1 Juan 5:10 - Tagbanwa

¹⁰ Aypaꞌ siyu-siyuy magpamayaꞌ baw magsarig it Anak it Ampuꞌang Diyus, pagsisiguruun ya kat nake-nakem ya nga talagang matuud i pamatuud ngaytut Ampuꞌang Diyus. Temed iyan ega magpamayaꞌ it pamatuud ngaytut Ampuꞌang Diyus, egay beken, pagpakiꞌambutun yay Ampuꞌang Diyus ngaytu, ka ega pagpamayaꞌnen yay ipagpamatuud ya pasar it Anak ya.

1 Juan 5:10 Iomraidhean Croise

Isaias 53:1

Katubag i mga taw, “Subuk egay magpakimatuud it ipiyanuturan ngaytu it amen. Subuk egay tiyaꞌseb it in unu talagay pagpapuntuꞌan it mga pagbuwaten ngaytu kat keseg it guna it AMPUꞌANG DIYUS.

Juan 3:16

Ka talagang pagrarasan nga banar it Ampuꞌang Diyus i muꞌsang taw situt sinirungat langit. Aypaꞌ ibinggay yay Anak ya nga paeꞌesa-esa, isaꞌun in siyuy mamayaꞌ baw sumarig it kanya, ega kaꞌaduꞌun it kakuriꞌan, in daꞌga mabgayan kanyat kaꞌgenan nga egay kaskedan.

Juan 3:18

Talagang ega na betanganan it ukuman nga panriga i kumpur mamayaꞌ baw sumarig it kanya. Temed iyan ega magpamayaꞌ, inukumanan sirang lagi nga mabgayan it panriga, sabap ega pagpamayaꞌnen niray paeꞌesa-esa ngaytung Anak it Ampuꞌang Diyus.

Juan 3:33

Temed iyan namayaꞌ nat ipagpamatuud ya ngaytu, iyan i magpamatuud gasiꞌ nga Ampuꞌang Diyus, purus kamatuudan i kanyang pagꞌampangen.

Juan 5:38

Talagang ega ipagdawaꞌ mi asat ulu mi i ampang ya sabap daꞌkamu magpamayaꞌ it aken nga tiyaꞌeg yang paꞌasitu.

Mga Binwat 8:37

Katubag si Felipe, “Ta, mapakay bayan, in nasepsepan mu na baw kamatuudan na talaga i pamayaꞌ mut Magayen ngaytung Baritaꞌ.” “Kamatuudan baytu talaga”, maat i taga Etiope ngayti. “Talagang magpamayaꞌ aku nga si Jesu-Cristo, Anak kanya nga matuud it Ampuꞌang Diyus.”

Roma 8:16

Eeꞌ baꞌ, Espiritu Santo na ngaytuy magpamatuud kat nakem ta nga talagang kita, inanak nang matuud it Ampuꞌang Diyus.

Galacia 4:1

Waytu paꞌ i paꞌalimbawaan ku. In beteꞌ may esang manggaden nga matay it semkad it dekeyeꞌ pay kamumugtungun nga anak ya. Iyan anak ya ngaytu, mabut i aldaw nga tumagpuꞌun kanya it muꞌsa kat pamalay-balay. Temed maski atkayan, mintras ega paꞌ ustuꞌ i idad ya, egay piyagbelagan it kabetangan ya baw kabetangan it mga uripen kat pamalay-balay ngayti.

Galacia 4:6

Ta it paribasay mga anak ya na kita, aypaꞌ piyapasaruman ya gasiꞌ kita it Espiritu Santo, iyan Espiritu Santo nga ipiyangadal baw isiyanggup it Anak ya nga si Jesus. Aypaꞌ, kat panakem it Espiritu Santo ngaytu, mayaꞌngan nay dilaꞌ tami it tumaꞌwag it Ampuꞌang Diyus it Amaꞌ.

Colosas 3:3

Dedemdemen mi nga nakaꞌuyut kamu nat kamataynen ni Cristo baw iyan baꞌgung kaꞌgenan mi, magdadawaꞌ paꞌ nga sekel ni Cristo duꞌut Ampuꞌang Diyus.

Hebreo 3:12

Aypaꞌ, mga kasulsugan, magꞌintur kamu nga pirmi isaꞌun sana egay maski siyu it imyu i may adat nga maraꞌway, nga ega tingled i nakem ya kat pamayaꞌ ya. Ka iyan nay tumaban it kanya it mangindiꞌ it Ampuꞌang Diyus nga egen it egay kaskedan.

2 Pedro 1:19

Kat nagpasar ngayti kat mata namen, subraꞌ na nga pagsisiguruun namen nga talagang kamatuudan i mga kasuratan nga ampang it mga prupitaꞌ. Aypaꞌ idawaꞌ mit magayen kat ulu mi. Ka mga kasuratan ngaytu, kabilangan nira, tidaw nga magꞌeꞌyag it aten mintras delemen paꞌ, seked it magpangeyag-eyag na. Bawnga singkaran tamit Buntatalaꞌ, nga ireg sugiden, kabantugan ni Jesu-Cristo kat pamaꞌuliꞌ ya situ.

1 Juan 1:10

In pagꞌaaten tami nga daꞌta magkasalaꞌan, subuk pagpakiꞌambutun tami i Ampuꞌang Diyus. In atkayan, ega paꞌ natantuwan tami i ampang ya.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

Mga Ipiyalteg 12:17

Ta, kat kadakulaꞌ it iseg it dragon it babay ngayti, paꞌugadan ya nga giraen i beken nga mga tungtung-inapuꞌ it babay ngayti. Itung mga taw, sira nga mamagsunud nga banar it kaꞌirgan it Ampuꞌang Diyus baw ega mamagpangindiꞌ kat kamatuudan nga ipiyatantu it Ampuꞌan nga si Jesus.

Mga Ipiyalteg 2:17

Ta it pagꞌargan it talinga ipagpagneg, kaꞌilangan pagnegan mit magayen i pagꞌaaten ngaytu nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung may ibgay kut kanya nga magꞌaꞌareg sinit langit nga ega paꞌ magkaltegan it taw, iyan manna nga ipagkaꞌgen it egay kaskedan. Begayan ku gasiꞌ kanya it maputiꞌ nga batu nga pagsusuratan it esang ngaran nga baꞌgu nga egay maski siyung makaꞌrut, in daꞌga iyan lamang nga nabgayan kayan.’ ”

Mga Ipiyalteg 2:28

Ibgay ku gasiꞌ it kanya i buntatalaꞌ.