Daniel 3:1 - Tagbanwa

¹ Ta, duꞌun siꞌ it Babilonia, binwat it adiꞌ ngayti nga si Nabucodonosor, nagpabwat kanya it tiyaw-taw. Kalawas ya, may enem nga puluꞌ nga parasikwan. Bulawan i binwat. Kadakulaꞌ ya, may enem nga parasikwan. Ipiyapatindeg ya duꞌun it daranasan it Dura nga duꞌun nagat Babilonia ngayti.

Daniel 3:1 Iomraidhean Croise

1 Mga Adiꞌ 12:28

Aypaꞌ ka, pagkapakirunding ya it mga katimbang ya, nagpatunaw kanya it bulawan nga buwaten nga ipasbung it uꞌuybun it bakaꞌ. Duway ipiyabwat ya. Bawnga maat ya it mga sinakepan ya, “Iyan ayaw kamu nat pasasaw it paJerusalem, ka waytu na, bangsa nga Israel, i mga ladawan it Ampuꞌang Diyus mi nga nagpaliꞌwan ngayan it imyu kat pagkaꞌuripen mi duꞌun it Egipto.”

Exodo 32:31

Egay beken nanungul siꞌ si Moises duꞌut bukid ngayti. Pagꞌabut ya duꞌun it AMPUꞌANG DIYUS, maat ya, “Talagang dakulaꞌ naytu nga kasalaꞌan i nabwat it mga taw ngaytu, ka minwat sira it ladawan nga bulawan i binwat, ka siyamba nira.

Isaias 2:20

Kat iyan nga aldaw, iyan mga tiyaw-taw nga bulawan baw pirak i binwat, nga siyari nirat buwat nga kanya-kanyang pagsambaen, ibuntal nira lamang baw pataꞌnan nga pugadan it mga angbeꞌ baw pamanwaan it kalalagbeng.

Daniel 2:48

Bawnga ipiyatindeg it adiꞌ ngayti si Daniel kat ega basta-bastang katengdanan, nga gubirnadur it puꞌun nga prubinsiya it Babilonia. Baw dakel talaga nga pasalamat i ipiyagbegay yat kanya. Binwat ya paꞌ si Daniel nga piyakapagbayaꞌen it muꞌsang mga makakaꞌrut nga may kepetan duꞌun it Babilonia ngayti.

Daniel 2:49

Baw ega diyaꞌga it adiꞌ ngayti i inangut ni Daniel nga rumraan i mga kaꞌibaan ya nga si Sadrac, si Mesac baw si Abednego nga manigpamaalaꞌ duꞌun it Babilonia ngayti. Temed si Daniel ngayti, duꞌun it pamalay-balay it adiꞌ i kanyang pagpangatengdananan.

Daniel 3:14

Pagꞌabut nira, maat it adiꞌ ngayti, “Unuytu, Sadrac, Mesac, Abednego? Unu, matuud nga daꞌkamu magsirbi it mga diyus ku, pati tiyaw-taw ngayan nga bulawan nga ipiyapatindeg ku, ega pagsambaen mi?

Daniel 3:30

Ta, egay beken, tulu ngayting kataawan, ipiyataꞌas siꞌ it adiꞌ ngayti i mga katengdanan nira duꞌun it Babilonia.

Daniel 5:23

In daꞌga, nagpataꞌas-taꞌas ka ga, nga magpasaꞌli nat Ampuꞌang Diyus. Ka binwat mu, ipiyapisiꞌ mu i mga iꞌimnan nga garing duꞌun it balay nga papagsambaan it kanya, ka giyamit mi na nga imnan mit irimnun, sang kamuwan it mga matataꞌas nga taawan mu, mga asawa mu, baw mga uripen mu nga inasa-asawa mu lamang. Puyra pat itu ngaytu, nagbantug ka paꞌ it mga pagbete-beteꞌen nga diyus nga bulawan, pirak, tumbaga, basiꞌ, kayu baw batu i binwat. Mga itu ngaytu, ega naga mamagkalteg. Ega gasiꞌ mamagkagneg u mamagkaꞌrut. Temed iyan Ampuꞌang Diyus ngaytu nga magseskel it ginawa mu baw magbebegbeg it muꞌsang kaꞌgenan mu, talagang daꞌka magbantug it kanya.

Daniel 5:4

Buwat nirat mamagꞌinum ngaytit irimnun, magbantug sira gasiꞌ it mga pagbete-beteꞌen nira nga diyus nga bulawan, pirak, tumbaga, basiꞌ, kayu baw batu i binwat.

Mga Binwat 17:29

Ta, it kita, subuk ipiyanganak it Ampuꞌang Diyus, dapat nga ega pikiren ta nga subung kanya lamang it tiyaw-taw nga bulawan u pirak nga binwat u batu nga piyarparan. Ka mga ladawan ngaytu, uyun lamang kat kakayaan baw kiyaꞌrutat taw.

Mga Binwat 19:26

Temed, kayti, magkamuyaan baw magkabaritaꞌan mi na in unu may unu i pagbuwaten it taw ngaytung pagpangaranat ki Pablo. Pagꞌaaten ya nga ega talagay kakapulusan it pagsamba tamit mga diyus nga binwat it taw. Dakel na talagay napapamayaꞌ ya baw nakumbinyu ya, it ega lamang situt Efeso ngaytu, in daꞌga agen-agen it lemkep naytut muꞌsang Asia.

Mga Ipiyalteg 9:20

Temed lamang atnakayti, iyan naꞌped naga nga mga taw nga ega natay it iting panriga nga ipiyamatay, daꞌsira naga nangindiꞌ it pagsirbi nirat diwata. Baw daꞌsira gasiꞌ nangindiꞌ it pagsamba nirat mga pagbete-beteꞌen nira nga mga diyus nga pamagbuwaten nira, mga ladawan nga yay binwat, bulawan, pirak, tumbaga, batu baw kayu, nga ega naga magkalteg, magkagneg u magkapanaw.