1 Juan 2:4 - Tagbanwa

⁴ In may magꞌaat nga, “Kilala ku nayan kanya,” temed ega magsunud it mga urdin ya, ambut ya lamang. Talagang egay uru-urut yat kamatuudan.

1 Juan 2:4 Iomraidhean Croise

Juan 8:44

Munugat si Satanas i amaꞌ mi. In unuy ireg ya, iyan i pagkubwaten mi. Yay matuud, mangingimatay kanyat taw garing paꞌ it tagnaꞌ baw kalaban it kamatuudan, ka ega talaga maparagan duꞌut kanya i kamatuudan ngaytu seked it kaꞌnu-kaꞌnu. In magꞌambut kanya, ta it yan nagay adat ya, sabap talagang maꞌambut kanya baw puꞌun kanyat kaꞌambutan.

Tito 1:10

Ka yay matuud, dakel i mga masusutil asan nga magtuturan-tuturan it egay kakapulusan. Magpandayaꞌ lamang sirat mga katataawan. Atkaytu talagay buwat it mga Judio nga magꞌaat, kaꞌilangan turiꞌan i muꞌsang mga magpamayaꞌ, maski daꞌsira Judio.

Tito 1:16

Mga taw ngaytu, magꞌaat nga magkilala sirat Ampuꞌang Diyus, arit maꞌyag kat pangaꞌgenan nira nga buwa-buwat nira lamang yan, egay kamatuudan. Ka mararaꞌway i adat nira, masusutil, baw alaid duꞌut kanira i kakayaan nga muwat it magagayen.

1 Juan 1:10

In pagꞌaaten tami nga daꞌta magkasalaꞌan, subuk pagpakiꞌambutun tami i Ampuꞌang Diyus. In atkayan, ega paꞌ natantuwan tami i ampang ya.

1 Juan 1:6

In maat ta, magpakiꞌiba-iba ta na it kanya, temed magpangaꞌgenan ta paꞌ kat kadleman, ka magsisigi paꞌ nga magbuwat it kasalaꞌan, magꞌambut ta lamang. Daꞌta magpangaꞌgenan nga uyun kat kamatuudan.

1 Juan 1:8

Ta, in pagꞌaaten ta gasiꞌ nga kita, egay kakasalaꞌan, pagꞌambutan ta lamang i sadili ta, baw alaid it aten i kamatuudan.

1 Juan 2:3

Pagsisiguruun ta naytu nga kilala ta nay Ampuꞌang Diyus, basta pagsunudun tat magayen i mga ipiyagꞌurdin ya.

1 Juan 2:9

Iyan magꞌaat nga, kanya, kat kaꞌyagan na, temed pagpakitabugan ya paꞌ i sulsug ya kat pamayaꞌ, yay matuud, duꞌun paꞌ kanyat kadleman.

1 Juan 3:6

Iyan magpangaꞌgenan it teꞌteꞌ nay pamayaꞌ yat ki Jesu-Cristo, ega nayan magpasigi pat muwat it kasalaꞌan. Temed iyan nga magsisigi pay buwat yat kasalaꞌan, ega yan nakatantu in maꞌunu si Jesu-Cristo baw egay tantung pagkilala yat kanya.

1 Juan 4:20

In beteꞌ may magꞌaat nga, “Pagmaꞌalen ku nay Ampuꞌang Diyus,” temed in may sulsug ya paꞌ kat pamayaꞌ nga pagpakitabugan ya, ambut ya lamang i pagmaꞌal ya ngayan. Ka in ega pay raras yat kaꞌibaan ya nga lelete-letegan ya nat kaꞌlay, magꞌuꞌunu maꞌalen yay Ampuꞌang Diyus nga ega magkaltegan ya?

1 Juan 4:7

Mga pagmaꞌalen ku, siguruun ta nga magsigraras tami it esa may esa, sabap Ampuꞌang Diyus, kanyay puꞌun it kararas ngaytu. Ta kada may raras na ngaytu, maꞌyag nga bilang ipiyanganak na kanya it Ampuꞌang Diyus baw kilalang-kilala ya na kanya.