3 Juan 1:11 - Tagbanwa

¹¹ Pagmaꞌaleng iba-iba, ega mu guruun i maraꞌe-raꞌet nga buwat it beken, in daꞌga ari-ari magayen, iyan i imu. Ka iyan magbuwat it magayen, magpakiꞌuyun kanyat Ampuꞌang Diyus. Temed iyan magbuwat ngayat maraꞌe-raꞌet, ega yan nakatantu it in unuy adat it Ampuꞌang Diyus.

3 Juan 1:11 Iomraidhean Croise

Juan 10:27

Magpagneg it gaꞌmaran ku i mga tupa ku. Magkakilalaan ku sira, baw magdasun sira gasiꞌ it aken.

Juan 12:26

Iyan magsirbi it aken, kaꞌilangan masiyunudun kanyat aken, baw in ariyen i aduꞌunan ku, aduꞌunan naga yan it magsirbi ngaytu it aken. Talagang tumbasan it Amaꞌ it kagayenan i maski siyu nga magsirbi it aken.

Juan 3:20

Iyan magbuwat ngaytut karaꞌe-raꞌetan, talagang ega ireg yay tidaw ngaytu. Ega ireg yang patpad ka maꞌyagan i buwat ya nga maraꞌe-raꞌet.

1 Corinto 11:1

Eeꞌ baꞌ, guruun mi i aken nga adat ka, aku, pagguruun kuy adat ni Cristo.

1 Corinto 4:16

Aypaꞌ, asi-asi paꞌ sana it imyu, it bilang amaꞌ mi na aku, ega pasyangan mi i namuyaan mi nga adat ku.

Efeso 5:1

Ta it kayti, kabilangan mi, mga anak kamu na it Ampuꞌang Diyus nga pagmaꞌalen ya, sana paꞌresan mi nga guruun mi naga kanya.

Filipos 3:17

Mga sulsug ku kat pamayaꞌ, magꞌurunyun kamu nga guruun mi i aken nga pagsunud it kaꞌirgan it Ampuꞌang Diyus. Niidan mi sira asan nga atkaytu nagay kanira nga pagbuwaten ka pasbungan mi.

1 Tesalonica 1:6

Ta, giyuru mi i amen ngaytu nga adat, ka magpasbung kamu na gasiꞌ it Ampuꞌan. Maski talagang piyakuriꞌan kamu, temed tiyanggap mit masagya i ampang it Ampuꞌang Diyus nga ipiyangadal namen. Eeꞌ baꞌ, tiyanggap mi it may kamatuudang kasagyaan nga begay it Espiritu Santo.

1 Tesalonica 2:14

Ka daꞌga baꞌ, mga sulsug namen kat pamayaꞌ, nakasbung kamu nat mga taga Judea nga mamagpamayaꞌ it Ampuꞌang Diyus, iyan mga nagpakilagpit nga matuud it ki Cristo Jesus? Ka pagpakuriꞌan kamu it mga kabanwa mi sabap it pamayaꞌ mi, subung nagat mga taga Judea ngayti nga piyakuriꞌan it mga kabanwa nira nga mga Judio.

2 Timoteo 3:10

Temed ikaw, Timoteo, natantuwan mut magayen i mga ipagpangadal ku. Urut mu nay adat ku, baw in unuy pagpaꞌresan ku, baw in sang unuy pamayaꞌ ku it Ampuꞌan. Naꞌrutan mu na in magꞌuꞌunu ega magkaskedan aku it kakuriꞌan, baw in sang unuy kadakulat kararas baw paneꞌteꞌ ku.

Hebreo 6:12

Aypaꞌ magayen, ega garusan mi i pamayaꞌ mi. Iyan i guruun mi, mga taw nga ega magkaskedan kat pagsarig baw pamayaꞌ nirat Ampuꞌang Diyus, ka iyan i siguradu nga ikatanggap it mga isiyanggup ya.

1 Pedro 3:11

Baw iyan mga buwat nga maraꞌe-raꞌet, kaꞌilangan indiꞌan ya na, ka purus magayen nay buwaten ya. Magayen nga pakiꞌiba-ibat masigkataw ya i kaꞌilangan ya nga pagpaꞌresan nga pirmi.

1 Pedro 3:13

Ta daꞌga in pirming uyun kat kaꞌirgan it Ampuꞌang Diyus i pangaꞌgenan mi, siyuy kabwat it imyu it ikaꞌilang it kiyarurwa mi? Simpri ega.

1 Juan 2:29

Urut mi na nga talagang mataldeng i Ampuꞌang Diyus. Aypaꞌ sikayan matantuwan mi nga sira nga magbuwat nat mataldeng kat panleteg it Ampuꞌang Diyus ngaytu, sira i ipagpabetang ya nga mga anak ya na.

1 Juan 3:10

Sikaytu ta makilalaan in siyu may siyu i bilang anak nat Ampuꞌang Diyus, baw siyu pay bilang anak ni Satanas. Iyan nga ega magpaꞌres it muwat it kataldengan kat panleteg it Ampuꞌang Diyus baw egay raras yat sulsug ya kat pamayaꞌ, siguradung ega yan anak it Ampuꞌang Diyus.

1 Juan 4:1

Mga pagmaꞌalen ku, ega basta-basta pamayaꞌnen mi i magꞌaat nga, “Ampang ku ngaytu, garing duꞌun it Espiritu Santo, ka ipiyanakem yat aken.” Kaꞌilangan niidan baw ineꞌteꞌen mi daꞌan, isaꞌun masiguru mi nga garing nga matuud duꞌun it Ampuꞌang Diyus i inampang ya ngayan. Sabap kayti, dakel nay mga magpapru-prupitaꞌ nga magpangadal nat katataawan situt sinirungat langit.