2 Juan 1:10 - Tagbanwa

¹⁰ Aypaꞌ maski siyuy mabut asat imyu nga belag it itung ipagpangadal i taban ya, ega paꞌapyaten mi asat balay mi baw ega na lamang kumustaen mi.

2 Juan 1:10 Iomraidhean Croise

Genesis 24:12

Egay beken, nanalangin nay sarig-sarigan ngayti. Maat i panalangin ya, “AMPUꞌANG DIYUS it agalen ku nga si Abraham, tabangen mu aku it panaw ku ngayni. Ildawan mu naga i agalen ku nga si Abraham.

Mga Binwat 15:23

Magꞌaat i isiyurat nira nga ipiyataban it napanaw ngayti, “Mga sulsug kat pamayaꞌ nga ega Judio asat Antioquia baw beken nga mga rugar nga sakep it Siria baw Cilicia, wayan i surat namen. Kami nga mga apustul baw mga magpamaalaꞌ it mga magpamayaꞌ sinit Jerusalem, magkumusta it imyu asan.

1 Corinto 16:22

Rigaen it Ampuꞌang Diyus it ega pateng nga panriga i maski siyu nga egay kamatuudan nga pagmaꞌal ya it Ampuꞌan. Mabut ka na sana, Ampuꞌan namen!

1 Corinto 5:11

Iyan talagay pagpaꞌiguꞌan ku kaytu nga ega pakiꞌiba-ibaan mi, iyan mga taw nga maat sulsug mi kat pamayaꞌ, arit mapiyamakun paꞌ duꞌun it ega asawa ya, maꞌirak pat mga kusas nga magkapisiꞌ situt banwa, magsirbi paꞌ it pagbete-beteꞌen nga diyus, mapiyandiyampaꞌ paꞌ, mapiyalangu, baw mapiyanreges-reges. In atkayan pay adat nira, maski kaꞌen ayaw kamut pakikaꞌen duꞌut kanira.

2 Tesalonica 3:14

Baw in may maniidan mi nga ega magsunud it mga inaat namen kat surat ngaytu, tatandaꞌanan mi kanya, baw ega na pakiꞌiba-ibaan mi isaꞌun magꞌeyaꞌ-eyaꞌ kanya.

2 Tesalonica 3:6

Palangbus, mga sulsug namen kat pamayaꞌ, ituy ipagsekat namen it imyu kat ngaran it Ampuꞌan nga si Jesu-Cristo. Ega na pakiꞌiba-ibaan mi i mga taw nga garusan baw ega magpangaꞌgenan uyun kat ipiyangadal namen it imyu.

Tito 3:10

Baw sasaran muy in siyu kat mga pagpamaalaꞌan mu ngayan nga magsasaw u magranggaꞌ it pamayaꞌ it kaꞌibaan ya. Takaꞌ in mga duwa nang sasar mu temed ega naga pagꞌintindiyen ya, bibasen mu na nga ega na kaꞌuyutan mi kanya.

2 Juan 1:11

Sabap in siyuy pakiꞌiba-iba it kanya, magpaꞌuyun na it buwat ya ngayting maraꞌe-raꞌet.

3 Juan 1:10

Aypaꞌ in kapaꞌasan aku, abigwaren kuytuy muꞌsa ngayang buwat ya, nga talagang paglibaken ya kami. Baw subuk ega paꞌ magkaꞌustuꞌan kanyat itung buwat ya, in daꞌga dungag ya paꞌ, ega pagtanggapen yay mga mamagpangadal ngaytit pasar it ki Jesus. Maꞌunu tanggapen ya isan yan pagpaaren ya paꞌ baw pagꞌawaꞌen ya kat kanirang gurupu nga magpamayaꞌ i iyan mamagꞌireg tumanggap it mamagꞌabut ngayan asan.