3 Juan 1:10 - Tagbanwa

¹⁰ Aypaꞌ in kapaꞌasan aku, abigwaren kuytuy muꞌsa ngayang buwat ya, nga talagang paglibaken ya kami. Baw subuk ega paꞌ magkaꞌustuꞌan kanyat itung buwat ya, in daꞌga dungag ya paꞌ, ega pagtanggapen yay mga mamagpangadal ngaytit pasar it ki Jesus. Maꞌunu tanggapen ya isan yan pagpaaren ya paꞌ baw pagꞌawaꞌen ya kat kanirang gurupu nga magpamayaꞌ i iyan mamagꞌireg tumanggap it mamagꞌabut ngayan asan.

3 Juan 1:10 Iomraidhean Croise

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Juan 9:22

Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.

Mga Binwat 1:15

Kaꞌsa nga tingped naga sira, mga sang gatus baw duwang puluꞌ i kadakel nira. Timnindeg si Pedro kat tengaꞌ nira baw miyampang.

2 Corinto 13:2

Iyan pangadwa ngayang pagpaꞌasan kut imyu siyardaw ku i mga nagkasalaꞌan. Baw kayti, nga daꞌku paꞌ miyabut asan, pagꞌaaten ku siꞌ sira, baw in siyu pay beken nga nagkasalaꞌan. Ipagsasar kut kanira nga in ega paꞌ nangindiꞌ sira, ega nay pasinsiya in mabut aku.

Galacia 6:10

Aypaꞌ, kada pagbegayan tat rugar, kaꞌilangan paꞌres tami it buwat nga magayen kat mga kaꞌibaan tami, subraꞌ na kat mga sulsug tami kat pamayaꞌ.

1 Timoteo 5:13

Baw beken, basta mga mangaꞌwaꞌen i ipaꞌuyut mu, barang gumarus sira. Yanay maꞌrutan, tungbalay duꞌut kabebekenan. Ta wayan baꞌ magꞌadat na sirat maraꞌe-raꞌet nga pagpasilabtan i ega kanira baw maguꞌyas paꞌ.

2 Juan 1:10

Aypaꞌ maski siyuy mabut asat imyu nga belag it itung ipagpangadal i taban ya, ega paꞌapyaten mi asat balay mi baw ega na lamang kumustaen mi.

2 Juan 1:12

Sana dakulaꞌ pang kusugiden ku, temed ega na isurat ku. Ka ireg ku baꞌ sana, kapaꞌasan akut imyu. Masugi-sugid ku kamu it nagꞌada-adapen tami isaꞌun makasagya tami it kasagyaan nga egay kakurangan.

3 Juan 1:3

Ka talagang masagyang-masagya aku pagꞌabut sinit pirang mga sulsug ta kat pamayaꞌ nga garing asan, sabap itiyuturan nirat aken nga pagteꞌteꞌan muy kamatuudan nga panulduꞌ, baw uyun nga pirmi kat kamatuudan ngaytu i pangaꞌgenan mu.

3 Juan 1:5

Pagmaꞌalen ku nga iba-iba, talagang magayen i adat mu nga matiyabangen ka it mga kasulsugan ta kat pamayaꞌ, maski ega kilala mu.