayti, si Beltsasar na. Si Ananias, si Sadrac na. Si Mesac nay si Misael ngayti. Baw si Azarias, si Abednego na.

Daniel 2:1

Ta, kat ikadwang taꞌun it pagꞌadiꞌ ni Nabucodonosor duꞌun it Babilonia, kaꞌsa nanagaynep kanya. Talagang nalibegan nga banar it pikir ya nga ega na ikiyaꞌigaꞌ ya.

Daniel 2:3

maat ya it kanira, “Nanagaynep aku, tagaynep nga magkalibegan na ngaytut pikir ku it seked kayti. Ireg ku nga maꞌrutan i kaꞌulugan ya.”

Daniel 4:10

Ka magpaꞌa-paꞌaat i tiyagaynep ku ngayti, maat may sang puꞌun nga piyakamataus nga kayu nga magtutubuꞌ nga magtetenga-tengaꞌ it banwa.

Daniel 4:13

Maat naltegan ku i esang anghil nga nanlampud nga garing duꞌun it langit, nga esa kanya it mga manigbantay.

Daniel 4:15

Temed iyan tuꞌud ya baw mga gamut ya, pataꞌnan lamang. Ega riꞌnge-riꞌngen. Buwaten, lulupan it basiꞌ baw tumbaga, bawnga pataꞌnan na lamang asat pagpupꞌunan ya ngayan. Eeꞌ baꞌ, kanya ngaytu nga pagpaꞌiguꞌan kaytu, pataꞌnan lamang nga magkaꞌemeg it namug baw pakiꞌibaan it mga ramu-ramu duꞌun it kadidikutan.

Daniel 4:19

Ta, si Daniel ngayti, nga pagpangaranan na ngaytit ki Beltsasar, naꞌlay nga ega nakariꞌe-riꞌeng ka talagang nalibeg i pikir ya. Inaat ku kanya, ‘Beltsasar, ega naga palibegan mut pikir mu i tiyagaynep ku ngayan u kaꞌulugan ya.’ Katubag kanya, maat ya, ‘Agalen ku, sana mga kalaban mu i pagpaꞌiguꞌan it tiyagaynep mu ngaytu, baw kaꞌulugan ya, sana sira naga i abutun!

Daniel 5:10

Ta it atkayti, siminled duꞌun it pagkaraꞌnenan i balu na nga inaꞌ it adiꞌ nga si Belsasar, sabap it nagnegan yay pagrundingen it anak ya ngayti nga adiꞌ baw mga taawan ya ngayti. Miyampang kanya, nga maat ya, “Sana egay kaskedan it kaꞌgenan it adiꞌ. Ega naga atkayan nga guluun muy ulu mu baw magpanlalasiꞌ ka nat iꞌlam.

Daniel 5:11

Ka situt kaꞌadiꞌan mu ngaytu, may sang kataawan tu situ nga pagpanakman it ega basta-bastang mga diyus. Ka iyan timpu pat amaꞌ mu nga si Nabucodonosor, nagpalteg kanyat ega basta-bastang kiyaꞌrutan baw kasepsep ya nga subung it kaꞌrut it mga diyus. Aypaꞌ iyan nga taw, ipiyatindeg nat amaꞌ mu kat katengdanan nga kanya nay piyakapagbayaꞌen it muꞌsang may kepetan nga subung it mga makakaꞌrut nga mamimintuꞌ, manigmangmang, manigpaꞌyag it tagaynep baw mga may pananamayaꞌ situt Babilonia.