1 Juan 3:11 - Tagbanwa

¹¹ Itu nagay nagnegan mi ngayang ipiyangadal it imyu garing pat tagnaꞌ, nga magsigraras tami it esa may esa.

1 Juan 3:11 Iomraidhean Croise

Juan 13:4

Aypaꞌ binwat ni Jesus it magꞌaꞌdung na sira ka kumaꞌen na, timnindeg kanya baw limbas yay panliꞌwan nga pakayan ya, bawnga miyanu kanyat tuwalya ka tiyapis ya.

Juan 15:12

Ka itu nay ipagꞌurdin ku, magsigraras kamu it esa may esa subung nagat raras kut imyu.

Galacia 6:2

Baw yay magayen, magtabang-tabangen kamu it kakuriꞌan it esa may esa, sabap kat atkaytu nga pagbuwaten, iyan i masunud mi i ipiyagꞌurdin ni Cristo.

Efeso 5:2

Mangaꞌgenan kamu it pirming pagbegbegan it raras mi it maꞌiba mi. Pasbung kamut ki Cristo nga, kat kadakulat raras ya it aten, ipiyagtas yay ginawa ya, nga ipiyasbung yay sadili ya it piyakamabanglu nga panalisi nga pagsagyaan nga banar it Ampuꞌang Diyus.

1 Tesalonica 4:9

Ta in pasar ga it pagmaꞌal baw raras it sulsug kat pamayaꞌ, maski ega na suratan namen kamu, ka Ampuꞌang Diyus na i magtulduꞌ it imyu it in magꞌuꞌunuy matuud nga raras it esa may esa.

1 Timoteo 1:5

Sana yay liꞌwan it pangadal mu it mga taw asan, magsigraras sira it esa may esa. Mabwat ta lamang tu basta naꞌawaꞌ nay kasalaꞌan baw iyan nay pagbuwaten, iyan nga naꞌrutan ta nga magayen kat panleteg it Ampuꞌang Diyus. Baw gasiꞌ nga pamayaꞌ ta, ega na desang kat munung.

1 Pedro 1:22

Ta kayti, kat pamayaꞌ mi it kamatuudan ngaytung Magayeng Baritaꞌ, bilang nanlimpiyuꞌ kamu na. Ka naꞌawaꞌ nay kasalaꞌan mi, iyan nagpasakep kamu na it ki Cristo. Aypaꞌ mapakay na nga kamatuudan nay raras mi it esa may esa nga subung it sang sulsugan. Aypaꞌ tingleden mi talagay nakem mi kat kamatuudang raras it esa may esa nga ega desang awam.

1 Pedro 3:8

May paꞌugdun ku paꞌ nga panulduꞌ kut imyu nga muꞌsa. Kaꞌilangan talaga nga mangaꞌgenan kamu it may pagꞌurunyun mi. Magmaꞌildaw kamu it esa may esa, baw magsigraras kamu it subung it nagsulsu-sulsugun. Kaꞌilangan magtabang-tabangen baw mapiyababaꞌ kamu.

1 Pedro 4:8

Subraꞌ it muꞌsa, magsigraras kamu nga banar it esa may esa. Ka basta pagrarasan tay mga maꞌiba ta, mapiyasinsiya tami it mga kamaliꞌ nira.

1 Juan 1:5

Ituytu i ampang ngayan nga nagnegan namen duꞌun it Anak it Ampuꞌang Diyus nga ipagsugid namen it imyu. Iyan Ampuꞌang Diyus, kabilangan ya, maꞌyag nga tidaw. Egay maski unu nga madlem duꞌun it kanya.

1 Juan 4:11

Mga pagmaꞌalen ku, ta it atkaytuy kadakulat raras it Ampuꞌang Diyus it aten, kaꞌilangan magsigraras tami gasiꞌ i aten.

1 Juan 4:21

Ka yay ipiyagꞌurdin ya ngaytu it aten, nga in siyuy magmaꞌal it Ampuꞌang Diyus, dapat nga rarasan ya gasiꞌ i sulsug ya kat pamayaꞌ.

1 Juan 4:7

Mga pagmaꞌalen ku, siguruun ta nga magsigraras tami it esa may esa, sabap Ampuꞌang Diyus, kanyay puꞌun it kararas ngaytu. Ta kada may raras na ngaytu, maꞌyag nga bilang ipiyanganak na kanya it Ampuꞌang Diyus baw kilalang-kilala ya na kanya.

2 Juan 1:5

Ta kayti, Bilaꞌ, sana may ipagpakiꞌupakat kut imu. Itu, ega maat baꞌgung urdin i ipagsurat ku ngaytu, in daꞌga dati nagaytung urdin nga situ na nga lagit aten garing paꞌ it tagnaꞌ, itu nga magsigraras tami it esa may esa.