1 Juan 4:3 - Tagbanwa

³ Temed iyan magpaliꞌwan nga ega nagbalyung taw nga banar si Jesus, siguradung ega yan Espiritu Santo it Ampuꞌang Diyus i magpanakem it ampangen ya. In daꞌga, yay matuud, panakem yan it kakuntraꞌ ngaytu ni Cristo, kanya nga ipiyagꞌaat ngayan it imyu nga mabut. Baw maski kayti, situ nat banwa ngaytu i atkaytung pakikuntraꞌ it ki Cristo.

1 Juan 4:3 Iomraidhean Croise

Mateo 24:5

Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayan nga siyarigan it Ampuꞌang Diyus.’ Talagang dakel yan i mateꞌag-teꞌag nira.

1 Juan 2:18

Mga bilang anak ku, adeꞌdeng nay kaskedan ngaytu, nga umur it banwa. Nagnegan mi na nga may mabut nga kakuntraꞌ ni Cristo. Baw maski kayti ngaytu, dakel i magpakikuntraꞌ it ki Cristo ngaytu, aypaꞌ urut tami na nga talagang adeꞌdeng nay umur it banwa.

1 Juan 2:22

Siyu i paꞌaaten ngaytung maꞌambut, in daꞌga iyan magpaliꞌwan nga si Jesus, ega kanyay Cristo ngayting Manriribring Adiꞌ nga isiyanggup it Ampuꞌang Diyus? Atkaytu nga taw i paꞌaaten nga kakuntraꞌ ni Cristo ngayti, kanya nga magpandaꞌga it Diyus Amaꞌ baw Anak ya nga si Jesu-Cristo.

2 Juan 1:7

Yay matuud, talagang lekep i banwa ngaytu it mga manigpaneꞌag-teꞌag it pamayaꞌ, iyan mga taw nga ega magpakimatuud nga si Jesu-Cristo, talagang nagbalyu kanya nga taw. Iyan atkayang mga taw, sira na ngayan i mga manigpaneꞌag-teꞌag baw kakuntraꞌ ni Cristo.