1 Juan 5:1 - Tagbanwa

¹ In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

1 Juan 5:1 Iomraidhean Croise

Mateo 16:16

Katubag si Simon Pedro, maat ya, “Anak ka talaga it Ampuꞌang Diyus nga egen it egay kaskedan. Ikaw talagay isiyanggup ya nga Cristo.”

Lucas 7:5

Sabap pagrarasan ya i bangsa ta ngaytu baw piyabwatan ya paꞌ kita it papagsambaan tami.”

Juan 1:3

Kat keseg it guna ya, nagdataꞌ i muꞌsa nga mga bagay. Kamatuudan, egay maski unu nga giyuna nga ega kanya ngaytuy gimnuna.

Juan 15:23

Iyan magꞌiseg it aken, pagꞌisgan nira gasiꞌ i Amaꞌ ku.

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Juan 6:69

Pagpamayaꞌnen baw pagsisiguruun namen nga ikaw talaga i ega basta-basta ngayan nga siyarigan it Ampuꞌang Diyus.”

Juan 8:42

“Ta in atkayan,” maat siꞌ ni Jesus ngayti, “in talagang mga anak kamu it Ampuꞌang Diyus, kaꞌilangan maꞌalen mi aku, sabap duꞌun it Ampuꞌang Diyus i giyaringan ku. Garing duꞌut kanya, naꞌasitu aku nat imyu. Ega naꞌasitu aku kat kaꞌirgan ku na lamang, in daꞌga matuud nga tiyaꞌeg ya aku.

Mga Binwat 8:36

Siging panulduꞌ ni Felipe, siging panaw it sarakayan ngayti. Ega naꞌlay, nakaꞌbut na sira duꞌut may danum. Maat it katimbang ngayti, “Ta, danum nay ituꞌun. Unu yan, mapakay na nga bawtisan mu aku?”

Mga Binwat 8:37

Katubag si Felipe, “Ta, mapakay bayan, in nasepsepan mu na baw kamatuudan na talaga i pamayaꞌ mut Magayen ngaytung Baritaꞌ.” “Kamatuudan baytu talaga”, maat i taga Etiope ngayti. “Talagang magpamayaꞌ aku nga si Jesu-Cristo, Anak kanya nga matuud it Ampuꞌang Diyus.”

Santiago 1:18

Baw uyun kat kaꞌirgan ya, binwat ya kita nga mga anak ya na kat pamayaꞌ tamit kamatuudan nga ipiyangadal it aten, isaꞌun makasiguru tami nga taawan ta na talaga it Ampuꞌang Diyus, nga ipagpabetang ya nga pirmira kat muꞌsang giyuna ya.

1 Pedro 1:3

Kayti, bantugun tami nga muꞌsa i Ampuꞌang Diyus, nga Amaꞌ it Ampuꞌan tami nga si Jesu-Cristo! Sabap natantuwan ta nga, kat kadakulat ildaw yat aten, bilang ipiyanganak ta kayti it sumaꞌup baw siguradu na talagay pagꞌiꞌinawaren tami nga kagayenan. Ildaw ya ngaytu, siguraduytu sabap duꞌun it pagkaꞌgen ni Jesu-Cristo it paꞌuliꞌ.

1 Juan 2:10

Temed, taw nga may raras ya nat sulsug ya kat pamayaꞌ, iyan i matuud nga magpangaꞌgenan kat kaꞌyagan. Talagang in atkayan, ega nay asat kanya nga ipagkakursud ya kat kasalaꞌan.

1 Juan 2:29

Urut mi na nga talagang mataldeng i Ampuꞌang Diyus. Aypaꞌ sikayan matantuwan mi nga sira nga magbuwat nat mataldeng kat panleteg it Ampuꞌang Diyus ngaytu, sira i ipagpabetang ya nga mga anak ya na.

1 Juan 3:14

Temed maꞌyag nat aten nga kita, ega na subuk patay kat panleteg it Ampuꞌang Diyus, in daꞌga, pagbebgayan ta nat kaꞌgenan nga egay kaskedan. Urut ta naytu sabap may raras ta na talaga it mga sulsug ta kat pamayaꞌ. Iyan ega pay raras ngaytu, subuk sakep paꞌ kanyat kamataynen.

1 Juan 3:17

Temed in beteꞌ pagpabaya-bayaꞌan ta na lamang i mga makukuriꞌ nga kabetangan it mga sulsug ta kat pamayaꞌ, ka maski may kaya ta, pagꞌaligan tami nga itabang it kanira, in atkayan magꞌuꞌunu maꞌaat tami nga may pagmaꞌal ta nat Ampuꞌang Diyus?

1 Juan 3:9

Ka in siyu-siyuy bilang ipiyanganak nat Ampuꞌang Diyus, ega nayan magpasigi pat muwat it kasalaꞌan. Simpri ega na mamlag kanya it bilang nanganak ngaytut kanya. Ta it Amaꞌ ya nay Ampuꞌang Diyus, ega na mapakay nga pasigi paꞌ kanyat muwat it kasalaꞌan.

1 Juan 4:2

Magꞌaꞌatkaytu yan i ikaꞌrut mi in talagang Espiritu Santo nga piyapasarum it Ampuꞌang Diyus i magpanakem it esang taw. Iyan nga magpamatuud nga si Jesu-Cristo, nagbalyu talaga nga taw nga banar baw limnampud situt banwa, siguradung Espiritu Santo it Ampuꞌang Diyus i magpanakem it kanya.

1 Juan 4:20

In beteꞌ may magꞌaat nga, “Pagmaꞌalen ku nay Ampuꞌang Diyus,” temed in may sulsug ya paꞌ kat pamayaꞌ nga pagpakitabugan ya, ambut ya lamang i pagmaꞌal ya ngayan. Ka in ega pay raras yat kaꞌibaan ya nga lelete-letegan ya nat kaꞌlay, magꞌuꞌunu maꞌalen yay Ampuꞌang Diyus nga ega magkaltegan ya?

1 Juan 4:7

Mga pagmaꞌalen ku, siguruun ta nga magsigraras tami it esa may esa, sabap Ampuꞌang Diyus, kanyay puꞌun it kararas ngaytu. Ta kada may raras na ngaytu, maꞌyag nga bilang ipiyanganak na kanya it Ampuꞌang Diyus baw kilalang-kilala ya na kanya.

1 Juan 5:18

Talagang magkaꞌrutan ta na nga iyan mga bilang ipiyanganak nat Ampuꞌang Diyus, ega na maat magpasigi pat muwat it kasalaꞌan, sabap pagtatarimaen na sira ni Jesu-Cristo ngayting Anak it Ampuꞌang Diyus. Ega na mapakay nga sakpen siꞌ ni Satanas.

1 Juan 5:4

Sabap kada bilang ipiyanganak nat Ampuꞌang Diyus, magkaꞌindaꞌeg ya na i pagsakep it kanya it karaꞌe-raꞌetan situt banwa ngaytu. Magkaꞌindaꞌeg ta naytu kat keseg it pamayaꞌ baw pagsarig tat ki Jesu-Cristo.

1 Juan 5:5

Ta siyu may siyuytu i magkaꞌindaꞌeg it pagsakep ngaytut kanya it karaꞌe-raꞌetan situt banwa ngaytu? Sira lamang nga magpamayaꞌ nga si Jesus, egay beken, Anak talaga kanya it Ampuꞌang Diyus.