1 Juan 3:22 - Tagbanwa

²² Ta sikayan, unu-unuy angutun ta duꞌun it kanya, siguradung matanggap ta, sabap pagsunudun tay mga urdin ya baw pagbuwaten tay pagsagyaan ya.

1 Juan 3:22 Iomraidhean Croise

Isaias 1:15

Aypaꞌ, maski tumaꞌwag kamu it aken, benglen ku ga i talinga ku. Ega guman-gumanen ta kamu. Maski manalangin kamu na nga manalangin, ega pagnegan ku kamu. Sabap dakel na i gintas mi nga ginawa it taw.

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Mateo 21:22

Baw in unu-unuy ipanalangin mi nga angutun mi, matanggap mi yan, basta magpamayaꞌ kamu nga matuud.”

Marcos 11:24

Aypaꞌ ituy ipagꞌaat kut imyu, maski unuy angutun mi nga ipagpanalangin, kat nakem mi nga subuk natanggap mi na ka siguradu talaga nga matanggap mi yan.

Juan 14:13

Baw in unuy angutun mi kat keseg it pakilagpit mit aken, talagang buwaten ku yan, isaꞌun maltegan i kabantugan it Amaꞌ kat buwaten ku nga Anak ya.

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Juan 15:7

In maneꞌteꞌ kamu situt aken baw maneꞌteꞌ gasiꞌ i ampang ku asat imyu, nga pirmi mi nga pagsunudun, marway in unuy angutun mi duꞌut Ampuꞌang Diyus. Talagang ibgay it imyu.

Juan 6:29

“Ta itu bay ipagpabwat it Ampuꞌang Diyus, kaꞌilangan nga mamayaꞌ kamu it tiyaꞌeg ya nga paꞌasitu,” maat i tubag ni Jesus it kanira.

Juan 8:29

Pirmi nga iba ku i nagtaꞌeg it aken. Ega pagpablagan ya aku, sabap it iyan i pirmi ku nga pagbuwaten, iyan nga magkasagyaan ya.”

Juan 9:31

Daꞌga baꞌ magkaꞌrutan ta nga ega pagtubagen it Ampuꞌang Diyus i mga makasalaꞌan, temed pagtubagen yay iyan nga magsamba it kanya it may galang baw magsunud it mga kaꞌirgan ya?

Mga Binwat 17:30

Iyan tagnaꞌ paꞌ, subuk piyabaya-bayaꞌan it Ampuꞌang Diyus i mga kamaliꞌ it mga taw nga daꞌgay uru-urut pasar it kanya. Temed kayti, ipagsasar yat muꞌsang katataawan, kat paꞌari-aring rugar, nga magsinguliꞌ na sira baw indiꞌan nay muꞌsang kasalaꞌan nira.

Mga Binwat 20:21

Ipagpamatuud ku kat maski siyu, Judio baw ega Judio, nga kaꞌilangan nirang pagsinguliꞌan duꞌun it Ampuꞌang Diyus i mga kasalaꞌan nira baw mamayaꞌ it Ampuꞌan ta nga si Jesus.

Filipos 4:18

Ta kayti, it natanggap ku nay ipiyaduꞌlung mi it ki Epafrodito, magbastanti aku sit muꞌsa, ka subray basta naytu. Talagang kabilangan it mga tabang mi ngaytu, babangluun nga ipagsamba duꞌun it Ampuꞌang Diyus nga magkasagyaan ya, ka pagsagyaan ya talaga i buwat mi ngaytu.

Colosas 1:10

Ka in atkayan, makapangaꞌgenan kamu nat pangaꞌgenan nga kasasagyaan it Ampuꞌan, pangaꞌgenan nga bagay it mga maglalagpit it kanya, ka subuk magtumbud kat pangaꞌgenan mi i muꞌsang buwat nga magagayen baw magdudungag-dudungag i kasepsep mi it adat baw kaꞌirgan it Ampuꞌang Diyus.

Hebreo 13:21

it muꞌsa nga pagkaꞌilanganen mi isaꞌun, kat tabang ni Jesu-Cristo, iyan i pirmi nga mabwat mi, kaꞌirgan ya, baw magbaraꞌ kamung mga taw nga magkasagyaan ya. Aypaꞌ bantugun ta kanya it egay katupusan. Kamatuudan tu.

Santiago 1:5

Temed in may asan it imyu nga abutun it kurang i kasepsep it in unuy magayeng buwaten, kaꞌilangan mangut kanya duꞌun it Ampuꞌang Diyus, ka siguradu nga begayan kanya, ega maat dalaꞌan ya. Ka maꞌatag i Ampuꞌang Diyus. Pagbegayan yay kumpur magꞌangut it kasepsep ngaytu.

Santiago 4:3

Baw maski mangut kamu, ega naga ibgay ya it imyu, sabap it ega magayen i antap it nakem mi, ka gamiten mi kat mga buwat nga uyun kat sadili mi lamang nga kaꞌiꞌirgan, ega maat kaꞌirgan it Ampuꞌang Diyus.

Santiago 5:16

Aypaꞌ in may nabwat mi nga kasalaꞌan duꞌun it masigkataw mi, kaꞌilangan aminen mi duꞌun it kanya nga magꞌangut it pasinsiyaen. Bawnga magsigpanalangin kamu isaꞌun pagayenen kamu it Ampuꞌan. Ka talagang may paglapusan it panalangin it taw nga mataldeng kat panleteg it Ampuꞌang Diyus, nga dakulaꞌ nga banar i magkabwat it panalangin ngaytu.

1 Juan 2:3

Pagsisiguruun ta naytu nga kilala ta nay Ampuꞌang Diyus, basta pagsunudun tat magayen i mga ipiyagꞌurdin ya.

1 Juan 5:14

Baw ega na kaꞌilangan magꞌaliꞌ-aliꞌ ta pat madap duꞌun it kanya ka pagsisiguruun ta nga, maski unuy angutun ta nga uyun kat kaꞌirgan ya, talagang sumambung kanya.