1 Juan 3:8 - Tagbanwa

⁸ Temed iyan nga magbuwat pat kasalaꞌan, ki Satanas payan, sabap garing paꞌ it tagnaꞌ magsisigi nang magkasalaꞌan si Satanas ngaytu. Aypaꞌ ka piyalampud situt aten i Anak it Ampuꞌang Diyus, isaꞌun ranggaꞌen yay buwat ni Satanas ngaytu.

1 Juan 3:8 Iomraidhean Croise

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Mga Bilang 21:9

Aypaꞌ binwat nga matuud ni Moises i itiꞌen ngayti. Garing sikayti, kada matundaꞌ it dalitan ngayting dukul, basta timingaraꞌ lamang duꞌut tumbaga ngayting dukul, ega nga matuud magpatay, maꞌgen naga.

Mateo 12:28

Ta it kakayaan it Espiritu Santo nga garing duꞌun it Ampuꞌang Diyus i ipagkaꞌimugaw kut mga mararaꞌe-raꞌet, daꞌga baꞌ nangangaꞌulugan nga miyabut na situt imyu i kaꞌadiꞌan it Ampuꞌang Diyus?”

Mateo 13:38

Iyan uma, banwa ngaytu. Iyan biꞌni ngaytu nga magayen, mga taw nga kat pamegbeg it Ampuꞌang Diyus baw iyan kaꞌiꞌilu nga ilamunun, iyan mga taw nga kat pamegbeg ni Satanas.

Mateo 4:3

Unupat miyabut nay manigpakursud nga si Satanas. Maat ya, “It Anak ka it Ampuꞌang Diyus, mampang ka lamang ka pabaraꞌen mu nga pangaꞌen i mga batu ngaytu.”

Marcos 1:24

Maat ya, “Unuy labe-labet mut amen, Jesus nga taga Nazaret? Unuy inasitu mu? Muuꞌ ka nat amen? Talagang magkaꞌrutan ku in siyu ka. Ikaw i ega basta-basta ngayan nga siyarigan it Ampuꞌang Diyus!”

Lucas 10:18

Katubag si Jesus, maat ya, “Talagang nagpasar kat mata ku i pagꞌulug it ki Satanas nga garing duꞌun it langit. Subung talaga it kilat i kadali-daliꞌ.

Juan 12:31

Ka naꞌbut nay timpu, kayti na ngaytu, nga betanganan nat ukuman i kumpur kakuntraꞌ ku. Daꞌgen na si Satanas nga magsasakep na situt sinirungat langit.

Juan 16:11

Pasar it pangukuman sabap it kasalaꞌan, itanyag ya nga inukumanan na si Satanas ngaytu nga magsasakep situt sinirungat langit.

Juan 8:44

Munugat si Satanas i amaꞌ mi. In unuy ireg ya, iyan i pagkubwaten mi. Yay matuud, mangingimatay kanyat taw garing paꞌ it tagnaꞌ baw kalaban it kamatuudan, ka ega talaga maparagan duꞌut kanya i kamatuudan ngaytu seked it kaꞌnu-kaꞌnu. In magꞌambut kanya, ta it yan nagay adat ya, sabap talagang maꞌambut kanya baw puꞌun kanyat kaꞌambutan.

Roma 16:20

Ampuꞌang Diyus i puꞌun it maꞌimbeng nga pakiꞌiba-iba it esa may esa baw pagsisiguruun ku nga ega maꞌlay tabangen ya kamu isaꞌun mabwat mi na nga gigiꞌek-giꞌeken mi mana si Satanas, isaꞌun maꞌindaꞌeg mi talaga i buwat ya asat imyu. Ipagpanalangin ku nga asat imyu nga pirmi i ildaw it Ampuꞌan tami nga si Jesus.

Efeso 2:2

Egay beken nga pagragaen mi it tagnaꞌ ngayti, karaꞌe-raꞌetan situt banwa ngaytu. Sabap kat iting timpu pagsasakpen kamu paꞌ it pagbayaꞌen it mga maraꞌe-raꞌet, sira nga magpupudir duꞌut lawang, iyan mga magpanlud baw daꞌga nga magbebegbeg it mga taw kayti nga magkuntraꞌ it Ampuꞌang Diyus.

Colosas 2:15

Baw sabap gasiꞌ it kamataynen ni Jesu-Cristo duꞌut krus, naꞌiriꞌan gasit keseg i muꞌsang ega magkaltegan nga may dakulang kiyaꞌrutan baw pudir. Napasukuꞌ talaga sira it Ampuꞌang Diyus baw binwat ya sira nga subuk dakepan nga ipiyagparayag-rayag ya, kamatuudan it diyaꞌeg ya sira.

