1 Juan 5:9 - Tagbanwa

⁹ In pagpamayaꞌnen tami i pamatuud it taw, subrang mapaꞌgen i pamatuud it Ampuꞌang Diyus, aypaꞌ simpri kaꞌilangan pamayaꞌnen tami. Baw iyan ngayan, talagang ipagpamatuud it Ampuꞌang Diyus nga Anak ya talaga si Jesu-Cristo.

1 Juan 5:9 Iomraidhean Croise

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Juan 10:38

Temed in pagbuwaten kuy buwat ya ngaytu, maski ega pagpamayaꞌnen mi aku, kaꞌilangan nga pamayaꞌnen mi i mga pagbuwaten ku ngaytu ka sikayan mi matantuwan baw masiguru nga aku baw Amaꞌ ku, sang kagina-ginawaan kami.”

Juan 5:39

Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.

Mga Binwat 17:31

Ka ipiyabetang-betang ya nga lagi i aldaw nga ipangukuman ya it muꞌsang taw kat mga kasalaꞌan nira. May esang taw nga ipiyatindeg ya nga mangukuman, baw mataldeng i pangukuman ya ngaytu. Kamatuudan it kanya i ipiyatindeg it Ampuꞌang Diyus, natay kanya bawnga inggen kanyat Ampuꞌang Diyus it paꞌuliꞌ.”

Mga Binwat 5:32

Ta kami ngaytu, talagang magpamatuud kami nga kamatuudan i muꞌsa ngaytu. Baw magpamatuud naga i Espiritu Santo nga ipagpasarum it Ampuꞌang Diyus kat mga magsunud it kanya.”

Hebreo 2:4

Pati Ampuꞌang Diyus, ipiyagpamatuud ya gasiꞌ i panulduꞌ nira kat dakel-dakel nga mga tandaꞌanan nga kalililuꞌang bagay nga ipiyabwat yat kanira, baw kat mga kakayaan gasiꞌ nga begay it Espiritu Santo kat in siyu-siyu i ireg it Ampuꞌang Diyus ngaytu.

Hebreo 6:18

Basta simnanggup i Ampuꞌang Diyus baw nanumpa paꞌ kanya, talagang siguradu i pagtuman ka ega mapakay nga mambut kanya. Aypaꞌ piyasagya nang banar i nakem tami, kita nga nagpaꞌimbeng duꞌut kanya, isaꞌun inawaren tat nakaꞌunay nga inawar i kagayenang isiyanggup ya.

1 Juan 5:10

Aypaꞌ siyu-siyuy magpamayaꞌ baw magsarig it Anak it Ampuꞌang Diyus, pagsisiguruun ya kat nake-nakem ya nga talagang matuud i pamatuud ngaytut Ampuꞌang Diyus. Temed iyan ega magpamayaꞌ it pamatuud ngaytut Ampuꞌang Diyus, egay beken, pagpakiꞌambutun yay Ampuꞌang Diyus ngaytu, ka ega pagpamayaꞌnen yay ipagpamatuud ya pasar it Anak ya.

1 Juan 5:8

Tulu ngaytu, Espiritu Santo, danum baw duguꞌ. Baw nagꞌuyu-uyunun i tulu ngaytu.