1 Juan 4:8 - Tagbanwa

⁸ Temed iyan ega pay raras ngaytu, ega payan magkilala it Ampuꞌang Diyus, sabap Ampuꞌang Diyus talagay puꞌun it raras ngaytu.

1 Juan 4:8 Iomraidhean Croise

2 Corinto 13:11

Ta, barang seked na lamang sikaytu i sugi-sugid nga makasurat ku. Mga sulsug ku kat pamayaꞌ, pasagyaen mi i nakem mi. Sana ayusun mi na i pagsunud mi it Ampuꞌang Diyus. Tanggapen mit magayen i ipagꞌaat ku. Magꞌurunyun kamu baw mangaꞌgenan kat ikaꞌimbeng it pakiꞌiba-iba mi. In paꞌresan mi i mga itu ngaytu, mamuyaan mi nga asat imyu nga pirmi i Ampuꞌang Diyus, kanya nga puꞌun it kararas baw pagmaꞌal baw kaꞌimbengan it nakem.

Efeso 2:4

Temed ta, talagang bastanting-bastanti i kaꞌildaw ngaytut Ampuꞌang Diyus baw subray basta i raras ya it aten.

Hebreo 12:29

Sabap, kanya nga Ampuꞌang Diyus tami, in magpanriga, kabilangan ya subuk apuy nga magpangansur.

1 Juan 1:5

Ituytu i ampang ngayan nga nagnegan namen duꞌun it Anak it Ampuꞌang Diyus nga ipagsugid namen it imyu. Iyan Ampuꞌang Diyus, kabilangan ya, maꞌyag nga tidaw. Egay maski unu nga madlem duꞌun it kanya.

1 Juan 2:4

In may magꞌaat nga, “Kilala ku nayan kanya,” temed ega magsunud it mga urdin ya, ambut ya lamang. Talagang egay uru-urut yat kamatuudan.

1 Juan 2:9

Iyan magꞌaat nga, kanya, kat kaꞌyagan na, temed pagpakitabugan ya paꞌ i sulsug ya kat pamayaꞌ, yay matuud, duꞌun paꞌ kanyat kadleman.

1 Juan 3:10

Sikaytu ta makilalaan in siyu may siyu i bilang anak nat Ampuꞌang Diyus, baw siyu pay bilang anak ni Satanas. Iyan nga ega magpaꞌres it muwat it kataldengan kat panleteg it Ampuꞌang Diyus baw egay raras yat sulsug ya kat pamayaꞌ, siguradung ega yan anak it Ampuꞌang Diyus.

1 Juan 3:6

Iyan magpangaꞌgenan it teꞌteꞌ nay pamayaꞌ yat ki Jesu-Cristo, ega nayan magpasigi pat muwat it kasalaꞌan. Temed iyan nga magsisigi pay buwat yat kasalaꞌan, ega yan nakatantu in maꞌunu si Jesu-Cristo baw egay tantung pagkilala yat kanya.

1 Juan 4:16

Magkaꞌrutan ta na talaga baw pagpamayaꞌnen ta nga kita, pagrarasan nga banar it Ampuꞌang Diyus. Ampuꞌang Diyus talagay puꞌun it kararas. Ta kanya nga magpaneꞌteꞌ kat raras yat masigkataw ya, pagteꞌteꞌan ya gasiꞌ i Ampuꞌang Diyus, baw Ampuꞌang Diyus, magpaneꞌteꞌ naga duꞌun it kanya.

1 Juan 4:7

Mga pagmaꞌalen ku, siguruun ta nga magsigraras tami it esa may esa, sabap Ampuꞌang Diyus, kanyay puꞌun it kararas ngaytu. Ta kada may raras na ngaytu, maꞌyag nga bilang ipiyanganak na kanya it Ampuꞌang Diyus baw kilalang-kilala ya na kanya.