1 Juan 4:15 - Tagbanwa

¹⁵ Ta kayti, in siyuy magpamatuud nga si Jesus, Anak kanya it Ampuꞌang Diyus, talagang pagteꞌteꞌan kanya it Ampuꞌang Diyus baw kanya, teꞌteꞌ na gasiꞌ duꞌun it Ampuꞌang Diyus ngaytu.

1 Juan 4:15 Iomraidhean Croise

Mateo 10:32

Yay matuud, in siyu-siyu nga magkilala it aken kat adapan it kadadaklan it taw, kilalaen ku gasiꞌ kanya duꞌun it adapan it Amaꞌ ku nga duꞌun it langit.

Lucas 12:8

Maat siꞌ ni Jesus, “Itu gasiꞌ i iꞌaat kut imyu. In siyu-siyuy magkilala it aken kat adapan it kadadaklan it taw, kilalaen gasiꞌ kanya it Taga Langit nga Ipiyanganak it Taw kat adapan it mga anghil it Ampuꞌang Diyus.

Juan 6:56

Iyan magkaꞌen it isi ku baw magꞌinum it duguꞌ ku, kabilangan ya, sang kabilu-bilugan kami na.

Mga Binwat 8:37

Katubag si Felipe, “Ta, mapakay bayan, in nasepsepan mu na baw kamatuudan na talaga i pamayaꞌ mut Magayen ngaytung Baritaꞌ.” “Kamatuudan baytu talaga”, maat i taga Etiope ngayti. “Talagang magpamayaꞌ aku nga si Jesu-Cristo, Anak kanya nga matuud it Ampuꞌang Diyus.”

Roma 10:9

Sabap in magkapamatuud ka na nga kamatuudang Ampuꞌan si Jesus ngaytu, baw in talagang tingled i pamayaꞌ mu nga kanya, inggen it Ampuꞌang Diyus it paꞌuliꞌ, talagang maribri ka kat panriga it Ampuꞌang Diyus sabap it kasalaꞌan mu.

Filipos 2:11

Baw kapuꞌsaan ngaytu, pamatuud sira nga si Jesu-Cristo ngaytu, Ampuꞌan talaga kanya, kat ikabantug gasiꞌ it Diyus Amaꞌ.

1 Juan 2:23

Ka in siyuy ega magpamatuud nga Anak it Ampuꞌang Diyus si Jesus, ega gasiꞌ mapakay nga pagtanggapen kanya it Diyus Amaꞌ. Temed kanya nga magpamatuud nga Anak talagat Ampuꞌang Diyus si Jesus ngaytu, simpri yay matuud, kanya gasing Amaꞌ i Ampuꞌang Diyus.

1 Juan 2:24

Ta, kamu ngaytu, inturun mit magayen nga maneꞌteꞌ asat imyu i mga ampang ngaytung nagnegan mi garing pat tagnaꞌ. Ka in talagang idawaꞌ mi kat ulu mi i nagnegan mi ngaytu garing pat tagnaꞌ, sikayan magkasiguru mi nga ega maꞌugad-ugad i pakiꞌiba-iba mi it Diyus Anak baw Amaꞌ ya.

1 Juan 3:23

Ituytu i ipiyagꞌurdin ya, nga mamayaꞌ ta baw sumarig it Anak yang si Jesu-Cristo, baw magsigraras tami it esa may esa nga subung it ipiyagꞌurdin it aten ni Jesu-Cristo ngaytu.

1 Juan 3:24

Ta kanya nga masunud it mga urdin it Ampuꞌang Diyus, talagang teꞌteꞌ duꞌun it Ampuꞌang Diyus i pangaꞌgenan ya, baw Ampuꞌang Diyus ngaytu, teꞌteꞌ naga duꞌun it kanya. Baw tabang ngaytut aten it Espiritu Santo nga ipiyapasarum ya situt bilug tami, iyan i ipagkatantu ta nga teꞌteꞌ na situt aten i Ampuꞌang Diyus.

1 Juan 4:12

Garing it tagnaꞌ paꞌ, egay nakalteg it Ampuꞌang Diyus. Temed in talagang may raras ta nat esa may esa, maꞌyag nga magsasarum na talaga situt aten i Ampuꞌang Diyus ngaytu, baw kiyumplitu ya na i raras ta ngaytu.

1 Juan 4:2

Magꞌaꞌatkaytu yan i ikaꞌrut mi in talagang Espiritu Santo nga piyapasarum it Ampuꞌang Diyus i magpanakem it esang taw. Iyan nga magpamatuud nga si Jesu-Cristo, nagbalyu talaga nga taw nga banar baw limnampud situt banwa, siguradung Espiritu Santo it Ampuꞌang Diyus i magpanakem it kanya.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

1 Juan 5:5

Ta siyu may siyuytu i magkaꞌindaꞌeg it pagsakep ngaytut kanya it karaꞌe-raꞌetan situt banwa ngaytu? Sira lamang nga magpamayaꞌ nga si Jesus, egay beken, Anak talaga kanya it Ampuꞌang Diyus.

2 Juan 1:7

Yay matuud, talagang lekep i banwa ngaytu it mga manigpaneꞌag-teꞌag it pamayaꞌ, iyan mga taw nga ega magpakimatuud nga si Jesu-Cristo, talagang nagbalyu kanya nga taw. Iyan atkayang mga taw, sira na ngayan i mga manigpaneꞌag-teꞌag baw kakuntraꞌ ni Cristo.