1 Juan 4:13 - Tagbanwa

¹³ Baw magkaꞌrutan tami nga magpaneꞌteꞌ ta na duꞌun it Ampuꞌang Diyus, baw kanya, teꞌteꞌ gasiꞌ situt aten, sabap pirmi ta nga pagtabangen it Espiritu Santo nga piyapasarum ya situt bilug tami.

1 Juan 4:13 Iomraidhean Croise

1 Corinto 2:12

Kita nga magpamayaꞌ, egaytu binggayan tami it pasepsep nga subung lamang it pasepsep it mga taw situt banwa nga ega magpamayaꞌ. Kamatuudan talaga i aten nga kasepsep kayti ka Espiritu Santo i ipiyapasarum it Ampuꞌang Diyus situt bilug ta, isaꞌun matantuwan tami nga banar i mga bagay nga ipiyagꞌatag ya it aten.

1 Corinto 6:19

Unu, ega paꞌ magkaꞌrutan mi nga bilug mi, kabilangan ya, ega basta-bastang balay nga pagtataꞌidan it Espiritu Santo nga ipiyapasarum it Ampuꞌang Diyus? Aypaꞌ talagang ega nayan imyu i bilug mi in daꞌga, kat Ampuꞌang Diyus na.

1 Juan 2:3

Pagsisiguruun ta naytu nga kilala ta nay Ampuꞌang Diyus, basta pagsunudun tat magayen i mga ipiyagꞌurdin ya.

1 Juan 2:5

Temed in siyuy magkasunud it kaꞌustuꞌan it muꞌsang ampang it Ampuꞌang Diyus, talagang ustuꞌ na i pagmaꞌal yat Ampuꞌang Diyus ngaytu. Kat pagsunud ta ngaytu, masiguru ta nga kita, uyun na talaga duꞌun it Ampuꞌang Diyus, teꞌteꞌ na nga maglalagpit duꞌun it kanya.

1 Juan 3:24

Ta kanya nga masunud it mga urdin it Ampuꞌang Diyus, talagang teꞌteꞌ duꞌun it Ampuꞌang Diyus i pangaꞌgenan ya, baw Ampuꞌang Diyus ngaytu, teꞌteꞌ naga duꞌun it kanya. Baw tabang ngaytut aten it Espiritu Santo nga ipiyapasarum ya situt bilug tami, iyan i ipagkatantu ta nga teꞌteꞌ na situt aten i Ampuꞌang Diyus.