2 Juan 1:4 - Tagbanwa

⁴ Talagang masagyang-masagya aku, ka namuyaan ku nga iyan beken nga mga anak mu, magpangaꞌgenan sira uyun kat kamatuudan, subung it ipiyagꞌurdin it aten it Diyus Amaꞌ.

2 Juan 1:4 Iomraidhean Croise

1 Corinto 13:6

Baw ega na magkasagyaan i buwat nga maraꞌe-raꞌet in daꞌga yanay magkasagyaan, buwat nga magayen nga uyun kat kamatuudan.

Galacia 2:14

Ta yan namuyaan ku nga daꞌsira magpangaꞌgenan uyun kat kamatuudan nga Magayeng Baritaꞌ, inaat ku si Pedro kat adapan nirang muꞌsa, “Ta ikaw, maski manengteng ka nga Judio, temed inindiꞌan mu na i pagsunud it mga kaꞌurdinan kat rilihiyun tami nga mga Judio. Aypaꞌ unuka ipagpasunud mu paꞌ it mga taw nga ega Judio?

Efeso 5:2

Mangaꞌgenan kamu it pirming pagbegbegan it raras mi it maꞌiba mi. Pasbung kamut ki Cristo nga, kat kadakulat raras ya it aten, ipiyagtas yay ginawa ya, nga ipiyasbung yay sadili ya it piyakamabanglu nga panalisi nga pagsagyaan nga banar it Ampuꞌang Diyus.

Efeso 5:8

Ka iti, tagnaꞌ ngayti, talagang kat kadleman kamu paꞌ ka egay pagkilala mi it Ampuꞌang Diyus. Temed kayti, kat kaꞌyagan kamu na sabap it pakilagpit mi it Ampuꞌan. Aypaꞌ mangaꞌgenan kamu na it pangaꞌgenan nga bagay kat mga taw nga naꞌyagan na.

Filipos 4:10

Talagang dakulaꞌ nga banar i kasagyaan ku baw pagpasalamatan ku duꞌun it Ampuꞌan i sabap it natanggap ku nga tabang mit aken. Natantuwan ku nga palan, kaꞌlay ngaytu, magsisigi nagay kutabang mit aken. Daꞌkamu lamang magkarugar.

1 Juan 2:6

Aypaꞌ iyan magꞌaat nga, “Pagteꞌteꞌan ku na si Jesu-Cristo, nga talagang maglalagpit aku nat kanya,” kaꞌilangan mangaꞌgenan kanya it subuk pangaꞌgenan ni Jesu-Cristo ngaytu, iyan situ paꞌ kanyat sinirungat langit.