3 Juan 1:4 - Tagbanwa

⁴ Ega nay pasubraꞌ it kasagyaan ku basta nabaritaꞌan ku nga uyun kat kamatuudan i pangaꞌgenan it mga bilang anak ku.

3 Juan 1:4 Iomraidhean Croise

1 Mga Adiꞌ 2:4

Baw pagsisiguruun ku gasiꞌ nga tumanen it AMPUꞌANG DIYUS i iyan nga mga isiyanggup yat aken ngayan nga magꞌaat, ‘In sukur gat mga anak-inapuꞌ mu, inturun nira i pangaꞌgenan nira nga maneꞌteꞌ nga matuud i pagsunud nirat aken it pagsunud nga tingled talagay nakem nira, talagang magtungtung-magꞌinapuꞌ nga, kaduguꞌan mu, magsisigi naga nga may kapagꞌadiꞌ it bangsa ngaytu nga Israel.’”

1 Mga Adiꞌ 3:6

Katubag si Solomon, maat ya, “Inildawan mu nga banar baw siyanguꞌan it kamatuudan i amaꞌ ku nga si David sabap it naneꞌteꞌ gasiꞌ i kanyang pagsirbi it imu, masunud kanya nga banar baw mataldeng kat panleteg mu. Ta kayti ipiyasigi mu naga i ildaw mu it kanya, kayti nga piyapagꞌadiꞌ mu naga nga sumubli it kanya i sang kataawan nga anak ya.

2 Mga Adiꞌ 20:3

“AMPUꞌANG DIYUS,” maat ya, “sanguꞌan mu naga aku ngayni nga nangaꞌgenan nga magsunud it imu it kamatuudan. Magkaltegan mu nga talagang pagbuwaten ku it tingled i nakem ku i kumpur mga bagay nga uyun it kaꞌirgan mu.” Siminggaw kanya nga banar kat kadakulaꞌ it kasmek ya.

2 Corinto 6:13

Ipagpabetang ku na kamu nga mga anak ku na. Sana, it daꞌku naytu magꞌaliꞌ-aliꞌ it imyu, belsan mi naga aku it pagmaꞌal mi nga ega awam nga pagmaꞌal.

Galacia 2:14

Ta yan namuyaan ku nga daꞌsira magpangaꞌgenan uyun kat kamatuudan nga Magayeng Baritaꞌ, inaat ku si Pedro kat adapan nirang muꞌsa, “Ta ikaw, maski manengteng ka nga Judio, temed inindiꞌan mu na i pagsunud it mga kaꞌurdinan kat rilihiyun tami nga mga Judio. Aypaꞌ unuka ipagpasunud mu paꞌ it mga taw nga ega Judio?

Galacia 4:19

Kamuy subuk mga anak ku. Dakulay nalabayan ku nga kakuriꞌan katꞌesa, nga kaꞌaat ka subuk siyaꞌgidan aku, isaꞌun kasakit na i pamayaꞌ mit ki Cristo. Kayti atkayan naga, subuk daꞌku talaga magkabara-baraꞌ mintras ega paꞌ magꞌuꞌunay i pagsarig mit ki Cristo baw magpasbung kamu nang banar it adat ya.

1 Tesalonica 2:11

Ka daꞌga baꞌ, iyan i namuyaan mi nga pabetang namen it kada esat imyu, subung nat pabetang it amaꞌ it mga anak ya?

1 Timoteo 1:2

Talagang pabetang kut imu, Timoteo, subung nat ipiyagrasyaꞌ ku, ega maat kat pagduguꞌ temed kat pamayaꞌ. Ipagpanalangin ku nga sana asat imu nga pirmi i ildaw, sanguꞌ nga tabang, baw kaꞌimbengan it nakem nga ipagbegay it Diyus Amaꞌ baw Ampuꞌan ta nga si Cristo Jesus.

Filemon 1:10

Kayti pagꞌupakaten ta ikaw pasar it anak ku ngaytu kat pamayaꞌ nga si Onesimo. Subuk anak ku kanya ka lamang pagpipirisuun aku, piyamayaꞌ yay pangadal kut kanya pasar it ki Cristo.

1 Juan 2:1

Kamu nga bilang mga anak ku, ipagsurat kuytuy itung mga bagay asat imyu isaꞌun baꞌ daꞌkamu na magkasalaꞌan. Takaꞌ, sumang kaꞌanu, magkabwat ta naga it kasalaꞌan, temed dedemdemen tami nga may magpanindeg it aten duꞌun it Diyus Amaꞌ. Si Jesu-Cristo, nga kanya talagay mataldeng, kanyay magpanindeg ngaytut aten.

2 Juan 1:4

Talagang masagyang-masagya aku, ka namuyaan ku nga iyan beken nga mga anak mu, magpangaꞌgenan sira uyun kat kamatuudan, subung it ipiyagꞌurdin it aten it Diyus Amaꞌ.