2 Juan 1:1 - Tagbanwa

¹ Pagmaꞌaleng babay nga piniliꞌ it Ampuꞌang Diyus, baw mga anak mu, wayan i surat ku, aku nga piyakamagurang. Kamu, talagang pagmaꞌalen ku nga matuud, baw ega lamang aku in daꞌga pati kadakel nga nakakilala nang banar it kamatuudan pasar it Ampuꞌan.

2 Juan 1:1 Iomraidhean Croise

Lucas 1:3

Ta, yan naparuri ku nat magayen i pasar it itu nga mga bagay garing it puꞌun-puꞌun ya kaytu, napikir ku gasiꞌ nga sumurat it aken nga pamatuud, isaꞌun maꞌyagan mu it pagayen-gayen.

Juan 8:32

Makilalaan mi nayang banar i kamatuudan, baw iyan kamatuudan ngaytu, itu na i paliꞌwan it imyu.”

Mga Binwat 11:30

Aypaꞌ nagbegay sira nga matuud. Bawnga inupakat nira na Bernabe, duwa ni Saulo, nga siray tumaban it iti ngayti duꞌun it mga magpamaalaꞌ it mga magpamayaꞌ duꞌun it Judea.

Roma 16:13

Pagpaꞌabutan ku gasiꞌ it pangumusta ku si Rufo nga esang mabantug nga magpamayaꞌ it Ampuꞌan, pati inaꞌ ya nga bilang inaꞌ ku gasiꞌ.

Galacia 2:14

Ta yan namuyaan ku nga daꞌsira magpangaꞌgenan uyun kat kamatuudan nga Magayeng Baritaꞌ, inaat ku si Pedro kat adapan nirang muꞌsa, “Ta ikaw, maski manengteng ka nga Judio, temed inindiꞌan mu na i pagsunud it mga kaꞌurdinan kat rilihiyun tami nga mga Judio. Aypaꞌ unuka ipagpasunud mu paꞌ it mga taw nga ega Judio?

Galacia 2:5

Temed daꞌkami nagpaꞌuyun it maski dekeyeꞌ it ipagpaliꞌwan nira ngayti, ka isaꞌun ega maragiꞌan it ega matuud i kamatuudan nga Magayeng Baritaꞌ, baw ega mateꞌag-teꞌag kamu.

Galacia 3:1

Unu, pagꞌengel-engelen kamu na nga taga Galacia? Barang magpulpug kamu na! Diyaꞌeg aku talaga in unuka magpasasaw kamut mga magpanlibeg ngayat pikiran mi it tiyaꞌseb kamu nang banar it pagpatalandagan it kamataynen ngaytu ni Jesu-Cristo duꞌut krus.

Galacia 5:7

Katꞌesa magayen naga i pagsunud mi it dalan it kamatuudan. Ta siyuy miyabaꞌ it dalan ngaytu, nga kayti magpaski kamu na?

Colosas 1:5

Atkaytu i pagsarig baw pagmaꞌal mi ngaytu sabap pagsisiguruun mi i kagayenan nga magꞌaꞌareg it aten duꞌut langit, iyan kagayenan nga nasiguru mi kat Magayeng Baritaꞌ nga kamatuudan nga ipiyangadal it imyu it tagnaꞌ.

1 Timoteo 2:4

Ka iyan talagay ireg ya, maribri i muꞌsang taw baw matantuwan niray kamatuudan pasar it kanya baw dalan it karibriyan ngaytu.

Hebreo 10:26

Ka in talagang timindek na kat nakem tami i kamatuudan pasar it kamataynen ni Jesus, temed baliwalaꞌen tami paꞌ ka temden siꞌ nga ipasigi i pagbuwat ta it kasalaꞌan, ega na talagay beken nga ipagsalisi nga ikapasinsiya it kasalaꞌan tami.

1 Pedro 1:2

Kamu ngaytu, piniliꞌ it Diyus Amaꞌ uyun naga kat pagnanakmen ya na nga lagi baw nakapabetang-betang ya garing paꞌ it katagnaꞌ-tagnaꞌan. Piniliꞌ ya kamu isaꞌun kat keseg it Espiritu Santo nga magsasarum kat bilug mi, buwaten kamu nga masiyunudun it ki Jesu-Cristo, nga napasinsiya nay mga kasalaꞌan mi sabap it ipiyaturuꞌ nga duguꞌ ya. Ipagpanalangin ku nga sana magbastanti nga pirmi asat imyu i ildaw baw kaꞌimbengan it nakem nga ipagbegay it Ampuꞌang Diyus.

1 Pedro 5:1

Ta kayti, kamu nga mga magpamaalaꞌ it mga magpamayaꞌ asan it imyung rugar, may ireg ku nga sugiden it imyu. Ka aku, esa gasing manigpamaalaꞌ, baw manigpamatuud sabap it mga kakuriꞌan nga nalabayan ni Cristo nga nagpasar kat mata ku. Esa aku nagang may kaꞌuyutan it kagayenan ya nga ipatanyag ya kat pagdadarapaꞌen.

1 Pedro 5:13

Pagkumustaen kamu it kadakel it mga magpamayaꞌ nga mamagtingped na sinit Roma, sira nga piniliꞌ it Ampuꞌang Diyus nga subuk imyu, nga mga taawan ya na. Pagkumustaen kamu gasiꞌ ni Marcos nga bilang anak ku.

1 Juan 2:21

Ega maat pagsuratan ku kamu sabap it ega magkaꞌrutan mi i kamatuudan pasar it ki Cristo, in daꞌga isaꞌun mapasiguru ku kamu kat kamatuudan ngaytu nga magkaꞌrutan mi na. Baw ta, urut mi na gasiꞌ nga iyan mga kaꞌambutan nga panulduꞌ, ega garing kat kamatuudan ngaytu.

1 Juan 3:18

Kamu nga bilang anak ku, iyan bay magayen, ega desang ipagsugid ta nga magsigraras tami, in daꞌga ipagpalteg ta kat mga pagbuwaten ta nga kamatuudan i raras ta ngaytu.

2 Juan 1:13

Pagkumustaen ka it mga anak it sulsug mu nga babay nga piniliꞌ gasiꞌ it Ampuꞌang Diyus nga subung it imu.

2 Juan 1:5

Ta kayti, Bilaꞌ, sana may ipagpakiꞌupakat kut imu. Itu, ega maat baꞌgung urdin i ipagsurat ku ngaytu, in daꞌga dati nagaytung urdin nga situ na nga lagit aten garing paꞌ it tagnaꞌ, itu nga magsigraras tami it esa may esa.

3 Juan 1:1

Iba-iba ku nga si Gayo, nga pagmaꞌalen ku nga matuud, wayan i surat ku, aku nga piyakamagurang.