1 Juan 5:7 - Tagbanwa

⁷ Yay matuud, tulu talagay magpamatuud kaytu pasar it ki Jesu-Cristo, in siyu talaga kanya.

1 Juan 5:7 Iomraidhean Croise

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Mateo 18:16

Temed in ega magkaꞌayusan kamu, pabayaꞌ ka it esa u duwang kataawan nga magpamayaꞌ, isaꞌun muꞌsang sugi-sugiden mi, makapamatuud it duwa u tulu nga sistigu.

Mateo 28:19

Aypaꞌ buwaten mi, lekpen mi i muꞌsang mga bangsa, nga ipanulduꞌ mit kanira it eꞌres nga panulduꞌ i pasar it Magayeng Baritaꞌ isaꞌun masepsepan nirang banar baw kapasakep it aken it kamatuudan. Bawtisan mi i pasakep ngaytu, kat ngaran it Amaꞌ baw kat Anak baw kat Espiritu Santo.

Juan 1:1

Parabir nagdataꞌ i banwa baw langit, may si Jesus na, nga pagpangaranat Ampang it Ampuꞌang Diyus. Paꞌaaten ngaytung Ampang, duꞌun kanyang lagi it adapan it Ampuꞌang Diyus. Ega lamang kat adapan it Ampuꞌang Diyus in daꞌga, Ampang ngaytung si Jesus, kanya naga i Ampuꞌang Diyus ngaytu.

Juan 10:30

Ka aku baw Amaꞌ ku, sang kagina-ginawaan lamang.”

Juan 12:28

Pagkaꞌampang ni Jesus kayti, maat ya, “Amaꞌ, ipalteg muy kadakulat kabantugan mu.” Bawnga may nagnegan it kadakel ngayti nga gaꞌmaran nga garing duꞌut langit, nga magꞌaat, “Ipiyalteg ku na, temed ipalteg ku sit sumaꞌup i kabantugan ku.”

Juan 14:17

Espiritu Santo i paꞌaaten ku ngaytu. Kanya i manigpaꞌrut it imyu it kamatuudan. Iyan kadaklan nga ega magpamayaꞌ it aken, ega makanira i tabang it Espiritu Santo ngaytu, ka ega pagkilalaen nira baw egay kasepsep nira pasar it kanya. Temed kilala mit imyu, ka magpatepad-tepad nat imyu baw mabut i aldaw nga pasarum na kanya asat bilug mi.

Juan 15:26

Temed pagꞌabut situ it Manigtabang nga papaꞌasituun ku nga garing duꞌut Amaꞌ, kanya i pamatuud it aken. Kanya, Espiritu Santo ngaytu, i manigpaꞌrut it kamatuudan baw pagtaꞌgen it Amaꞌ ku.

Juan 5:26

Iyan Amaꞌ, egay piyanggaringan it kaꞌgenan ya ka kanyay puꞌun it kaꞌgenan. Baw ipiyabetang-betang ya nga atkayan gasiꞌ i kaꞌgenan it Anak ya.

Juan 8:18

Ta aku i esa, ka magpamatuud aku pasar it sadili ku. Yay ikadwa nga magpamatuud gasiꞌ, Amaꞌ ku nga nagtaꞌeg it aken.”

Juan 8:54

Tumubag siꞌ si Jesus, maat ya, “In sadili ku i pagbantugun ku, talagang egay kapulusan kayan. Temed iyan Amaꞌ ku, kanya naga nga pagꞌaaten mi nga Ampuꞌang Diyus mi, kanya bay magpabantug it aken.

Mga Binwat 2:33

Kayti, binggayan na si Jesus it ega basta-bastang kataꞌasan duꞌun nat iwanang ayun it Diyus Amaꞌ. Baw tiyanggap na ni Jesus i isiyanggup it Diyus Amaꞌ nga pasaruman i bilug namen it Espiritu Santo. Ta, mga itu nga magkaltegan baw magkagnegan mi na ngaytu kayti, sabap tu it piyapasaruman kami ni Jesus it Espiritu Santo.

Mga Binwat 5:32

Ta kami ngaytu, talagang magpamatuud kami nga kamatuudan i muꞌsa ngaytu. Baw magpamatuud naga i Espiritu Santo nga ipagpasarum it Ampuꞌang Diyus kat mga magsunud it kanya.”

Deuteronomio 6:4

Pagneg kamu it magayen, bangsa nga Israel. Iyan AMPUꞌANG DIYUS tami, kanya lamang i matuud nga Ampuꞌang Diyus. Ega nay beken.

1 Juan 1:1

Pagsuratan ku kamu pasar it ki Jesu-Cristo, kanya nga pagpangaranat Ampang nga magbegay it kaꞌgenan nga egay kaskedan. May kanya naytung lagi it tagnaꞌ paꞌ, iyan ega pay banwa. Baw kami nga mga alagad ya, talagang nagnegan namen i mga ampang ya, baw talagang naltegan namen kanya. Naꞌeket-eket namen baw naꞌipuꞌ it alima namen.

1 Juan 5:6

Si Jesu-Cristo ngaytu, kanyay limnampud situt denaꞌ. Biyawtis kanya duꞌun it danum. Ipiyaturuꞌ i duguꞌ ya kat kamataynen ya. Talagang ega lamang desang nagpabawtis kanya duꞌun it danum, in daꞌga ipiyaturuꞌ ya naga gasiꞌ i duguꞌ ya. Baw yay magpamatuud kaytu, Espiritu Santo, sabap purus kamatuudan i ipagpaliꞌwan it Espiritu Santo ngaytu.

1 Juan 5:8

Tulu ngaytu, Espiritu Santo, danum baw duguꞌ. Baw nagꞌuyu-uyunun i tulu ngaytu.

Mga Ipiyalteg 19:13

Talpuk nat duguꞌ i pakayan ya. “Ampang it Ampuꞌang Diyus” i panaꞌwag it kanya.