Daniel 1:5 - Tagbanwa

⁵ Ipiyagꞌurdin gasiꞌ it adiꞌ nga garing kat sadili ya nga pangaꞌen baw pagꞌimnun i ipakaꞌen it kanira it aldaw-aldaw. Adalen sira it tulung taꞌun i tupusun bawnga pasirbiyen na sira duꞌun it adiꞌ.

Daniel 1:5 Iomraidhean Croise

Genesis 41:46

Pagpatindeg it adiꞌ ngaytit Egipto it ki Jose nga kanya nay manigpamaalaꞌ, tulung puluꞌ nang taꞌun i idad ni Jose ngayti. Bawnga yanayti, yanay binwat ya, magpanlekep-lekep nat muꞌsang banwa nga Egipto.

Daniel 1:19

Inesa-esa sira it adiꞌ it pakisugi-sugid, namuyaan ya nga subrang makakaꞌrut i epat ngayti, si Daniel, si Ananias, si Misael baw si Azarias na ngayti. Aypaꞌ ka riyumraan sira nga mga katimbang it adiꞌ ngayti.

Daniel 1:8

Temed talagang pagpipikiren na ni Daniel nga maski sukdan, ega sumukdan it pangaꞌen ngayti nga pangaꞌen it adiꞌ baw pagꞌimnun ya ngayti, ka ega ireg ya nga rumaꞌway kanya kat panleteg it Ampuꞌang Diyus. Aypaꞌ ka inupakat ya si Aspenaz nga ega na iti i ipakaꞌen it kanira.

Mateo 6:11

Pagꞌangutun namen gasiꞌ nga aldaw-aldaw begayan kami it magkakaꞌen namen.

Lucas 1:19

Katubag i anghil ngayti, “Aku ngaytu, si Gabriel nga manigsirbi kat adapan it Ampuꞌang Diyus. Tiyaꞌeg ya aku nga paꞌasitu ka ipaꞌrut it imu i magayen ngaytu nga baritaꞌ nga isiyugid ku na ngaytut imu.

Lucas 11:3

Pagꞌangutun namen gasiꞌ nga aldaw-aldaw begayan kami it magkakaꞌen namen.

Lucas 21:36

Aypaꞌ magꞌaꞌalistu kamu nga pirmi, baw pirming magpanalangin nga magꞌangut it ega maꞌunu i pamayaꞌ baw pagsarig mit aken pagꞌabut it mga kakuriꞌan ngaytu. In daꞌga, makateꞌteꞌ kamu, isaꞌun masagya kamu nga kaꞌadap it aken nga Taga Langit nga Ipiyanganak it Taw it egay pagꞌiꞌlaman.”

1 Samuel 16:22

Piyasugidan ni Saul si Jesse nga magꞌaat, “Pataꞌnan mu na sinit aken si David ngayni ka kasasagyaan ku na kanya.”