1 Timoteo 3:16

Eeꞌ baꞌ, talagang matanug it aten nga muꞌsa nga kalililuꞌan baw mabantug i kamatuudan nga kaꞌlay ngaytu subuk tagu-taguꞌ temed ipiyaꞌrut na pasar it ki Cristo. Ka si Cristo ngaytu, nagbalyung taw kanya. Kataldengan ya nga talagang Anak kanya it Ampuꞌang Diyus, ipiyagpamatuud tu it Espiritu Santo. Naltegan kanya it mga anghil. Baw pasar it kanya i ipagpangadal na kat belag-belag nga bangsa. Dakel na sira nga namayaꞌ nat kanya situt sinirungat langit. Baw kanya, nagpatibung siꞌ duꞌun it langit, duꞌun it kabantugan ya.

Hebreo 2:14

Ta paribasay taw i mga anak ngayti nga paꞌaaten, nga may isi, duguꞌ baw kaskedat ginawa, aypaꞌ ka si Jesus, nagbalyu nga taw naga isaꞌun mapakay nga matay gasiꞌ kanya. Sabap, duꞌun it kamataynen ya diyaꞌeg ya si Satanas, nga riyanggaꞌ ya i pamegbeg yat taw, nga yay magtaban it kanira duꞌun it kamatayneng panriga nga egay kaskedan.

Hebreo 9:26

Ka in beteꞌ kaꞌilangan ni Cristo nga ipaturuꞌ nga pirmi i duguꞌ ya daꞌga baꞌ, ubus matay, matay kanya garing paꞌ it pagkaguna it banwa? Temed ega atkayan in daꞌga, kayti, kat timpu ngaytu it katumanan it muꞌsa ngayti nga pagbuwaten it tagnaꞌ, kaꞌsa lamang limnampud kanya situt banwa nga parawun na i kasalaꞌan it taw. Ipiyagparaw ya, sadili yang duguꞌ nga ipiyaturuꞌ it kaꞌsa ngayti.

2 Pedro 2:4

Dedemdemen mi tu, nga iyan tagnaꞌ paꞌ, may nagkasalaꞌan nga mga anghil, temed daꞌsira piyataꞌnan it Ampuꞌang Diyus. In daꞌga pinirisu ya sira duꞌun it piyakamalgeb nga siwang. Ta duꞌun paꞌ sira it kadleman ngayti, seked mabut i aldaw nga ipangukuman.

1 Juan 1:2

Eeꞌ baꞌ, kanya ngaytung puꞌun it kaꞌgenan, itiyanyag nat amen. Talagang naltegan namen kanya. Aypaꞌ ka ipagpamatuud namen na, baw ipagpangadal namen nat imyu i pasar it kanya ngaytu nga egen it egay kaskedan. Garing it tagnaꞌ paꞌ, duꞌun kanya nga lagi it adapan it Diyus Amaꞌ, baw kayti, itiyanyag na kanya situt amen.

1 Juan 3:10

Sikaytu ta makilalaan in siyu may siyu i bilang anak nat Ampuꞌang Diyus, baw siyu pay bilang anak ni Satanas. Iyan nga ega magpaꞌres it muwat it kataldengan kat panleteg it Ampuꞌang Diyus baw egay raras yat sulsug ya kat pamayaꞌ, siguradung ega yan anak it Ampuꞌang Diyus.

1 Juan 3:5

Magkaꞌrutan mi nga piyalampud na pasiꞌ si Jesu-Cristo situt banwa isaꞌun matanggung ya nay mga kasalaꞌan ta. Baw kanya, talagang egay kakasalaꞌan.

1 Juan 5:19

Magkaꞌrutan ta nga kita, mga anak nat Ampuꞌang Diyus. Temed si Satanas pay magsasakep situt sinirungat langit.

Judas 1:6

Dedemdemen mi gasiꞌ i iyan mga anghil nga daꞌsira naneꞌteꞌ kat ipiyabetang-betang it Ampuꞌang Diyus it kanira nga katengdanan. Daꞌga basaꞌan timnanan sira duꞌun it pagtataꞌidan nira nga sadili? Aypaꞌ ka ipiyabayuk sirat Ampuꞌang Diyus it kadina seked it kaꞌnu-kaꞌnu. Baw pinirisu ya sira duꞌun it kadleman seked it betanganan na sirat ukuman, pagꞌabut it ega basta-basta ngaytung aldaw nga ipangukuman.

Mga Ipiyalteg 20:10

Ta unupat iti, si Satanas ngayti nga dimnayaꞌ it kanira, itiyalpak na kanya duꞌun it maglalapnaw nga apuy nga magdiklap-diklap nay sugut asupri, nga tiyalpakan gasiꞌ it kumakaꞌen ngayting ramu-ramu baw mapiyandayaꞌ ngayting prupitaꞌ. Sang siraan i pakuriꞌan duꞌun it delem-aldaw it egay katupusan.

Mga Ipiyalteg 20:15

Baw iyan ega magsusurat i ngaran duꞌun it pagsuratan it mga mabgayan it kaꞌgenang egay kaskedan, itiyalpak na gasiꞌ duꞌun.