Biblia Todo Logo
Bìoball air-loidhne

- Sanasan -




1 Juan 4:14 - Tagbanwa

14 Baw kami ngaytu, talagang naltegan namen i Anak it Ampuꞌang Diyus, baw ipagpamatuud nga tiyaꞌeg it Diyus Amaꞌ i Anak ya ngaytu, nga kanyay Manriribri it muꞌsang taw situt sinirungat langit.

Faic an caibideil Dèan lethbhreac




1 Juan 4:14
18 Iomraidhean Croise  

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.


Pagꞌeyag it aldaw, nalawag ni Juan si Jesus nga magꞌelep duꞌun it kanya. Pagkalteg ya, maat ya, “Wayan na, kanya nga ibinggay it Ampuꞌang Diyus, nga subuk uꞌuybun it tupa nga ipagsalisi, sabap kanya na ngayan i mangawaꞌ it kasalaꞌan it mga katataawan.


Ta it aku, piniliꞌ baw tiyaꞌeg it Amaꞌ nga paꞌasitut sinirungat langit, magꞌuꞌunu mi maꞌaat kayti nga magpangambuꞌ aku it pagkaDiyus kat inaat ku nga aku i Anak it Ampuꞌang Diyus?


Baw in siyu nga nakagneg it ampang ku, temed ega naga sunudun ya, betanganan yan it ukuman, temed ega aku i magꞌukuman it kanya. Sabap ega enged ku situ, ukumanan kuy banwa ngaytu, in daꞌga rimibri it katataawan.


Kamatuudan i ipagꞌaat kut imu. Itu ngaytung ipagpamatuud namen it imyu, talagang magkaꞌrutan baw naltegan namen. Temed ta, daꞌga pagpamayaꞌnen mi i pamatuud namen ngaytu.


Lamang ipagpamatuud ya nay mga naltegan baw nagnegan ya, subuk egay magpamayaꞌ it ipagpamatuud ya ngaytu.


Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.


Maamaatan sirat babay ngayti, “Magpamayaꞌ kami na kayti, it ega lamang duꞌun it mga nasugid mu ngayti, in daꞌga duꞌun nat mga nagnegan namen ngaytu duꞌut kanya, natantuwan namen nga kanya na ngaytu i Manriribri it muꞌsang katataawan.”


Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.


Bawnga iyan namagꞌabut nay itinggun ya ngayting na Silas, duwa ni Timoteo, nga ipiyagtuduꞌ ya duꞌun it Macedonia, siyarunga ya nang banar i panulduꞌ it ampang it Ampuꞌang Diyus. Ipagpamatuud yat mga Judio duꞌun nga si Jesus talagay Cristo ngayting Manriribring Adiꞌ nga isiyanggup it Ampuꞌang Diyus.


Kat tabang ni Silas nakasurat kuy surat ku ngaytu nga pataban ku asat imyu. Si Silas ngaytu, esang sulsug tami kat pamayaꞌ nga talagang magkasarigan kung banar. Sana maski pira lamang ngaytu nga tagaꞌ i mga sugi-sugid ku kat surat ku ngaytu, ireg ku talaga nga kemseg i nakem mi kat pagsunud mit ki Cristo. Baw ipagpamatuud ku nga kamatuudan talagay muꞌsang paꞌyag ku ngaytu pasar it ildaw it Ampuꞌang Diyus. Aypaꞌ maneꞌteꞌ kamu kat ildaw ya ngaytu.


Itu naytuy matuud nga pagmaꞌal, ega maat aten nga pagmaꞌal it Ampuꞌang Diyus, in daꞌga kanya ngaytung pagmaꞌal nga may raras it aten. Ka piyapaꞌasitu yat aten i Anak ya nga buwaten nga panalisi, isaꞌun mapasinsiya it aten i mga kasalaꞌan tami.


In pagpamayaꞌnen tami i pamatuud it taw, subrang mapaꞌgen i pamatuud it Ampuꞌang Diyus, aypaꞌ simpri kaꞌilangan pamayaꞌnen tami. Baw iyan ngayan, talagang ipagpamatuud it Ampuꞌang Diyus nga Anak ya talaga si Jesu-Cristo.


Lean sinn:

Sanasan


Sanasan