3 Juan 1:6 - Tagbanwa

⁶ Ipiyagpamatuud nira sinit magkatingped nga mga magpamayaꞌ i pasar it kararas mu ngaytu. Magayen gasiꞌ in matabangan mu sira kat paranawun nira in gumaring sira asat imu, iyan baꞌ, tabang nga bagay it mga taw nga ipiyatindeg it Ampuꞌang Diyus kat buwaten nira.

3 Juan 1:6 Iomraidhean Croise

Genesis 4:7

In beteꞌ magayen i pagbuwaten mu, daꞌga baꞌ sagyaan ku gasiꞌ ikaw? Temed in ega ireg mu nga muwat it magayen, magꞌindadangep it kasalaꞌan. Sabap kasalaꞌan, subuk ramu-ramu nga magꞌaꞌapaꞌ nga kuturikeb it imu. Talagang pagtiꞌsen ya ikaw. Temed kaꞌilangan paꞌere-eres ka nga indaꞌegen mu kanya.”

Mga Binwat 15:29

Ayaw kamut kaꞌen it isiyalisi nga giyamit it beken kat pagsamba nirat kanirang pagbete-beteꞌen nga diyus, ega gasiꞌ kumaꞌen it duguꞌ u karniꞌ nga ega piyadguꞌ, baw beken, liꞌyan mi i muꞌsang kalasit pamakun kat ega asawa mi. In sunudun mi i pagꞌaaten namen ngaytu, ta, magayen. Seked na lamang sikaytu.”

Mga Binwat 15:3

Egay beken, namagpanaw na na Pablo ngayti. Ipiyagꞌuruꞌ naga sira it beken nga mga magpamayaꞌ. Ta, kada rugar nga magkapsagan it panaw nira, nga sakep it Fenicia baw Samaria, pagtuturanan na Pablo i mga magpamayaꞌ duꞌun it in magꞌuꞌunu dakel nang taw nga ega Judio i namagpamayaꞌ it Ampuꞌan. Yaba-yabasay kagneg nga mga magpamayaꞌ, mamagkasagya sira.

Mga Binwat 21:5

bawnga namꞌun kami nat kanira ka manakay siꞌ. Paggaring namen duꞌun it siyudad ngayti nga manꞌun na duꞌun it dagat, miyuꞌsa sirat pabayaꞌ it amen, babay, lalaki, pati mga anak nira. Bawnga parabir kami gimnaring it sumakay, limningkuꞌud kaming muꞌsa duꞌun it baybayan ka nanalangin.

Roma 15:24

sana yay pagꞌiꞌinawaren ku, makapatuluy aku asat imyu in paꞌEspaa aku na, ka ireg ku kapakiꞌiba-iba aku it imyu parabir aku lumangbus. Baw in nakapagꞌiba-iba tami nat magayen barang katabang kamu nagat aken kat panaw ku ngayan.

2 Corinto 1:16

Ka rima-rima ku, patuluy aku na asan it magburuꞌ nga paMacedonia, baw panguliꞌ ku, patuluy aku naga isaꞌun matabangan mi aku it panaw ku nga paJudea.

Filipos 4:14

Takaꞌ masagyang-masagya aku kat buwat mi ngaytu nga panabang mi it aken kat kakuriꞌan ku kayti.

Colosas 1:10

Ka in atkayan, makapangaꞌgenan kamu nat pangaꞌgenan nga kasasagyaan it Ampuꞌan, pangaꞌgenan nga bagay it mga maglalagpit it kanya, ka subuk magtumbud kat pangaꞌgenan mi i muꞌsang buwat nga magagayen baw magdudungag-dudungag i kasepsep mi it adat baw kaꞌirgan it Ampuꞌang Diyus.

1 Tesalonica 2:12

Pagpaksegen namen baw pagpasagyaen i mga nakem mi, baw pagpadisiran namen kamu nga mangaꞌgenan it pangaꞌgenan nga bagay talaga it mga taawan it Ampuꞌang Diyus, kanya nga miniliꞌ it imyu isaꞌun mabagiꞌan kamu duꞌun it kaꞌadiꞌan ya it ega basta-bastang kabantugan.

Tito 3:13

Baw paꞌresan mu nga matabangan mu si Apolos baw abugadu nga si Zenas, isaꞌun madaliꞌ sira kapanaw. Siguruun mu nga daꞌsira kurangen it mga kaꞌilangan kat paranawun nira ngayti.

1 Pedro 2:20

Ka unu, ikabantug mi i magsagkaꞌ it panriga in sabap it karaꞌe-raꞌetan nga pagbuwaten? Simpri ega. Temed in sagkaꞌen mit magayen i nakem in pagpakuriꞌan kamu maski magayen i pagbuwaten mi, talagang sagyaan kamu it Ampuꞌang Diyus.

3 Juan 1:12

Ta, pasar it sulsug ta kat pamayaꞌ nga si Demetrio, muꞌsa nang mga katataawan i magpamatuud pasar it kagayen it buwat ya. Ka maꞌyag kat pangaꞌgenan ya nga talagang pagsunudun yang banar i kamatuudan nga panulduꞌ. Ta pati kami, atkayan nagay amen nga pamatuud pasar it kanya ngaytu, baw urut mu nga matuud i paꞌaaten namen ngaytu.