1 Juan 3:4 - Tagbanwa

⁴ Iyan magbuwat it kasalaꞌan, paglabanen yay mga urdin it Ampuꞌang Diyus ngaytu. Sabap yay paꞌaaten nga kasalaꞌan, paglabanen i mga urdin it Ampuꞌang Diyus.

1 Juan 3:4 Iomraidhean Croise

Isaias 53:8

Ipiyabetang kanya it dakulang kagipitan baw inukumanan it ukum-dapit. Egay makasugid in sang unuy kadakulaꞌ it karaꞌe-raꞌetan it mga kaꞌebay-ebayan ya ka gintas nira i ginawa ya. Temed inimatay kanya sabap tiyanggung ya i kasalaꞌan tami nga mga taw.

Daniel 9:11

Talagang kapuꞌsaan it mga tungtung-inapuꞌ ni Israel, riyanggaꞌ namen i mga urdin mu. Nangindiꞌ kamit imu baw piyasngelan namen na ikaw. Aypaꞌ ka inabut kami it ukuman nga isiyumpa mu, nga magbebtang duꞌun it kasuratan ni Moises nga manigsirbi mu it tagnaꞌ. Eeꞌ baꞌ, riniga mu kami sabap it nagkasalaꞌan kami, kuntraꞌ it imu.

Mateo 5:19

Aypaꞌ in siyu-siyu nga ega pagsunudun ya i maski dekeyeꞌ lamang nga inaat it mga urdin ngaytu, baw gasiꞌ nga ipanulduꞌ ya it beken nga taw nga ega gasiꞌ sunudun nira, ipabetang kanya nga timawaꞌ duꞌun it kaꞌadiꞌan it Ampuꞌang Diyus. Temed iyan magsunud it mga urdin baw tulduꞌan ya gasiꞌ i beken it sumunud sira, ipabetang kanya nga matanug duꞌun.

Mga Binwat 23:3

Pagkatampek, miyampang si Pablo. Maat yat ki Ananias, “Mabut talaga nga pasakitan ka gasiꞌ i imu, temed Ampuꞌang Diyus i pasakit. Pagbete-beteꞌen mu lamang i pagsunud mut kanya. Ka wayan ka na magꞌaꞌdung, nga maat mukuman it aken uyun kat mga urdin, temed it ikaw na i maglaban it urdin ngaytu, ka isingkat mu nga tampeken i baꞌbaꞌ ku.”

Roma 3:20

Sabap egay maski siyung taw nga tumaldeng kat panleteg it Ampuꞌang Diyus kat pagsunud yat mga urdin, ka ipagpatantut aten it mga urdin ngaytu nga makasalaꞌan tami nga muꞌsa.

Roma 4:15

Talagang, mga urdin ngaytu, ega ikapisiꞌ it ildaw in daꞌga panriga sabap pirmi nga pagranggaꞌen it muꞌsang taw. Iyan lamang i egay magkaranggaꞌ nga urdin, in beteꞌ egay urdin.

2 Corinto 12:21

Talagang magregen aku baꞌ nga banar nga, pagpaꞌasan ku siꞌ, abutun sit sumaꞌup i nakem ku it dakulang eyaꞌ kat adapan it Ampuꞌang Diyus sabap it imyu. Baw masmekan ku nga banar i mga ega paꞌ nangindiꞌ it mga karaꞌe-raꞌetan nga pamagbuwaten, nga subung it mga pagꞌadaten u pagpikiren nga maraꞌway, muꞌsang kalasit pamakun duꞌun it ega asawa mi, baw pagsumbayaꞌ it kaꞌiꞌirgan nga maraꞌway it egay maski unu nga pagsupil it sadili.

Santiago 5:15

Talagang sambungan it Ampuꞌan i panalangin nga uyut i matuud nga pamayaꞌ baw pagsarig it kanya. Basta uyun kat pabetang-betang ya, pagayenen ya i magsarut ngaytu. Baw ipasinsiya paꞌ it kanya in nagkasalaꞌan.

1 Juan 5:17

Yay matuud, kada mabwat ta nga kuntraꞌ it kaꞌirgan it Ampuꞌang Diyus, kasalaꞌan nayan. Temed magpuyrat iyan ngayang siyangpit ku, may kapasinsiyaan naga.

1 Samuel 15:24

Pagkagneg ni Saul kayti, maat ya, “Matuud na. Nagkasalaꞌan aku na. Ka ega nga matuud siyunud ku i ipiyagꞌurdin it AMPUꞌANG DIYUS baw iyan nga mga itinggun mut aken. Nabwat ku bay atkaytu ka miniꞌlam akut mga taawan ku, aypaꞌ siyunud ku na i kaꞌirgan nira.