1 Juan 4:21 - Tagbanwa

²¹ Ka yay ipiyagꞌurdin ya ngaytu it aten, nga in siyuy magmaꞌal it Ampuꞌang Diyus, dapat nga rarasan ya gasiꞌ i sulsug ya kat pamayaꞌ.

1 Juan 4:21 Iomraidhean Croise

Mateo 5:43

Daꞌga baꞌ nagnegan mi i sambatan it mga taw nga, ‘Rarasan mu i mga kaꞌibaan mu, temed isgan mu i kakuntraꞌ mu.’

Lucas 10:37

“Kat aken lamang,” maat i manigpaꞌyag ngaytit urdin, “iti, Samaritano, ka yay timnabang it kanya.” “Ta, in atkayan,” maat ni Jesus, “atkayan gasiꞌ i imu nga buwaten.”

Juan 15:12

Ka itu nay ipagꞌurdin ku, magsigraras kamu it esa may esa subung nagat raras kut imyu.

Galacia 5:14

Sabap muꞌsa ngaytung kaꞌurdinan nga garing duꞌut Ampuꞌang Diyus, uliꞌan-uliꞌan ya, “rarasan mu i masigkataw mu it subung nagat raras mu it sadili mu nga bilug.”

Galacia 5:6

In maglalagpit tami nat ki Cristo Jesus talagang ega nay kuwintaꞌ it pagturiꞌ ngaytu in naturiꞌan u ega. Iyan i ega matuduꞌ, kamatuudang pamayaꞌ baw pagsarig it ki Cristo ngaytu nga magkamuyaan kat kadakulat raras tat masigkataw ta.

1 Tesalonica 4:9

Ta in pasar ga it pagmaꞌal baw raras it sulsug kat pamayaꞌ, maski ega na suratan namen kamu, ka Ampuꞌang Diyus na i magtulduꞌ it imyu it in magꞌuꞌunuy matuud nga raras it esa may esa.

1 Pedro 3:8

May paꞌugdun ku paꞌ nga panulduꞌ kut imyu nga muꞌsa. Kaꞌilangan talaga nga mangaꞌgenan kamu it may pagꞌurunyun mi. Magmaꞌildaw kamu it esa may esa, baw magsigraras kamu it subung it nagsulsu-sulsugun. Kaꞌilangan magtabang-tabangen baw mapiyababaꞌ kamu.

1 Pedro 4:8

Subraꞌ it muꞌsa, magsigraras kamu nga banar it esa may esa. Ka basta pagrarasan tay mga maꞌiba ta, mapiyasinsiya tami it mga kamaliꞌ nira.

1 Juan 2:7

Kamung mga pagmaꞌalen ku, ega nagaytuy baꞌgung urdin nga ipagsurat ku asat imyu, in daꞌga iti naga, dati ngayting ipiyagꞌurdin it imyu it tagnaꞌ paꞌ. Iyan paꞌaaten ku ngaytung dati nga urdin, iyan nga ipiyangadal ngaytung ampang nga nagnegan mi na nga magsigraras tami it esa may esa.

1 Juan 3:11

Itu nagay nagnegan mi ngayang ipiyangadal it imyu garing pat tagnaꞌ, nga magsigraras tami it esa may esa.

1 Juan 3:14

Temed maꞌyag nat aten nga kita, ega na subuk patay kat panleteg it Ampuꞌang Diyus, in daꞌga, pagbebgayan ta nat kaꞌgenan nga egay kaskedan. Urut ta naytu sabap may raras ta na talaga it mga sulsug ta kat pamayaꞌ. Iyan ega pay raras ngaytu, subuk sakep paꞌ kanyat kamataynen.

1 Juan 3:18

Kamu nga bilang anak ku, iyan bay magayen, ega desang ipagsugid ta nga magsigraras tami, in daꞌga ipagpalteg ta kat mga pagbuwaten ta nga kamatuudan i raras ta ngaytu.

1 Juan 3:23

Ituytu i ipiyagꞌurdin ya, nga mamayaꞌ ta baw sumarig it Anak yang si Jesu-Cristo, baw magsigraras tami it esa may esa nga subung it ipiyagꞌurdin it aten ni Jesu-Cristo ngaytu.

1 Juan 4:11

Mga pagmaꞌalen ku, ta it atkaytuy kadakulat raras it Ampuꞌang Diyus it aten, kaꞌilangan magsigraras tami gasiꞌ i aten.