1 Juan 3:7 - Tagbanwa

⁷ Mga bilang anak ku, ayaw kamut pateꞌag-teꞌag it maski siyu. Iyan nga magbuwat it kataldengan, mataldeng nayan kat panleteg it Ampuꞌang Diyus, subung it ki Jesu-Cristo nga talagang mataldeng.

1 Juan 3:7 Iomraidhean Croise

Mateo 5:20

Matuud tu talaga i ipagꞌaat ku ngaytut imyu nga, in pagsunud mi it kaꞌirgan it Ampuꞌang Diyus subung na lamang it pagsunud it mga Pariseo baw mga manigpaꞌyag it urdin, talagang daꞌkamu kasled duꞌun it kaꞌadiꞌan it Ampuꞌang Diyus ngaytu.”

Lucas 1:75

Ka ireg ya nga alaid tami talaga kat muꞌsang kasalaꞌan, nga mangaꞌgenan tami nat mataldeng kat panleteg ya, mintras egen tami.

Mga Binwat 10:35

In daꞌga, maski unung bangsat taw, basta maggalang it kanya it may iꞌlam baw magbuwat it mataldeng kat panleteg ya, magkapakay yang muꞌsa.

Roma 2:13

Ka ega maat tumaldeng i taw kat panleteg it Ampuꞌang Diyus in sabap lamang it piyaskelan it mga urdin ya, in daꞌga iyan lamang nga magsunud it mga urdin ngaytu.

1 Corinto 6:9

Unu ega paꞌ magkaꞌrutan mi nga iyan mga ega magpangindiꞌ it kasalaꞌan nira, talagang egay maski unu nga kabagiꞌan duꞌun it kaꞌadiꞌan it Ampuꞌang Diyus? Ega ambutan mi i sadili mi. Ka iyan mga mapiyamakun duꞌun it ega asawa nira, mga magsirbi it pagbete-beteꞌen nga diyus, mga magbungad it atay it nagꞌasawa, iyan mga magpasbung it babay takaꞌ lalaki naga, baw mamagꞌuꞌunay nay nagsubung nga lalaki, ega talagay kabagiꞌan nira duꞌun it kaꞌadiꞌan it Ampuꞌang Diyus.

Efeso 5:6

Baw in siyu-siyu asat imyu i magsugid nga ega naga kamaliꞌ i atkaytung pagbuwaten, ega pakimatuudun mi, ka egay matuud it ampang nira ngayan. Yay matuud, muꞌsang magbuwat it mga itu ngaytung nasangpit ku, siguradu talaga nga abutun it iseg it Ampuꞌang Diyus.

Efeso 5:9

Sabap yay liꞌwan it magpangaꞌgenan ngaytu kat kaꞌyagan, purus kagayenan, kataldengan baw kamatuudan.

Filipos 1:11

Baw mamuyaan kat pangaꞌgenan mi nga mataldeng i adat mi, kat ikabantug it Ampuꞌang Diyus. Temed kagayen ngaytu it adat mi, mapakay lamang tu kat tabang ni Jesu-Cristo.

Hebreo 1:8

Temed kat Anak ya ngaytu maat i inaat ya, “Ikaw, Ampuꞌang Diyus, i magꞌadiꞌ it egay kaskedan. Magꞌadiꞌ ka nga purus kataldengan nga magayen i ipapanaw mu.

Hebreo 7:2

Bawnga binwat ni Abraham, ibinggay yat ki Melquisedec ngayti i ikasang puluꞌ nga bagiꞌ it kumpur narangpas ya duꞌut piyakibunuꞌan ya ngayti nga mga adiꞌ nga inusig nira. (Ta ngaran ngaytu nga Melquisedec, may kaꞌulugan ya. Ireg nga sugiden “adiꞌ nga magbegay it kataldengan.” Baw ngaran ngaytung Salem, ireg nga sugiden “kaꞌimbengan.” Aypaꞌ, paribasay adiꞌ si Melquisedec duꞌut Salem, kaꞌulugan ya, “adiꞌ nga magbegay it kaꞌimbengan.”)

Santiago 1:22

Temed in yay seked ya, desang pagpagnegan mi i ampang ya, ka ega pagsunudun mi, pagꞌambutan mi na lamang i sadili mi. Kaꞌilangan talaga nga pagsunudun tami.

Santiago 2:19

Pagpamayaꞌnen mu kunuꞌ nga esa-esa lamang i Ampuꞌang Diyus. Magayen yan. Temed maꞌyag nga ega ipagkaribri in yay seked it pamayaꞌ, pakimatuud na lamang, sabap maski mga mararaꞌe-raꞌet, magpakimatuud sira gasiꞌ nga may Ampuꞌang Diyus ngaytu nga paꞌaaten, temed ta, magkapanguripeꞌpey sirat iꞌlam it magꞌaꞌareg it kanira nga panrigang egay kaskedan.

1 Pedro 2:24

Kanya mismu i timnanggung it muꞌsang kasalaꞌan tami, kat nalabayan yang kamataynen ya duꞌun it krus. Binwat yaytu isaꞌun indiꞌan ta na i muꞌsang ipagkasalaꞌan tami, baw mangaꞌgenan na it purus mataldeng nga pagbuwaten. Yay matuud, sabap lamang it ega teꞌe-teꞌeng nga pasakit nga tiyanggap ni Cristo, naꞌubaꞌubat nay mga kasalaꞌan tami.

1 Juan 2:1

Kamu nga bilang mga anak ku, ipagsurat kuytuy itung mga bagay asat imyu isaꞌun baꞌ daꞌkamu na magkasalaꞌan. Takaꞌ, sumang kaꞌanu, magkabwat ta naga it kasalaꞌan, temed dedemdemen tami nga may magpanindeg it aten duꞌun it Diyus Amaꞌ. Si Jesu-Cristo, nga kanya talagay mataldeng, kanyay magpanindeg ngaytut aten.

1 Juan 2:26

Isiyurat ku nay mga itu ngaytu pasar it mga taw ngayti nga magsarit buwat it ikateꞌag-teꞌag it pamayaꞌ mi.

1 Juan 2:29

Urut mi na nga talagang mataldeng i Ampuꞌang Diyus. Aypaꞌ sikayan matantuwan mi nga sira nga magbuwat nat mataldeng kat panleteg it Ampuꞌang Diyus ngaytu, sira i ipagpabetang ya nga mga anak ya na.

1 Juan 3:18

Kamu nga bilang anak ku, iyan bay magayen, ega desang ipagsugid ta nga magsigraras tami, in daꞌga ipagpalteg ta kat mga pagbuwaten ta nga kamatuudan i raras ta ngaytu.

1 Juan 3:3

Aypaꞌ in siyuy may itung kasiguruwan, magpaꞌres kanyang pirmi nga mangaꞌgenan it alaid kat kasalaꞌan, sabap si Jesu-Cristo ngaytu, talagang alaid kat muꞌsang kasalaꞌan.

1 Juan 4:17

Sikayan magkatantuwan ta na nga nakumplitu na i kararas ta ngaytu. Aypaꞌ ka ega na pagꞌiꞌlaman tami i aldaw ngayan nga ipangukuman. Sabap unu pay maiꞌlaman it magpasbung ta nat ki Jesu-Cristo situt banwa ngaytu?