2 Juan 1:8 - Tagbanwa

⁸ Aypaꞌ kaꞌilangan magꞌintur kamu, isaꞌun ega maꞌilang i piyakarigaan mi, in daꞌga matanggap mi i piyakamagayen nga tumbas.

2 Juan 1:8 Iomraidhean Croise

Mateo 24:4

Katubag si Jesus, maat ya, “Magꞌintur kamu nga ega mateꞌag-teꞌag kamu it maski siyu.

Marcos 13:23

Aypaꞌ magꞌintur kamu nga banar. Ipagsugid ku naytung lagi it imyu i muꞌsa ngaytu isaꞌun daꞌkamu naga mateꞌag-teꞌag.

Marcos 13:9

Ta kamu ngaytu, magꞌintur kamu talaga. Sabap isari kamu nayan it dimanda duꞌun it mga punuꞌan. Sariyan kamu nayan it pasakit duꞌun it mga papagsambaan. Baw sabap lamang it pagsunud mit aken, ipaꞌadap kamu nayan duꞌun it mga gubirnadur baw duꞌun it mga adiꞌ, isaꞌun kapamatuud kamu duꞌun it adapan nira.

Lucas 19:19

‘Ta, in atkayan,’ maat it agalen ya ngayti, ‘pamaalaꞌan muy lima nga kalansanganan.’

Lucas 21:8

Pagtubag ni Jesus, maat ya, “Magꞌintur kamu nga ega mateꞌag-teꞌag it maski siyu. Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayang paꞌaaten,’ baw ‘Timpu naytu it umur.’ Temed ayaw kamut pamayaꞌ kayan.

Juan 4:36

Aypaꞌ magayen in papuꞌun kamu na kayti it kumayeg. Nakasiguru talaga i ibgay it Ampuꞌang Diyus nga tumbas kat mga binwatan mi, nga papamayaꞌnen mit aken i mga taw isaꞌun makanira i kaꞌgenan nga egay kaskedan. Talagang ega basta-bastay kasagya it iyan manigkayeg, atnaga i nanguma.

1 Corinto 15:8

Pangiyaꞌpusang banar nga piyakikitaan ya, aku na, maski na maat subung akut ega sampun nga waꞌwaꞌ nga ega pagꞌinawaren nga maꞌgen.

1 Corinto 3:14

Ta, in ega maꞌunu-unu it apuy ngaytu i ipiyagꞌeman nira kat ega basta-bastang ipagpapaꞌgen it balay, simpri siguradu nga tumanggap sira it tumbas.

1 Corinto 3:8

Ka iyan manigluwak baw iyan manigbuꞌbuꞌ, urunyun sira kat pagbuwaten nira, nga esa-esay pagpaꞌresan. Baw mabut i aldaw nga, kada esat kanira, tumanggap it tumbas sigun kat kanya-kanyang piyaꞌresan.

Galacia 3:4

Unu, pabaraꞌen mi na nga egay kakapulusan it muꞌsang nalabayan mi? Sana ega atkayan.

Galacia 4:11

Talagang pagregnan ku kamu ka subuk, muꞌsang ipiyangadal ku asat imyu, magbaraꞌ na nga egay kapulusan.

Filipos 3:16

Takaꞌ kaꞌilangan nga ipasigi tami i pagsunud it kumpur nasepsepan ta na.

Hebreo 10:32

Dedemdemen mi siꞌ i tagnaꞌ, iyan baꞌgu kamu pang naꞌyagan it kamatuudan ngaytu. Daꞌga baꞌ naneꞌteꞌ kamu maski pagꞌapisen nga banar it dakel nga kakuriꞌan?

Hebreo 10:35

Aypaꞌ kayti yay magayen, ega ugaden mi i pagsunud mi it ki Cristo, nga pagpanindegan mi it may pagmaꞌiseg it nakem. Ka talagang nakasiguru i ega basta-bastang panunumbas it pagsunud mi ngaytu.

Hebreo 12:15

Asikasuun mi i pamayaꞌ it esa may esa isaꞌun egay maski siyu it imyu nga subuk magkatuduꞌ kat ildaw ngaytu it Ampuꞌang Diyus. Ka in may atkayan, yay tumaban it kanya it mangindiꞌ. Ka kabilangan it taw nga atkaytuy buwat ya, dikut nga kaꞌiꞌilu i buwaꞌ. Ta, in pataꞌnan lamang kanya nga kemseg simpri, dakel i matindakan nga maguluy ulu nira, ka subuk maꞌilu it kaꞌiꞌilu ya.

Mga Ipiyalteg 3:11

Talagang mabut aku kat madaliꞌ nga timpu. Inturun mi nga, iyan pamayaꞌ mi it kamatuudan baw pagsunud mi it kaꞌirgan it Ampuꞌang Diyus, ega mateꞌag-teꞌag, isaꞌun ega masalaud i tumbas kut imyu, in daꞌga matanggap mi talaga.