2 Juan 1:3 - Tagbanwa

³ Baw yay matuud, maꞌaten nga pirmi i ildaw, sanguꞌ nga tabang baw kaꞌimbengan it nakem nga ipagbegay it Diyus Amaꞌ baw Anak ya nga si Jesu-Cristo. Mga itu ngaytu, talagang ibgay it Ampuꞌang Diyus kat mga nakakilala nat kamatuudan ngayti baw may raras na it esa may esa.

2 Juan 1:3 Iomraidhean Croise

Roma 1:7

Aypaꞌ kamu naytung muꞌsa asan it Roma i pagꞌabutun it surat ku ngaytu, kamu nga pagrarasan nang banar it Ampuꞌang Diyus, mga taw nga piniliꞌ baw ipiyapinpin ya nga mga taawan ya na. Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Amaꞌ ta nga Ampuꞌang Diyus baw Ampuꞌan nagang si Jesu-Cristo.

Galacia 5:6

In maglalagpit tami nat ki Cristo Jesus talagang ega nay kuwintaꞌ it pagturiꞌ ngaytu in naturiꞌan u ega. Iyan i ega matuduꞌ, kamatuudang pamayaꞌ baw pagsarig it ki Cristo ngaytu nga magkamuyaan kat kadakulat raras tat masigkataw ta.

1 Timoteo 1:14

Yay matuud, talagang subray basta i ildaw it aken it Ampuꞌan tami. Inildawan ya akut sumarig baw mamayaꞌ it kanya baw may raras ku na it mga magpamayaꞌ it kanya. Pamayaꞌ baw kararas ngaytu, ildaw yat aken sabap it pakilagpit ku nat kanya nga si Cristo Jesus.

1 Timoteo 1:2

Talagang pabetang kut imu, Timoteo, subung nat ipiyagrasyaꞌ ku, ega maat kat pagduguꞌ temed kat pamayaꞌ. Ipagpanalangin ku nga sana asat imu nga pirmi i ildaw, sanguꞌ nga tabang, baw kaꞌimbengan it nakem nga ipagbegay it Diyus Amaꞌ baw Ampuꞌan ta nga si Cristo Jesus.

2 Timoteo 1:13

Sawluun mut magayen i muꞌsang mga ipiyangadal kut imu, ka talagang purus tu kamatuudan i mga itu ngaytu. Yanayan i sunudun mu baw ipangadal mu duꞌut beken. Baw inturun mu nga teꞌteꞌ i pagsarig mut Ampuꞌan baw raras mut mga sulsug mu kat pamayaꞌ, nga yay pagꞌadaten it mga magpakilagpit it ki Cristo Jesus.

1 Juan 4:10

Itu naytuy matuud nga pagmaꞌal, ega maat aten nga pagmaꞌal it Ampuꞌang Diyus, in daꞌga kanya ngaytung pagmaꞌal nga may raras it aten. Ka piyapaꞌasitu yat aten i Anak ya nga buwaten nga panalisi, isaꞌun mapasinsiya it aten i mga kasalaꞌan tami.

2 Juan 1:1

Pagmaꞌaleng babay nga piniliꞌ it Ampuꞌang Diyus, baw mga anak mu, wayan i surat ku, aku nga piyakamagurang. Kamu, talagang pagmaꞌalen ku nga matuud, baw ega lamang aku in daꞌga pati kadakel nga nakakilala nang banar it kamatuudan pasar it Ampuꞌan.