Daniel 1:4 - Tagbanwa

⁴ Piliꞌen ya, mga lalaki nga mangaꞌwaꞌen paꞌ, nga makulaꞌsi baw magayeng pagletganan i pamilug nira, nga egay maski unu nga mintiraꞌ. Kaꞌilangan, malumuy ulu, madaliꞌ matulduꞌan, matalastas baw masepsep, mga taw nga mapakay mangatengdanan kat seled it pamalay-balay it adiꞌ. Mga itu ngaytu, tulduꞌan it ampang it taga Babilonia baw adalen it mga kasuratan it mapipikir nga mga taga duꞌun.

Daniel 1:4 Iomraidhean Croise

Genesis 41:46

Pagpatindeg it adiꞌ ngaytit Egipto it ki Jose nga kanya nay manigpamaalaꞌ, tulung puluꞌ nang taꞌun i idad ni Jose ngayti. Bawnga yanayti, yanay binwat ya, magpanlekep-lekep nat muꞌsang banwa nga Egipto.

Daniel 2:10

Katubag i mga mamimintuꞌ ngayti nga manigpaꞌyag it tagaynep, “Talagang egay taw situt sinirungat langit nga magkabwat it ipagpabwat mu ngayan. Ega gasiꞌ i adiꞌ, nga maski sang unu nay keseg baw kabantugan ya, nga murdin it atkayan kat mga may kepetan nga makakaꞌrut nga mamimintuꞌ baw manigpaꞌyag it tagaynep.

Daniel 2:2

Ta it atkayti, ipiyapisiꞌ ya i muꞌsang may mga kepetan, subung it mga makakaꞌrut nga mamimintuꞌ, mga manigmangmang, mga katungkulan baw mga mamimintuꞌ nga manigpaꞌyag it mga tagaynep. Ipiyapisiꞌ sirat adiꞌ ngayti ka ipaꞌyag niray tiyagaynep ya ngayti. Pagꞌadap nira duꞌun it adiꞌ,

Daniel 3:8

Temed ta, kat iting timpu, may mga mamimintuꞌ nga naꞌaduꞌun it adiꞌ, ka may ipiyagrikramu nira nga mga Judio.

Daniel 4:7

Natiꞌmes i muꞌsang mga makakaꞌrut nga mamimintuꞌ, mga manigmangmang, mga mamimintuꞌ nga manigpaꞌyag it tagaynep baw mga may pananamayaꞌ. Itiyuturan kut kanira i tiyagaynep ku ngayti temed daꞌsira nakapaꞌyag it kaꞌulugan ya.

Daniel 5:11

Ka situt kaꞌadiꞌan mu ngaytu, may sang kataawan tu situ nga pagpanakman it ega basta-bastang mga diyus. Ka iyan timpu pat amaꞌ mu nga si Nabucodonosor, nagpalteg kanyat ega basta-bastang kiyaꞌrutan baw kasepsep ya nga subung it kaꞌrut it mga diyus. Aypaꞌ iyan nga taw, ipiyatindeg nat amaꞌ mu kat katengdanan nga kanya nay piyakapagbayaꞌen it muꞌsang may kepetan nga subung it mga makakaꞌrut nga mamimintuꞌ, manigmangmang, manigpaꞌyag it tagaynep baw mga may pananamayaꞌ situt Babilonia.

Daniel 5:7

Nanggagaꞌuy nay adiꞌ ngayti nga timnaꞌeg nga pamisiꞌen i mga may kepetan nga manigmangmang, mamimintuꞌ baw mga may pananamayaꞌ. Pagsigꞌabut it mga makakaꞌrut ngayti, maat ya, “Kayti, siyu-siyuy makabasa it surat ngayan baw kapaꞌyag it aken i kaꞌulugan ya, papakayan ku kanya it mabakas nga pakayan, pabaliꞌgan ku pat baliꞌeg nga bulawan, baw buwaten ku paꞌ kanya nga ikatlung piyakapagbayaꞌen situt kaꞌadiꞌan ku.”

Daniel 9:1

Iyan uꞌnang taꞌun it pagꞌadiꞌ duꞌut Babilonia ni Dario ngayti nga taga Media, nga anak ni Asuero,

Mga Binwat 7:20

Kat iting timpu ipiyanganak si Moises nga talagang magaye-gayeng waꞌwaꞌ. Impet kanyat tulung bulan it mga amaꞌ ya.

Mga Binwat 7:22

Aypaꞌ, pagdakulaꞌ ni Moises ngayti, tiyulduꞌan kanya it muꞌsang inadalan it mga mapipikir nga taga Egipto. Mabantug kanya kat pangangampangan baw buwat.

Efeso 5:27

Baw isaꞌun, in maꞌbut nay ipiyagtirminu nga aldaw, mapakay nga tanggapen ya sira nga bilang mabantug nga asawa ya, asawa nga subrang kadaraga talaga ka egay maski unu nga rindi u mansaꞌ it bilug ya. Atkaytuy kabilangan ta ka linimpiyuꞌ ya talaga kita kat muꞌsang kasalaꞌan tami. Ega nay maꞌiway yat aten.