Daniel 2:4 - Tagbanwa

⁴ Katubag i mga mamimintuꞌ ngayti nga manigpaꞌyag it mga tagaynep. Maat nira, “Adiꞌ namen, sana egay kaskedan it kaꞌgenan mu! Ituturan mu nat amen nga mga manigsirbi mu i tiyagaynep mu ka isaꞌun kapaꞌyag namen i kaꞌulugan ya.”

Daniel 2:4 Iomraidhean Croise

Genesis 31:47

Kantur ngayti, piyangaranan ni Laban kat kanyang ampang it Jegar-sahaduta. Ki Jacob kat kanyang ampang nga Hinebreo, Galꞌed i ipiyangaran ya.

Genesis 41:8

Pagꞌeyag it aldaw nalibeg nga banar i pikir ya. Egay beken, ipiyapisiꞌ ya i muꞌsang mga may kepetan nga makakaꞌrut nga mamimintuꞌ duꞌut Egipto ngayti, pati beken nga mga mapipikir. Ipiyagtuturan yat kanira i duwa ngayting mga tagaynep ya, temed egay magkasugid it kanya in unuy kaꞌulugan kayti.

Nehemias 2:3

Tiyubag ku nga magꞌaat, “Kagalang-galang nga Adiꞌ, sana egay kaskedan it kaꞌgenan mu. Unuka ega maꞌlung i pagkinataw ku it ranggaꞌ paꞌ i siyudad ngayti it Jerusalem, nga duꞌun i limbengan it mga kagiyaringanan ku? Baw anteng paꞌ i mga puwirtaꞌan ya.”

Daniel 1:4

Piliꞌen ya, mga lalaki nga mangaꞌwaꞌen paꞌ, nga makulaꞌsi baw magayeng pagletganan i pamilug nira, nga egay maski unu nga mintiraꞌ. Kaꞌilangan, malumuy ulu, madaliꞌ matulduꞌan, matalastas baw masepsep, mga taw nga mapakay mangatengdanan kat seled it pamalay-balay it adiꞌ. Mga itu ngaytu, tulduꞌan it ampang it taga Babilonia baw adalen it mga kasuratan it mapipikir nga mga taga duꞌun.

Daniel 2:7

Ta, siyaꞌupan niray tubag nira ngayti, nga magꞌaat, “Kagalang-galang nga Adiꞌ, ituturan mu daꞌan it amen nga manigsirbi mu i tiyagaynep mu ngayan, ka isaꞌun kapaꞌyag namen i kaꞌulugan ya.”

Daniel 3:9

Maat nira it ki Nabucodonosor ngayting adiꞌ, “Adiꞌ namen, sana egay kaskedan it kaꞌgenan mu!

Daniel 4:19

Ta, si Daniel ngayti, nga pagpangaranan na ngaytit ki Beltsasar, naꞌlay nga ega nakariꞌe-riꞌeng ka talagang nalibeg i pikir ya. Inaat ku kanya, ‘Beltsasar, ega naga palibegan mut pikir mu i tiyagaynep ku ngayan u kaꞌulugan ya.’ Katubag kanya, maat ya, ‘Agalen ku, sana mga kalaban mu i pagpaꞌiguꞌan it tiyagaynep mu ngaytu, baw kaꞌulugan ya, sana sira naga i abutun!

Daniel 4:7

Natiꞌmes i muꞌsang mga makakaꞌrut nga mamimintuꞌ, mga manigmangmang, mga mamimintuꞌ nga manigpaꞌyag it tagaynep baw mga may pananamayaꞌ. Itiyuturan kut kanira i tiyagaynep ku ngayti temed daꞌsira nakapaꞌyag it kaꞌulugan ya.

Daniel 4:9

Maat ku, ‘Beltsasar, nga pagbayaꞌen it mga makakaꞌrut nga mamimintuꞌ, magkaꞌrutan ku nga pagpanakman ka it mga ega basta-bastang mga diyus, aypaꞌ ka magkapaꞌyag muy maski unu nga patagu-taguꞌ nga kaꞌulugan. Usayen ku i tiyagaynep ku ka ipaꞌyag mut aken i kaꞌulugan ya.

Daniel 5:10

Ta it atkayti, siminled duꞌun it pagkaraꞌnenan i balu na nga inaꞌ it adiꞌ nga si Belsasar, sabap it nagnegan yay pagrundingen it anak ya ngayti nga adiꞌ baw mga taawan ya ngayti. Miyampang kanya, nga maat ya, “Sana egay kaskedan it kaꞌgenan it adiꞌ. Ega naga atkayan nga guluun muy ulu mu baw magpanlalasiꞌ ka nat iꞌlam.

Daniel 5:8

Natiꞌmes nga muꞌsa duꞌut adiꞌ ngayti i mga makakaꞌrut nga may kepetan, temed egay maski sang kataawan nga magkabasa it isiyurat ngayti u magkasugid it kaꞌulugan ya.

Daniel 6:21

Katubag si Daniel ngayti, “Sana egay kaskedan it kaꞌgenan mu, kagalang-galang nga Adiꞌ!

Daniel 6:6

Aypaꞌ nagꞌupa-upakaten sira nga paꞌaduꞌun sirat adiꞌ. Pagꞌabut nira, maat nira, “Adiꞌ namen nga si Dario, sana egay kaskedan it kaꞌgenan mu!

Daniel 6:7

Kagalang-galang it imu, muꞌsa kami nga mga magpamaalaꞌ, mga gubirnadur baw beken nga mataꞌas i katengdanan situt kaꞌadiꞌan mu, may piyagꞌisun-isunan namen tu. Magayen siguru iꞌurdin mu, it egay kaꞌawaꞌan nga urdin, nga seledan it tulung puluꞌ nga aldaw, egay manalangin duꞌun it maski siyu nga diyus u in siyu nga taw, in daꞌga situ lamang it imu i panalangin. Kayti in siyu-siyuy ega sumunud it iꞌurdin mu ngaytu, buwaten it kanya, ibuntal duꞌun it dakulang kali nga piyabanwaan it mga leon.

Mateo 21:9

Atnat giyaw-giyaw i mga taw duꞌut uꞌnaan baw duꞌun it giyaringan ya. Maat i ipagpanggagaꞌuy na nira, “Bantugun i tungtung-inapuꞌ ngaytut adiꞌ nga si David! Mabantug kanya ngaytu nga tiyaꞌeg it Ampuꞌang Diyus! Bantugun i Ampuꞌang Diyus nga duꞌun it dibwat it langit!”