3 Juan 1:2 - Tagbanwa

² Maꞌal ku nga iba-iba, ipagpanalangin ku nga sana pirmi nga magayen i kabetangan mu, baw makulaꞌsi i bilug mu, subung it magkabaritaꞌan ku nga kakseg it pamayaꞌ mu.

3 Juan 1:2 Iomraidhean Croise

Mateo 9:12

Nagnegan ni Jesus i ingkut nira ngayti, aypaꞌ kanya nay timnubag, nga magꞌaat, “Iyan may mga sarut, sira talaga i magkaꞌilangan it manigꞌubaꞌubat. Ega sira nga egay sarut.

Filipos 2:27

Talagang matuud nga simnarut kanya it maꞌget sini nga ngari-ngari na. Temed kat ildaw it Ampuꞌang Diyus, gimnayen naga kanya. Baw ildaw gasiꞌ it aken, nga ega naga madungagan i magkasmekan ku.

Filipos 2:4

Ka iyan talagay magayen, sanguꞌan mi nga pirmi i kabetangan it masigkataw mi, nga yay pagpikiren mi, in unuy kat ikagayen nira, ega lamang desang imyu nga ikagayen.

2 Tesalonica 1:3

Mga sulsug namen kat pamayaꞌ, dapat talaga nga magpasalamat kami nga pirmi duꞌun it Ampuꞌang Diyus sabap it imyu. Mapakay nga atkaytuy buwat namen sabap nasiguru namen nga talagang magmapaꞌgen i pamayaꞌ baw pagsarig mi it ki Cristo baw magsisigi paꞌ gasiꞌ nga, kada esat imyu, magdakulaꞌ i raras mi it esa may esa.

2 Tesalonica 2:13

Temed dapat kami nga pirming magpasalamat duꞌun it Ampuꞌang Diyus sabap it imyu, mga sulsug namen kat pamayaꞌ nga mga pagrarasan it Ampuꞌan. Sabap, garing it ega pay banwa, napiliꞌ kamung lagi it Ampuꞌang Diyus nga, kat keseg it Espiritu Santo, maribri kamu baw ipapinpin nga mga mataldeng nga taawan ya sabap it pamayaꞌ mi it kamatuudan ngaytu.

Santiago 5:12

Ta kayti, mga sulsug ku kat pamayaꞌ, subrang ipagbenge-bengel kut imyu nga ega na magsumpa kamu. Ega na aaten mi nga “Sistigu ku i langit,” u “sistigu ku i banwa,” u maski unu pang beken nga idungag mi nga pangibet. Iyan bay magayen nga ampangen mi, in eeꞌ, eeꞌ. In ega, ega. Atkayan na lamang isaꞌun daꞌkamu mabetanganan it Ampuꞌang Diyus it ukuman.

1 Pedro 4:8

Subraꞌ it muꞌsa, magsigraras kamu nga banar it esa may esa. Ka basta pagrarasan tay mga maꞌiba ta, mapiyasinsiya tami it mga kamaliꞌ nira.

2 Pedro 3:18

In daꞌga, kaꞌilangan pasigi kamu nga pagpapaꞌgenen mi i pamayaꞌ mi it Ampuꞌan baw Manriribri tami nga si Jesu-Cristo, kat ildaw nga ipagbegay ya. Baw paꞌresan mi i pagkilala mit kanya, isaꞌun dumakulaꞌ i kasepsep mi it kaꞌirgan baw adat ya. Dapat nga bantugun kanya kayti baw seked it kaꞌnu-kaꞌnu. Kamatuudan tu.

3 Juan 1:1

Iba-iba ku nga si Gayo, nga pagmaꞌalen ku nga matuud, wayan i surat ku, aku nga piyakamagurang.

Mga Ipiyalteg 2:9

Talagang magkaltegan kuy mga paglabayen mi ka pagpakuriꞌan kamu. Urut ku nagay kakuriꞌ mi. Temed yay matuud, pasar it kamanggadan nga garing it aken, manggaden kamu talaga. Baw magkaltegan ku gasiꞌ i mga taw nga magbete-beteꞌ nga mga taawan ku sira, temed panibabaꞌ ga lamang tut aken. Ka yay matuud, sang siraan yan nga magsirbi it ki Satanas.