1 Juan 5:8 - Tagbanwa

⁸ Tulu ngaytu, Espiritu Santo, danum baw duguꞌ. Baw nagꞌuyu-uyunun i tulu ngaytu.

1 Juan 5:8 Iomraidhean Croise

Mateo 28:19

Aypaꞌ buwaten mi, lekpen mi i muꞌsang mga bangsa, nga ipanulduꞌ mit kanira it eꞌres nga panulduꞌ i pasar it Magayeng Baritaꞌ isaꞌun masepsepan nirang banar baw kapasakep it aken it kamatuudan. Bawtisan mi i pasakep ngaytu, kat ngaran it Amaꞌ baw kat Anak baw kat Espiritu Santo.

Marcos 14:56

Sabap maski dakel na nga nanistigu it kaꞌambutan kuntraꞌ it ki Jesus, temed namelag-belagen it ipagsugid pasar it kanya.

Juan 15:26

Temed pagꞌabut situ it Manigtabang nga papaꞌasituun ku nga garing duꞌut Amaꞌ, kanya i pamatuud it aken. Kanya, Espiritu Santo ngaytu, i manigpaꞌrut it kamatuudan baw pagtaꞌgen it Amaꞌ ku.

Juan 19:34

Yan nayan lamang i binwat it esang sundaluꞌ, sininduꞌrak yat besak i sang baling kilid ni Jesus. Magkagabut i besak, magburwak i duguꞌ baw danum.

Mga Binwat 15:15

Ituꞌun ngaytu, magpanunsun naga kat mga isiyurat it mga prupitaꞌ it tagnaꞌ nga magꞌaat,

Roma 8:16

Eeꞌ baꞌ, Espiritu Santo na ngaytuy magpamatuud kat nakem ta nga talagang kita, inanak nang matuud it Ampuꞌang Diyus.

2 Corinto 1:22

Piyapasaruman ya paꞌ kita it Espiritu Santo nga yay bilang markaꞌ yat aten, nga imandaꞌan it talagang mga taawan ya na kita. Baw Espiritu Santo ngaytu i ipiyauꞌna it Ampuꞌang Diyus isaꞌun masiguru tami nga mabut i aldaw nga kumplituun ya i kagayenan nga magꞌaꞌareg it aten.

Hebreo 13:12

Ta atkayan naga, inimatay si Jesus duꞌun it liꞌwan it kutaꞌ it siyudad it Jerusalem isaꞌun, kat pagturuꞌ ngayti it sadili ya nga duguꞌ, malimpiyuꞌ ya i katataawan kat mga kasalaꞌan nira.

Hebreo 6:4

Naꞌaat ku, “in palugtan kamu,” sabap urut it Ampuꞌang Diyus in siyu may siyuy ega na magpaneꞌteꞌ it kanya. Ta magꞌuꞌunu paꞌ mapasinguliꞌ baw mapapaꞌuliꞌ it sumaꞌup duꞌun it Ampuꞌang Diyus i iyan nga namagpangindiꞌ na? Ka tagnaꞌ, naꞌyagan na sira pasar it matuud nga dalan, nakalabay na sira it ega basta-bastang ildaw nga garing duꞌut langit, baw kaꞌuyutan na gasiꞌ sira it piyasaruman it Espiritu Santo.

1 Pedro 3:21

Aypaꞌ sikayan may mapisiꞌ ta nga ladawan it karibriyan ta, sabap iyan biyawtisan ta, ladawan yan it bilang binilwat ta gasiꞌ kat panriga. Sabap pagbawtis ngaytu, ega maat magꞌawaꞌ it buring kat bilug ta, in daꞌga, magpamatuud tu nga miyangut tami na it kapasinsiyaan it mga kasalaꞌan tami. Aypaꞌ ega nay pagꞌiꞌlaman tami nga panriga it Ampuꞌang Diyus. Kapasinsiyaan ngaytu, mapakay na talaga sabap it inggen it paꞌuliꞌ si Jesu-Cristo.

1 Juan 5:9

In pagpamayaꞌnen tami i pamatuud it taw, subrang mapaꞌgen i pamatuud it Ampuꞌang Diyus, aypaꞌ simpri kaꞌilangan pamayaꞌnen tami. Baw iyan ngayan, talagang ipagpamatuud it Ampuꞌang Diyus nga Anak ya talaga si Jesu-Cristo.