1 Juan 4:6 - Tagbanwa

⁶ Temed kita, sakep ta nat Ampuꞌang Diyus. Baw in siyuy magkilala it Ampuꞌang Diyus, iyan i magpagneg it aten. Iyan ega sakep it Ampuꞌang Diyus, ega magpagneg kanyat aten. Sikayan ta maꞌrutan i kamatuudang ampang nga garing duꞌun it Espiritu Santo baw kaꞌambutang ampang nga garing duꞌun it ki Satanas.

1 Juan 4:6 Iomraidhean Croise

Lucas 10:22

Bawnga inaat ni Jesus i kadakel ngayti, nga maat ya, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.”

Juan 10:16

May mga tupa ku pang beken nga magpuyrat mga itu ngaytu nga kat antur na ngaytu. Kaꞌilangan ipaꞌuyut ku gasiꞌ sira it pagꞌaypeten ku. Pagnegan nira gasiꞌ i gaꞌmaran ku, isaꞌun sang siraan nat dati nga mga tupa, baw esa-esa gasiꞌ i manigꞌeper nira.

Juan 10:27

Magpagneg it gaꞌmaran ku i mga tupa ku. Magkakilalaan ku sira, baw magdasun sira gasiꞌ it aken.

Juan 10:3

Pagpasleden kanya it guwardiya it puwirtaꞌan, baw pagpapagnegan nga pirmi it mga tupa i gaꞌmaran ya. Saꞌnulun yay sadiling mga tupa it ingaranen ya, ka ipaliꞌwan ya sira duꞌut antur.

Juan 13:20

Kamatuudan talagay ipagꞌaat ku ngaytut imyu. Iyan magtanggap it pagtaꞌgen ku, aku i pagtanggapen ya. Baw iyan nga magtanggap it aken, pagtanggapen ya gasiꞌ i nagtaꞌeg it aken.”

Juan 14:17

Espiritu Santo i paꞌaaten ku ngaytu. Kanya i manigpaꞌrut it imyu it kamatuudan. Iyan kadaklan nga ega magpamayaꞌ it aken, ega makanira i tabang it Espiritu Santo ngaytu, ka ega pagkilalaen nira baw egay kasepsep nira pasar it kanya. Temed kilala mit imyu, ka magpatepad-tepad nat imyu baw mabut i aldaw nga pasarum na kanya asat bilug mi.

Juan 15:26

Temed pagꞌabut situ it Manigtabang nga papaꞌasituun ku nga garing duꞌut Amaꞌ, kanya i pamatuud it aken. Kanya, Espiritu Santo ngaytu, i manigpaꞌrut it kamatuudan baw pagtaꞌgen it Amaꞌ ku.

Juan 16:13

Temed pagꞌabut it Espiritu Santo ngaytung Manigpaꞌrut it kamatuudan, kanya i tumabang it imyu isaꞌun masepsepan mi nga banar i muꞌsa nga kamatuudan. Ega yan manadili kanyat mampang, in daꞌga yay isugid yat imyu, in unuy magkagnegan ya duꞌun it Amaꞌ. Baw ipaꞌyag ya gasiꞌ it imyu i mga bagay nga magꞌaꞌabut.

Juan 18:37

“Aypaꞌ adiꞌ ka, daꞌga?” maat ni Pilato. Maat i tubag ni Jesus, “Eeꞌ, matuud yan i inaat mu ngayan nga adiꞌ aku. Temed ipiyanganak aku baw piyalampud situt banwa ngaytu isaꞌun nga ipaꞌyag kuy in unu talagay kamatuudan. Magpagneg it mga ampang ku i kumpur kumaꞌrut it kamatuudan.”

Juan 20:21

Maat siꞌ ni Jesus it kanira, “Maꞌimyu nay kaꞌimbengan it nakem mi. In magꞌuꞌunu tiyaꞌeg akut Amaꞌ, atkayan naga pagtaꞌgen ku gasiꞌ kamu.”

Juan 8:19

Pagkagneg it mga taw ngayti, miningkut sira nga magꞌaat, “Ay ari bayan i Amaꞌ mu ngayan? Ari pagꞌaꞌanuꞌan ya?” Tumubag si Jesus, maat ya, “Yay matuud, it ega naga kilala mi aku, simpri ega naga kilala mi i Amaꞌ ku. In beteꞌ magkakilalaan mi na aku, simpri makilalaan mi naga gasiꞌ kanya.”

Juan 8:23

Maat paꞌ ni Jesus, “Kamu, taga denaꞌ. Aken, taga langit aku. Mamagtatakenaꞌ kamu situt banwa ngaytu. Aken, ega. Aypaꞌ ega surubung i kat nakem tami.

