1 Juan 2:3 - Tagbanwa

³ Pagsisiguruun ta naytu nga kilala ta nay Ampuꞌang Diyus, basta pagsunudun tat magayen i mga ipiyagꞌurdin ya.

1 Juan 2:3 Iomraidhean Croise

Isaias 53:11

Maat it Ampuꞌang Diyus, “Pagkatupus it kakuriꞌan, magantiyan siꞌ it kasagyaan, sabap matantuwan ya nga ega desang kaꞌuruꞌ-uruꞌan i siyagkaꞌan ya nga kakuriꞌan. Kat kamatuudan nga pagkilala it aken it manigsirbi ku ngaytu nga mataldeng, dakel nga taw i buwaten ya nga mataldeng kat panleteg ku. Sabap tanggungun ya i mga kasalaꞌan nira.

Lucas 6:46

Bawnga miningkut si Jesus, nga magꞌaat, “Ta, unuka pagtaꞌwagen mi aku nga Ampuꞌan, it ega naga pagbuwaten mi i mga ipagꞌaat kut imyu?

Juan 14:15

“In matuud nga pagmaꞌalen mi aku, simpri sunudun mi i mga urdin ku.

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Juan 15:14

Kamu i magayen nga iba-iba ku in pagsunudun mi i ipagꞌurdin ku.

Juan 17:3

Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

2 Corinto 4:6

Kayti naꞌyagan tami na ka iyan Ampuꞌang Diyus, kanya nga nagguna it eyag kat keseg it ampang ya isaꞌun ega bulun nga kadleman, kanya nagay minggay it eyag kat pikiran tami isaꞌun makilalaan tami nga banar i kabantugan ya nga magkatantuwan duꞌun it ki Cristo.

Hebreo 5:9

Ta paribasay nasunud ya i muꞌsa it egay kakurangan, nagbaraꞌ na kanya nga piyanggaringan it karibriyan nga kaꞌgenang egay kaskedan, nga ibgay yat muꞌsa nga may kamatuudan nga pagsunud it kanya.

1 Juan 2:13

Pagsuratan ku kamung magugurang sabap kilala mi naga kanya nga, garing it tagnaꞌ paꞌ nga ega pay banwa, may kanya nang lagi. Pagsuratan ku kamung mangaꞌwaꞌen sabap, kat pagsarig mit Ampuꞌan, naꞌindaꞌeg mi na si Satanas nga Gimpuꞌun it Karaꞌe-raꞌetan. Pagsuratan ku kamung mga bilang anak ku sabap kilala mi na talaga i Amaꞌ ta nga Ampuꞌang Diyus.

1 Juan 3:14

Temed maꞌyag nat aten nga kita, ega na subuk patay kat panleteg it Ampuꞌang Diyus, in daꞌga, pagbebgayan ta nat kaꞌgenan nga egay kaskedan. Urut ta naytu sabap may raras ta na talaga it mga sulsug ta kat pamayaꞌ. Iyan ega pay raras ngaytu, subuk sakep paꞌ kanyat kamataynen.

1 Juan 3:19

Aypaꞌ sikayan maꞌrutan ta nga kita, sakep nat kamatuudan nga garing duꞌun it Ampuꞌang Diyus. Baw sikayan gasiꞌ, ega na magulu i ulu ta nga madap it kanya.

1 Juan 3:6

Iyan magpangaꞌgenan it teꞌteꞌ nay pamayaꞌ yat ki Jesu-Cristo, ega nayan magpasigi pat muwat it kasalaꞌan. Temed iyan nga magsisigi pay buwat yat kasalaꞌan, ega yan nakatantu in maꞌunu si Jesu-Cristo baw egay tantung pagkilala yat kanya.

1 Juan 4:13

Baw magkaꞌrutan tami nga magpaneꞌteꞌ ta na duꞌun it Ampuꞌang Diyus, baw kanya, teꞌteꞌ gasiꞌ situt aten, sabap pirmi ta nga pagtabangen it Espiritu Santo nga piyapasarum ya situt bilug tami.

1 Juan 4:7

Mga pagmaꞌalen ku, siguruun ta nga magsigraras tami it esa may esa, sabap Ampuꞌang Diyus, kanyay puꞌun it kararas ngaytu. Ta kada may raras na ngaytu, maꞌyag nga bilang ipiyanganak na kanya it Ampuꞌang Diyus baw kilalang-kilala ya na kanya.

1 Juan 5:19

Magkaꞌrutan ta nga kita, mga anak nat Ampuꞌang Diyus. Temed si Satanas pay magsasakep situt sinirungat langit.

1 Juan 5:2

Baw ituytu i ikasiguru ta nga pagrarasan tami i kumpur bilang ipiyanganak it Ampuꞌang Diyus, itu nga pagmaꞌalen tami i Ampuꞌang Diyus ngaytu baw pagsunudun tami i kumpur ipiyagꞌurdin ya.

1 Juan 5:3

Ituytu i paꞌaaten nga pagmaꞌal tat Ampuꞌang Diyus, masunud tami it mga urdin ya. Ka mga urdin ya ngaytu, ega nagaytu subraꞌ nga mabeꞌgat.

Mga Ipiyalteg 12:17

Ta, kat kadakulaꞌ it iseg it dragon it babay ngayti, paꞌugadan ya nga giraen i beken nga mga tungtung-inapuꞌ it babay ngayti. Itung mga taw, sira nga mamagsunud nga banar it kaꞌirgan it Ampuꞌang Diyus baw ega mamagpangindiꞌ kat kamatuudan nga ipiyatantu it Ampuꞌan nga si Jesus.

Mga Ipiyalteg 14:12

Aypaꞌ it atkayan i mabetangan nira ngayti, kaꞌilangan talaga nga kumpur mga taawan it Ampuꞌang Diyus nga mamagsunud it kaꞌirgan ya baw magpamayaꞌ nat ki Jesus, kaꞌilangan nga teꞌteꞌan nira kanya maski ikagtas nat ginawa nira.

Mga Ipiyalteg 22:14

Magkasagya talaga sira nga pirmi nga maglimpiyuꞌ it mga pakayan nira, nga ireg sugiden, pagsinguliꞌan i kada kasalaꞌan isaꞌun maꞌawaꞌ. Ka mabgayan sirat pudir nga semled situt siyudad ngaytu baw kumaꞌen it buwaꞌ it kayu ngaytu nga magbegay it kaꞌgenan.