1 Juan 3:2 - Tagbanwa

² Mga pagmaꞌalen ku, kayti mga anak tami nang matuud it Ampuꞌang Diyus. Lamang ega paꞌ magkaꞌrutan ta in maꞌunuy pamilug ta duꞌun. Temed ituy pagsisiguruun ta, asan it pamaꞌuliꞌ situ ni Jesu-Cristo, masbungan ta na kanya, ka maltegan ta nat magayen in maꞌunu kanya.

1 Juan 3:2 Iomraidhean Croise

Malakias 3:2

Temed ta, siyuy makatindeg u siyuy makasagkaꞌ it malabayan ya, pagꞌabut it Ampuꞌan ngaytu? Sabap kabilangan ya, apuy nga magtunaw it bulawan isaꞌun maꞌawaꞌ i ega naga bulawan. Baw subung kanya gasiꞌ it pananalpuk nga sabun nga magꞌawaꞌ it damil.

Mateo 5:8

Magkasagya i mga taw nga egay antap it nakem nira nga ega magayen, in daꞌga purus mataldeng kat panleteg it Ampuꞌang Diyus. Sabap siguradung makitaan nira kanya.

Lucas 17:30

Atkayan naga yan i ipaꞌuliꞌ situ it Taga Langit nga Ipiyanganak it Taw.

Lucas 20:36

baw ega nayan matay sira. Ka subung na sira it mga anghil. Beken it sira, mga anak nayan it Ampuꞌang Diyus, nga inggen yat paꞌuliꞌ baw binggayan it ega na basta-bastang kaꞌgenan.

Juan 1:12

Temed may mga taw nagang namayaꞌ baw simnarig it kanya. Sira ngaytu, binggayan ya sirat pudir nga makapabetang sira nga mga anak it Ampuꞌang Diyus.

Juan 11:52

Baw ega lamang bangsat Judio, in daꞌga isaꞌun mabwat sira nga sang siraan it matingped yang mga anak it Ampuꞌang Diyus nga gumaring kat paꞌari-aring rugar.

Juan 17:24

Baw itu gasiꞌ i ireg ku, Amaꞌ, nga kumpur ibinggay mut aken, makataꞌid sira gasiꞌ duꞌut pagtataꞌidan ku. Ka in duꞌun na, maltegan niray kabantugan ku nga ibinggay mut aken, ka talagang garing pat tagnaꞌ nga ega pay banwa, pagmaꞌa-maꞌalen mu na aku.

Roma 8:16

Eeꞌ baꞌ, Espiritu Santo na ngaytuy magpamatuud kat nakem ta nga talagang kita, inanak nang matuud it Ampuꞌang Diyus.

Roma 8:18

Temed maski sang unuy kadakulat kakuriꞌan nga malabayan ta situt banwa, pagsisiguruun ku nga ega manenga-tengaꞌ it kabantugan nga ibgay it Ampuꞌang Diyus it aten asan it pagdadarapaꞌen.

Roma 8:19

Sabap muꞌsang mga paryaman nga giyuna it Ampuꞌang Diyus, subuk pagpaꞌbutun nang banar i aldaw ngayang itanyag yat kadakel i kadakulat kabantugan nga ibgay ya kat mga inanak ya.

Roma 8:29

Sabap talagang garing paꞌ it katagnaꞌ-tagnaꞌan, pagnanakmen nang lagi it Ampuꞌang Diyus in siyu may siyu i panakman ya nga pasakep it kanya, baw ipiyasiguru ya gasiꞌ nga makasbung sirat Anak ya nga si Jesus. Kabilangan ya, si Jesus na ngaytu i mabantug nga kiyaꞌakaꞌan tami nga muꞌsang nagsulsu-sulsugun nga inanak it Ampuꞌang Diyus.

1 Corinto 13:12

Kayti subung it waꞌwaꞌ tami paꞌ nga ega paꞌ ustuꞌ i magkasepsepan pasar it mga bagay it Ampuꞌang Diyus. Kabilangan ya, subuk magpanalamin ta duꞌun it ega na maꞌyag nga salamin. Temed talagang mabut i aldaw nga meyag tu nga muꞌsa ka maꞌawaꞌ i muꞌsang ipagkalukug it kasepsep. Kat iting timpu maꞌaten i kaꞌustuꞌang kasepsep, subung nagat kasepsep it Ampuꞌang Diyus it aten.

1 Corinto 15:49

Ta, in magꞌuꞌunu kaꞌlay ngaytu nangaꞌgenan tami it adat it taw nga pandenaꞌ, kaꞌilangan ipasbung nay adat tami it taw nga panlangit nga si Cristo.

1 Corinto 2:9

Munugat magpanunsun nagaytu duꞌun it isiyurat nga ampang it Ampuꞌang Diyus nga magꞌaat, “Iyan ega paꞌ nagpasar kat mata u nasibaꞌatan it talinga, ega gasiꞌ nangbit kat pikiran it taw, iyan i miyabut nga ipiyabetang-betang it Ampuꞌang Diyus kat ikagayen it mga magmaꞌal it kanya.”

