Daniel 1:7 - Tagbanwa

⁷ Piyamaggantiyan nat piyakamataꞌas ngayting katimbang i mga ngaran nira. Piyangaranan nat pangaran kat ampang it taga Babilonia. Si Daniel ngayti, si Beltsasar na. Si Ananias, si Sadrac na. Si Mesac nay si Misael ngayti. Baw si Azarias, si Abednego na.

Daniel 1:7 Iomraidhean Croise

Genesis 41:45

Bawnga piyangaranan it adiꞌ ngayti si Jose it ki Zafenat-panea, baw ipiyaꞌasawa ya nat ki Asenat, nga anak ni Potifera nga sasirduti duꞌut On. Binwat ni Jose, nanlekep-lekep it muꞌsang banwa nga Egipto.

2 Mga Adiꞌ 23:34

Beken paꞌ nga binwat it adiꞌ it Egipto, riyumraan ya nga magꞌadiꞌ duꞌun it Juda, si Eliaquim nga anak naga ni Josias. Giyantiyan yay ngaran ni Eliaquim ngayti, si Joaquim na. Bawnga, pagꞌuliꞌ ya, piyabayaꞌ ya na si Joacaz ngayti duꞌun it Egipto. Duꞌun na i piyatayan ni Joacaz it kanya.

2 Mga Adiꞌ 24:17

Parabir gimnaring si Nabucodonosor nga muliꞌ duꞌun it Babilonia, ipiyaꞌdung ya nga magꞌadiꞌ duꞌun it Juda si Natanias. Giyantiyan ya nay ngaran, si Sedequias na. Si Sedequias ngayti, amayan ni Joaquin ka sulsug it amaꞌ ya.

Daniel 1:19

Inesa-esa sira it adiꞌ it pakisugi-sugid, namuyaan ya nga subrang makakaꞌrut i epat ngayti, si Daniel, si Ananias, si Misael baw si Azarias na ngayti. Aypaꞌ ka riyumraan sira nga mga katimbang it adiꞌ ngayti.

Daniel 1:3

Ipiyagꞌurdin gasiꞌ ni Nabucodonosor ngayti it ki Aspenaz, nga piyakamataꞌas nga katimbang ya, nga miliꞌ it in pirang kataawan nga mga Israelita nga kat duguꞌ it adiꞌ baw mga matataꞌas gasiꞌ nga duguꞌ it mga taw.

Daniel 2:26

Si Daniel ngayti nga piyangaranan nat ki Beltsasar, iningkut it adiꞌ. “Unu,” maat ya, “matuud nga makaꞌusay mut aken i tagaynep ku baw makasugid muy kaꞌulugan ya?”

Daniel 2:49

Baw ega diyaꞌga it adiꞌ ngayti i inangut ni Daniel nga rumraan i mga kaꞌibaan ya nga si Sadrac, si Mesac baw si Abednego nga manigpamaalaꞌ duꞌun it Babilonia ngayti. Temed si Daniel ngayti, duꞌun it pamalay-balay it adiꞌ i kanyang pagpangatengdananan.

Daniel 4:5

Temed kaꞌsa, nga magbubuntul aku duꞌun it irigaꞌan ku, nanagaynep aku it kaiꞌlaman na nga panagaynep. Talagang nalibegan it pikir ku i naltegan ku ngayti.

Daniel 4:8

Ta it atkayti na, miyadap sinit aken si Daniel, nga piyangaranan namen it Beltsasar nga pinsiꞌ kat ngaran it diyus ku nga si Bel. Kat pasepsep ku, si Beltsasar ngaytu, talagang pagpanakman kanya it mga ega basta-bastang mga diyus. Ipiyagꞌusay ku nat kanya i tiyagaynep ku ngayti.

Daniel 5:12

Si Daniel yan i ngaran ya, takaꞌ piyangaranan it ki Beltsasar. Talagang natanyag nga mapikir kanya nga taw baw makaꞌrut, baw dakulaꞌ i kasepsep ya. Magkapaꞌyag ya i kaꞌulugan it mga pagtagaynepen, magkapintuꞌ ya i maski unu nga pintuꞌan, baw talagang maski unu nga magkalibegan it pikir, magkatungguwan ya. Aypaꞌ ipatawag mu si Daniel ngaytu ka ipaꞌyag yat imu i kaꞌulugan it isiyurat ngayan.”