Daniel 3:6 - Tagbanwa

⁶ Ta, in siyu-siyuy ega manluud baw sumamba, egay pagduwa-duwa nga ibuntal kanya duꞌun it pagdidingdingen nga dakulaꞌ nga apuy nga magdidigalang it panugu-sugu.”

Daniel 3:6 Iomraidhean Croise

Genesis 19:28

Pagꞌabut ya duꞌun, liyawag yay Sodoma baw Gomorra. Ipiyabeyeng-beyeng yay mata ya, paꞌari-ari duꞌun it daranasan ngayti, egay magkaltegan ya nga maski unu ka punuꞌ it tabuk, nga atnat magtindeg nga kunum.

Exodo 20:5

Kuydaw mu masalyaan it panluudan nga sambaen i mga iyan ngayan, ka aku nga AMPUꞌANG DIYUS mu, maꞌimun. Talagang rigaen ku i muꞌsa nga pablag it aken, pati mga anak nira seked it ikaꞌpat nga tungtung-inapuꞌ.

Daniel 2:5

Temed tiyubag sirat adiꞌ ngayti, “Pintuꞌun mi na in unuy tagaynep ku bawnga isugid mi i kaꞌulugan ya. Ka ituy napikir kut egay pagduwa-duwa. Basta ega yan kasugid mi, siguradu nga ipakeleng-keleng ku kamu baw isari ku pat paranggaꞌ i kababalayan mi.

Daniel 3:11

Ta, in siyu-siyuy ega sumunud it ipiyagꞌurdin mu ngaytu, ibuntal kanya duꞌun it pagdidingdingen nga dakulang apuy nga magdidigalang it panugu-sugu.

Daniel 3:15

Ta, begayan ku naga kamu it rugar nga sumunud it ipiyagꞌurdin ku ngaytu. Basta magnegan mi siꞌ i tingeg it mga pagꞌeypan baw mga turugtugun nga ipatingeg, in manluud kamu ka sumamba it ipiyabwat ku nga tiyaw-taw, magayen. Temed in daꞌkamu paꞌ sumamba, siguradu nga ibuntal kamu na duꞌun it pagdidingdingen nga dakulang apuy nga magdidigalang it panugu-sugu. Letganan ku in siyung diyus i makaribri it imyu kat alima ku.”

Daniel 3:21

Biyayuk na sirat mamagpapakay naga. Egay limbas nga maski unu nga pakayan nira. Pagkabayuk, ibiyuntal na sira duꞌun it dakulaꞌ ngayting apuy.

Daniel 3:7

Aypaꞌ iyan ipiyatingeg nay mga pagꞌeypan baw mga turugtugun ngayti, muꞌsa nga nakagneg, nanluud na ka simnamba na sirat tiyaw-taw ngayti nga ipiyapatindeg it adiꞌ ngayti nga si Nabucodonosor.

Daniel 5:19

Ta, sabap it kataꞌasan ngayti nga ibinggay it Ampuꞌang Diyus it kanya, muꞌsang taw, maski unu nga bangsa baw ampang, magyegyeg sirat iꞌlam in kat adapan ya. Yay matuud, ipagpaꞌimatay ya i maski siyu nga ireg ya, baw egnen gasiꞌ i ireg ya nga egnen. Ipagpataꞌas yay katengdanan it in siyu nga maꞌirgan ya baw ipagpababaꞌ ya gasiꞌ i iyan nga maꞌirgan ya nga ipababaꞌ.

Daniel 6:7

Kagalang-galang it imu, muꞌsa kami nga mga magpamaalaꞌ, mga gubirnadur baw beken nga mataꞌas i katengdanan situt kaꞌadiꞌan mu, may piyagꞌisun-isunan namen tu. Magayen siguru iꞌurdin mu, it egay kaꞌawaꞌan nga urdin, nga seledan it tulung puluꞌ nga aldaw, egay manalangin duꞌun it maski siyu nga diyus u in siyu nga taw, in daꞌga situ lamang it imu i panalangin. Kayti in siyu-siyuy ega sumunud it iꞌurdin mu ngaytu, buwaten it kanya, ibuntal duꞌun it dakulang kali nga piyabanwaan it mga leon.

Mateo 13:42

Ka buwaten it kanira, italpak i ega ngaytu taawan it Ampuꞌang Diyus duꞌun it masgu nga masgu nga apuy nga egay kapugdawan ya. Duꞌun gemeget nay nipen nira baw gumarwak na sirat daꞌna pateng.

Mateo 13:50

Ta, yan ega ngaytu mga taawan ya, italpak nat mga anghil ngaytu duꞌun it masgu nga masgu nga apuy nga ega magpugda-pugdaw. Talagang gumarwak sirat ega pateng baw gemeget nay nipen nira.

Mateo 4:9

Maat siꞌ ni Satanas ngayti, “Talagang ibgay kuytut imu i muꞌsa ngaytu, basta manluud ka nga sumamba it aken.”

Marcos 6:27

Isingkat ya nga lagi it guwardiya nga tabanen duꞌun it kanya i ulu ni Juan. Simnunud i singkat ya ngayti. Piyunggutan it ulu si Juan duꞌun it pirisuwan.

Mga Ipiyalteg 14:11

Iyan apuy ngayting magpakuriꞌ it kanira, talagang ega magpugda-pugdaw seked it kaꞌnu-kaꞌnu. Talagang delem-aldaw, egay kapaꞌnaan it kakuriꞌan it mga simnamba ngaytut kumakaꞌen ngayting ramu-ramu baw ladawan ya, baw namagpamarkaꞌ ngayti it pagꞌiꞌimandaꞌanan nga kanyang ngaran i pagpaꞌiguꞌan.”

Mga Ipiyalteg 9:2

Bawnga inabriyan it paꞌaaten ngayting bituꞌun i siwang ngayti. Timnindeg i tabuk nga subuk epal it tabuk nga maggaring duꞌun it pira-pirang kaꞌumaan i siyuriban. Aypaꞌ ka diminlem i aldaw baw lawang sabap it tabuk ngayti.