2 Corinto 3:18

Ta, it kayti nga naꞌawaꞌ na i subuk ipiyayumyum it rupa tami, magkamuyaan ta na i kabantugan it Ampuꞌan, temed ega paꞌ subung it kabantugan ya nga maltegan kat pagdadarapaꞌen. Kabilangan it magkamuyaan kayti, subung paꞌ it magkaltegan duꞌut ega maꞌyag nga salamin. Baw paribasay subuk pirmi tami nga magkamuyaan i kabantugan ya, kat guna it Espiritu Santo nga ipiyapasarum it Ampuꞌan, magsisigi na nga magkabaꞌgu i adat tami, nga magpasbung tami nang muꞌsa it kanya kat kabantugan ya ngaytu.

2 Corinto 4:17

Sabap, kadakulat kakuriꞌan ngaytu nga paglabayen namen kayti, ega naga yan maneꞌteꞌ baw maꞌaat ta nga dekeyeꞌ lamang in panawun it pikiran tami i tumbas ya kat pagdadarapaꞌen, nga subraꞌ nga piyakaꞌega babasta-bastaen nga kabantugan nga ega talagay kaꞌawaꞌan.

Galacia 3:26

Pati kamu nga ega Judio, mga anak na gasiꞌ it Ampuꞌang Diyus, nga maglalagpit nat ki Cristo Jesus sabap it pagsarig baw pamayaꞌ mi it kanya.

Galacia 4:6

Ta it paribasay mga anak ya na kita, aypaꞌ piyapasaruman ya gasiꞌ kita it Espiritu Santo, iyan Espiritu Santo nga ipiyangadal baw isiyanggup it Anak ya nga si Jesus. Aypaꞌ, kat panakem it Espiritu Santo ngaytu, mayaꞌngan nay dilaꞌ tami it tumaꞌwag it Ampuꞌang Diyus it Amaꞌ.

Filipos 3:21

Kanya i may guna nga ipagkasakep ya it muꞌsang mga bagay. Baw kat keseg it guna ya ngaytu, baꞌguun ya i bilug ta nga pandenaꞌ, ipasbung ya nat kagayen it kanyang bilug nga panlangit.

Colosas 3:4

Takaꞌ in maꞌbut na nga itanyag na i kabantugan ni Cristo, kanya nga puꞌun it kaꞌgenan ta ngaytu, duꞌun matanyag gasiꞌ i aten nga kabantugan ka mabagiꞌan tami.

Hebreo 9:28

Ta, atkayan naga, kaꞌsa lamang gasiꞌ binwat si Cristo nga panalisi, isaꞌun matanggung ya i kasalaꞌan it katataawan. Baw paꞌuliꞌ naga kanya situ, takaꞌ ega na maat isaꞌun tumanggung it kasalaꞌan it taw, in daꞌga mamisiꞌ manat kumpur magpaꞌbut it kanya, ka timpu nat kakumplituwan it karibriyan nira.

2 Pedro 1:4

Kat kabantugan baw guna ya ngaytu, may ibinggay yat aten nga mga ega babasta-bastaeng mga sanggup, isaꞌun kasbung i adat ta it kanyang adat nga talagang magayen. Sabap nakaꞌalikaꞌsut tami na kat pagkaꞌuripen tami it pagsumbayaꞌ it mga singkadan tami nga kaꞌiꞌirgan nga maraꞌe-raꞌet, nga yay tumaban it taw kat pangaꞌgenan nga maranggaꞌ.

1 Juan 2:28

Aypaꞌ, mga bilang anak ku, teꞌteꞌan mi si Jesu-Cristo, isaꞌun, pagpaꞌuliꞌ ya situ, daꞌta na magꞌaliꞌ-aliꞌ u meyaꞌ it kanya in duꞌun nat adapan ya.

1 Juan 2:7

Kamung mga pagmaꞌalen ku, ega nagaytuy baꞌgung urdin nga ipagsurat ku asat imyu, in daꞌga iti naga, dati ngayting ipiyagꞌurdin it imyu it tagnaꞌ paꞌ. Iyan paꞌaaten ku ngaytung dati nga urdin, iyan nga ipiyangadal ngaytung ampang nga nagnegan mi na nga magsigraras tami it esa may esa.

1 Juan 3:1

Panawun lamang it pikiran mi in sang unuy kadakulat raras it Diyus Amaꞌ it aten. Dakulaꞌ nga banar i raras ya ngaytu, ka ipagpabetang ya na kita nga mga anak ya. Ta kayti, atkayan na nga matuud, nga mga anak tami na it Ampuꞌang Diyus. Temed ta, kadaklan it taw situt banwa, ega magkilala sira it Ampuꞌang Diyus, aypaꞌ ka simpri, ega gasiꞌ pagkilalaen nira kita nga mga inanak ya.

1 Juan 3:10

Sikaytu ta makilalaan in siyu may siyu i bilang anak nat Ampuꞌang Diyus, baw siyu pay bilang anak ni Satanas. Iyan nga ega magpaꞌres it muwat it kataldengan kat panleteg it Ampuꞌang Diyus baw egay raras yat sulsug ya kat pamayaꞌ, siguradung ega yan anak it Ampuꞌang Diyus.

1 Juan 3:21

Mga pagmaꞌalen ku, in egay pagꞌukumanan it nakem ta kat sadili ta, simpri ega nay iꞌlam ta in madap ta nat Ampuꞌang Diyus.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

Mga Ipiyalteg 2:28

Ibgay ku gasiꞌ it kanya i buntatalaꞌ.

Mga Ipiyalteg 22:4

Maltegan nira i rupa ya baw makasurat na kat mga peges nira i ngaran ya.