1 Juan 3:13 - Tagbanwa

¹³ Mga sulsug ku kat pamayaꞌ, ega mi paliluꞌan in pagꞌisgan kamu it beken nga taw situt sinirungat langit, sira ngayang ega magpamayaꞌ it ki Jesu-Cristo.

1 Juan 3:13 Iomraidhean Croise

Mateo 10:22

Talagang isgan kamu it muꞌsang taw sabap it pamayaꞌ mit aken. Temed in siyu-siyuy maneꞌteꞌ i pamayaꞌ yat aken seked naꞌbut nay umur, siguradung maribri yan kanya.

Mateo 24:9

Talagang isgan kamu it kadakel sabap it pamayaꞌ mit aken. Idimanda kamu isaꞌun mapakuriꞌan baw maꞌimatay.

Marcos 13:13

Talagang isgan kamu it muꞌsang taw sabap it pamayaꞌ mit aken. Temed in siyu-siyuy maneꞌteꞌ nga pamayaꞌ seked naꞌbut nay umur, siguradung maribri yan kanya.

Lucas 21:17

Talagang isgan kamu it muꞌsang taw sabap it pamayaꞌ mit aken.

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Juan 16:2

Siguradu yang awaꞌen i pagkaJudio mi. Mabut i timpu nga in siyu-siyuy mimatay it imyu, kat pasepsep ya, tanud ya magayeng ipagsirbi duꞌun it Ampuꞌang Diyus i pagbuwaten ya ngayti.

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Juan 17:14

Nakaꞌaat ku nat kanira i mga ampang mu, aypaꞌ ka pagꞌisgan na sirat kadakel nga ega magpamayat aken, sabap ega na magpakiꞌuyun sirat kadakel. Kabilangan nira, subung na sirat aken nga ega taga sinit banwa ngayni.

Juan 3:7

Aypaꞌ ayaw kat kaliluꞌ it pagꞌaaten ku ngaytut imu nga kaꞌilangan ipanganak kamut sumaꞌup.

Juan 7:7

Kamu, ega yan mapakay nga isgan it katataawan. Temed aku, pagꞌisgan nira, sabap it ipagpaliꞌwan ku i mga buwat nira nga mararaꞌe-raꞌet.

Mga Binwat 3:12

Pagkamuya ni Pedro, inaat ya sira, “Mga kabanwa ku nga tungtung-inapuꞌ ni Israel, unuka magkaliluꞌan mi siꞌ i itung taw? Baw unuka atkayay panenyekan mit amen, adimaat ikiyapanaw ya ngaytu, kat keseg it sadili nameng kiyaꞌrutan u pagsunud it kaꞌirgan it Ampuꞌang Diyus?

Roma 8:7

Sabap talagang iyan singkadan ngaytung kaꞌiꞌirgan it taw, kuntraꞌ talagat Ampuꞌang Diyus ka ega magpasakep it mga urdin garing duꞌun it kanya. Baw yay matuud, egay kaya nira nga pasakep it mga ituꞌun ngaytu.

2 Timoteo 3:12

Baw ta, yay matuud, in siyu-siyuy magꞌireg mangaꞌgenan it mataldeng kat panleteg it Ampuꞌang Diyus ka pakilagpit kanyat ki Cristo Jesus, talagang maglabay kanya gasiꞌ it pakuriꞌ it masigkataw.

Santiago 4:4

Kamung mga taw, subung kamut pagꞌaꞌasawaeng babay nga barapakun, nga ega paglabiyen yay pagꞌasawa, ka atkayay buwat mi duꞌun it Ampuꞌang Diyus. Unu, ega magkaꞌrutan mi nga basta iyan i ragaen mi, mga bagay situt banwa ngaytu, pagkuntraꞌen mi i Ampuꞌang Diyus? Yay matuud, in siyu-siyu nga pagtemden ya nga ega kaꞌirgan it Ampuꞌang Diyus in daꞌga mga kaꞌiꞌirgan situt banwa i ragaen ya, egay beken, magkasiguru ya i sadili ya nga kakuntraꞌ it Ampuꞌang Diyus.

Mga Ipiyalteg 17:7

Temed iningkut akut anghil ngayti, maat ya, “Unuka naliluꞌ ka? Kayti ipaꞌyag kut imu i kaꞌulugan it babay ngayan baw pagsasakayan ya ngayang kumakaꞌen nga ramu-ramu nga pitu magsangay ulu baw sang puluy tanduk.