1 Juan 5:3 - Tagbanwa

³ Ituytu i paꞌaaten nga pagmaꞌal tat Ampuꞌang Diyus, masunud tami it mga urdin ya. Ka mga urdin ya ngaytu, ega nagaytu subraꞌ nga mabeꞌgat.

1 Juan 5:3 Iomraidhean Croise

2 Mga Adiꞌ 18:6

Talagang mapaꞌgen i pamayaꞌ ya it AMPUꞌANG DIYUS. Ega nangindiꞌ kanya, baw papaꞌres i pagsunud yat mga urdin nga ipiyaskel it AMPUꞌANG DIYUS it ki Moises.

Exodo 20:6

Temed seked it maski rinibu nga tungtung-inapuꞌ, ildawan ku sira nga magkayli it aken baw sumunud it mga urdin ku.

Daniel 9:4

Kat panalangin ku duꞌun it kanya ngaytu, inamin kuy mga kasalaꞌan namen nga mga taawan ya. Maat ku, “Ampuꞌang Diyus nga magbebegbeg it muꞌsa, ikaw i landaw nga gunaan, nga dapat namen nga galangen it may iꞌlam. Pagtumanen mu i mga sanggup mu kat mga matuud nga magmaꞌal it imu baw kamatuudan nga magsunud it mga urdin mu.

Mateo 23:4

Ka ubus dungagan, dungagan it ipamagꞌurdin nira nga magkaꞌigpitan na lamang i mga taw. Kabilangan nira, subuk magbetek sira it pagdakulaꞌen na nga betek nga ipagpapasaꞌan nirat mga taw nga daꞌna kaya nga pagpasaꞌnen. Temed maski andidiꞌsing it alima nira, ega ireg nira nga ipadiꞌkit nga tumabyang sira.

Juan 14:15

“In matuud nga pagmaꞌalen mi aku, simpri sunudun mi i mga urdin ku.

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Juan 15:14

Kamu i magayen nga iba-iba ku in pagsunudun mi i ipagꞌurdin ku.

Roma 7:12

Aypaꞌ ega talagay maꞌiway ta duꞌut urdin ka garing tu duꞌut Ampuꞌang Diyus. Talagang kada urdin ngaytu, ega basta-basta, mataldeng, baw subrang magayen.

Roma 7:22

Ka kayti, in kat nakem ku lamang, masagya aku naga nga sumunud it mga urdin ngaytut Ampuꞌang Diyus.

Hebreo 8:10

Ituꞌun siꞌ i ipakiꞌupakat ku it mga Israelita kat pagdadarapaꞌen. Mga urdin ku, idawaꞌ ku na kat ulu nira baw ipatdek ku nang banar kat nakem nira. Sakpen ku sira it ega basta-bastang pagsakep it kamatuudang Ampuꞌan, baw ipabetang ku sira nga mga taawan ku nga pagꞌarigraen ku nang banar.

1 Juan 2:3

Pagsisiguruun ta naytu nga kilala ta nay Ampuꞌang Diyus, basta pagsunudun tat magayen i mga ipiyagꞌurdin ya.

2 Juan 1:6

Ituy magpamatuud nga may pagmaꞌal tat Ampuꞌang Diyus, itu nga magpangaꞌgenan tami uyun kat ipiyagꞌurdin ya. Ta ituytu i ipiyagꞌurdin ya ngayan it tagnaꞌ, nga mangaꞌgenan tami it magsigraa-rarasen.