2 Juan 1:2 - Tagbanwa

² Pagmaꞌalen namen kamu sabap nakagamut na kat nakem tami i kamatuudan ngaytu, nga egaytu mablag situt aten seked it kaꞌnu-kaꞌnu.

2 Juan 1:2 Iomraidhean Croise

Juan 14:16

Upakaten kuy Amaꞌ ku nga begayan ya kamu it Manigtabang nga bilang ganti ku, nga kanyay kaꞌiba-iba mi nga pirmi seked it kaꞌnu-kaꞌnu.

Juan 15:7

In maneꞌteꞌ kamu situt aken baw maneꞌteꞌ gasiꞌ i ampang ku asat imyu, nga pirmi mi nga pagsunudun, marway in unuy angutun mi duꞌut Ampuꞌang Diyus. Talagang ibgay it imyu.

1 Corinto 9:23

Pagbuwaten kuy muꞌsa ngaytu isaꞌun subrang dakel i kaꞌibaan ku nga magpamayaꞌ it Magayeng Baritaꞌ nga mabagiꞌan it kagayenan nga maggaring sikaytu.

2 Corinto 4:5

Talagang ega sadi-sadili namen i pagpanindegan namen in daꞌga si Cristo Jesus, kanya nga Ampuꞌan tami nga matuud. Baw ipagpabetang namen nga, kat pagsirbi namen it kanya, mga manigsirbi mi gasiꞌ kami.

Colosas 3:16

Iyan mga ampang ni Cristo, pasigi nga idawaꞌ mit magayen asat ulu mi, isaꞌun masepsepan mi nga banar. Kat kasepsep nga begay it Espiritu Santo it imyu, pirmi kamung magtuldu-tulduꞌun baw magsulag-sulagen it esa may esa. Subung naga i pagkantaꞌ mit mga ampang nga magbebtang duꞌut kasuratan nga pagpangaranan it Mga Awit, baw beken nga mga kantaꞌ nga ipagbantug mi it Ampuꞌan baw ikseg it pamayaꞌ mi. Makiyantaꞌen kamu nga ipagsugid i pagbantug baw pasalamat mi duꞌut kanya.

2 Timoteo 1:5

Talagang ega magkalipatan ku i kamatuudan nga pamayaꞌ mu ngayan, nga subung nagat pamayaꞌ ni Loida nga apuꞌ mu nga babay baw ni Eunice nga inaꞌ mu. Pagsisiguruun ku nga asat imu gasiꞌ kayti i atkayan naga nga pamayaꞌ.

2 Pedro 1:12

Aypaꞌ ka pirmi nga ipagpademdem kut imyu i itung mga bagay, maski na maat magkaꞌrutan mi na, baw mapaꞌgen nay pamayaꞌ mi it kamatuudan nga ipiyangadal nat imyu.

1 Juan 1:8

Ta, in pagꞌaaten ta gasiꞌ nga kita, egay kakasalaꞌan, pagꞌambutan ta lamang i sadili ta, baw alaid it aten i kamatuudan.

1 Juan 2:14

Pagsuratan ku kamung magugurang sabap kilala mi naga kanya ngaytu nga, garing it tagnaꞌ paꞌ nga ega pay banwa, may kanya nang lagi. Pagsuratan ku kamung mangaꞌwaꞌen sabap makseg i pamayaꞌ mi. Teꞌteꞌ na asat imyu i ampang it Ampuꞌang Diyus, baw ta, naꞌindaꞌeg mi na i Gimpuꞌun ngaytit Karaꞌe-raꞌetan.

1 Juan 2:17

Temed yay matuud, may kaskedan it banwa ngaytu baw muꞌsa nga magkasasawan it taw nga paglabiyen nira. Temed iyan masunud it kaꞌirgan it Ampuꞌang Diyus, iyan i may kaꞌgenan nga egay kaskedan.