1 Juan 3:6 - Tagbanwa

⁶ Iyan magpangaꞌgenan it teꞌteꞌ nay pamayaꞌ yat ki Jesu-Cristo, ega nayan magpasigi pat muwat it kasalaꞌan. Temed iyan nga magsisigi pay buwat yat kasalaꞌan, ega yan nakatantu in maꞌunu si Jesu-Cristo baw egay tantung pagkilala yat kanya.

1 Juan 3:6 Iomraidhean Croise

2 Corinto 3:18

Ta, it kayti nga naꞌawaꞌ na i subuk ipiyayumyum it rupa tami, magkamuyaan ta na i kabantugan it Ampuꞌan, temed ega paꞌ subung it kabantugan ya nga maltegan kat pagdadarapaꞌen. Kabilangan it magkamuyaan kayti, subung paꞌ it magkaltegan duꞌut ega maꞌyag nga salamin. Baw paribasay subuk pirmi tami nga magkamuyaan i kabantugan ya, kat guna it Espiritu Santo nga ipiyapasarum it Ampuꞌan, magsisigi na nga magkabaꞌgu i adat tami, nga magpasbung tami nang muꞌsa it kanya kat kabantugan ya ngaytu.

2 Corinto 4:6

Kayti naꞌyagan tami na ka iyan Ampuꞌang Diyus, kanya nga nagguna it eyag kat keseg it ampang ya isaꞌun ega bulun nga kadleman, kanya nagay minggay it eyag kat pikiran tami isaꞌun makilalaan tami nga banar i kabantugan ya nga magkatantuwan duꞌun it ki Cristo.

1 Juan 2:28

Aypaꞌ, mga bilang anak ku, teꞌteꞌan mi si Jesu-Cristo, isaꞌun, pagpaꞌuliꞌ ya situ, daꞌta na magꞌaliꞌ-aliꞌ u meyaꞌ it kanya in duꞌun nat adapan ya.

1 Juan 2:3

Pagsisiguruun ta naytu nga kilala ta nay Ampuꞌang Diyus, basta pagsunudun tat magayen i mga ipiyagꞌurdin ya.

1 Juan 2:4

In may magꞌaat nga, “Kilala ku nayan kanya,” temed ega magsunud it mga urdin ya, ambut ya lamang. Talagang egay uru-urut yat kamatuudan.

1 Juan 3:2

Mga pagmaꞌalen ku, kayti mga anak tami nang matuud it Ampuꞌang Diyus. Lamang ega paꞌ magkaꞌrutan ta in maꞌunuy pamilug ta duꞌun. Temed ituy pagsisiguruun ta, asan it pamaꞌuliꞌ situ ni Jesu-Cristo, masbungan ta na kanya, ka maltegan ta nat magayen in maꞌunu kanya.

1 Juan 3:9

Ka in siyu-siyuy bilang ipiyanganak nat Ampuꞌang Diyus, ega nayan magpasigi pat muwat it kasalaꞌan. Simpri ega na mamlag kanya it bilang nanganak ngaytut kanya. Ta it Amaꞌ ya nay Ampuꞌang Diyus, ega na mapakay nga pasigi paꞌ kanyat muwat it kasalaꞌan.

1 Juan 4:8

Temed iyan ega pay raras ngaytu, ega payan magkilala it Ampuꞌang Diyus, sabap Ampuꞌang Diyus talagay puꞌun it raras ngaytu.

1 Juan 5:18

Talagang magkaꞌrutan ta na nga iyan mga bilang ipiyanganak nat Ampuꞌang Diyus, ega na maat magpasigi pat muwat it kasalaꞌan, sabap pagtatarimaen na sira ni Jesu-Cristo ngayting Anak it Ampuꞌang Diyus. Ega na mapakay nga sakpen siꞌ ni Satanas.

3 Juan 1:11

Pagmaꞌaleng iba-iba, ega mu guruun i maraꞌe-raꞌet nga buwat it beken, in daꞌga ari-ari magayen, iyan i imu. Ka iyan magbuwat it magayen, magpakiꞌuyun kanyat Ampuꞌang Diyus. Temed iyan magbuwat ngayat maraꞌe-raꞌet, ega yan nakatantu it in unuy adat it Ampuꞌang Diyus.