Roma 1:1

Mga pagmaꞌaleng iba-iba nga asan it Roma, wayan i surat ku, aku nga si Pablo nga esang manigsirbi ni Cristo Jesus. Esa akung ipiyatindeg it Ampuꞌang Diyus nga apustul nga tiyaꞌeg yang mangadal it Magayen ngaytung Baritaꞌ pasar it karibriyan ngaytu nga ipiyabetang-betang ya.

Roma 11:8

Ka atkaytu naga i magbebtang duꞌun it kasuratan nga magꞌaat, “Binwat yay nakem nira nga subuk magꞌigaꞌ nga ega magkabatiꞌ. Maski may mata nira, subuk binlegan ya sira. Maski may talinga, subuk piyabngel seked it kayti na ngaytung timpu.”

1 Corinto 14:37

In beteꞌ pagpikiren it maski siyu nga inildawan kanya it kakayaan nga pagpanakman it ipagpaꞌrut it Ampuꞌang Diyus duꞌut kadakel, u in pagpikiren ya nga taw kanya nga pagpadisiran it Espiritu Santo, kaꞌilangan nga kilalaen ya nga, ipiyagsurat ku ngaytu, ipagꞌurdin it Ampuꞌan.

2 Corinto 10:7

Yay salaꞌ it imyu, iyan lamang i sisigmata mi nga pirmi, iyan nga kat liꞌwan nga kabetangan it taw. Yay matuud, in pagsisiguruun it maski siyu nga si Cristo i nagrumra it kanya, magayen pikiren yaytut magayen isaꞌun matantuwan ya nga, kami ngaytu, atkayan naga nga si Cristo talaga i nagrumra it amen nga mga manigsirbi ya.

2 Tesalonica 1:8

Uyut nagat pangabut ya i magdidigalang nga apuy, baw rigaen yat kamatuudan i kumpur ega magkilala it Ampuꞌang Diyus baw ega magpamayaꞌ it Magayen ngaytung Baritaꞌ pasar it Ampuꞌan tami ngaytu nga si Jesus.

1 Timoteo 4:1

Talagang maꞌyag tuy pagsugiden it Espiritu Santo nga, asan it pagdadarapaꞌen nga mga timpu, mangindiꞌ i beken it pamayaꞌ nirat kamatuudan pasar it ki Jesu-Cristo. Iyan siꞌ i sunudun nira, ipagpangadal nga panluku baw paneꞌag-teꞌag, nga egay beken nga paggaringan in daꞌga mga maraꞌe-raꞌet.

2 Pedro 3:2

Ka iyan bay ireg ku, egen nga pirmi kat nakem mi i mga isiyugid it mga ipiyatindeg it Ampuꞌang Diyus nga mga prupitaꞌ it tagnaꞌ paꞌ, baw iyan mga ipiyagꞌurdin gasiꞌ it Ampuꞌan tami nga si Jesu-Cristo nga Manriribri tami. Kami ngaytu nga mga apustul mi i nangadal it imyu it mga iti ngayti.

1 Juan 4:1

Mga pagmaꞌalen ku, ega basta-basta pamayaꞌnen mi i magꞌaat nga, “Ampang ku ngaytu, garing duꞌun it Espiritu Santo, ka ipiyanakem yat aken.” Kaꞌilangan niidan baw ineꞌteꞌen mi daꞌan, isaꞌun masiguru mi nga garing nga matuud duꞌun it Ampuꞌang Diyus i inampang ya ngayan. Sabap kayti, dakel nay mga magpapru-prupitaꞌ nga magpangadal nat katataawan situt sinirungat langit.

1 Juan 4:4

Kamu, mga bilang anak ku, mga anak kamu na it Ampuꞌang Diyus. Baw nakaꞌindaꞌeg kamu nat mga maꞌambut ngayang magpapru-prupitaꞌ. Naꞌindaꞌeg mi na sabap subraꞌ pang gunaan i Espiritu Santo nga magsasarum asat bilug mi, subraꞌ pat maraꞌe-raꞌet ngayting si Satanas nga magpanakem it mga taw nga ega nagpasakep it Ampuꞌang Diyus.

1 Juan 4:8

Temed iyan ega pay raras ngaytu, ega payan magkilala it Ampuꞌang Diyus, sabap Ampuꞌang Diyus talagay puꞌun it raras ngaytu.

1 Juan 5:19

Magkaꞌrutan ta nga kita, mga anak nat Ampuꞌang Diyus. Temed si Satanas pay magsasakep situt sinirungat langit.

Judas 1:17

Temed ipagbenge-bengel kut imyu nga mga pagmaꞌalen ku, dedemdemen mi i mga inampang it mga apustul it Ampuꞌan tami nga si Jesu-Cristo, nga in unuy isiyugid nirat imyu nga mabut.