1 Juan 2:25 - Tagbanwa

²⁵ Baw ituy isiyanggup it aten it Ampuꞌang Diyus, kaꞌgenan nga egay kaskedan.

1 Juan 2:25 Iomraidhean Croise

Lucas 18:30

Ka siguradu talaga nga subrang dakulaꞌ i matanggap ya kat itu nga kaꞌgenan. Baw in duꞌun nat ikadwang kaꞌgenan, makanya paꞌ i kaꞌgenan nga egay kaskedan.”

Juan 10:28

Pagbegayan ku sira it kaꞌgenan nga egay kaskedan baw seked it kaꞌnu-kaꞌnu daꞌsira maꞌilang. Baw daꞌsira maꞌagaw it maski siyu situt aken.

Juan 12:50

Baw talagang magkaꞌrutan ku nga iyan mga ampang ya ngaytu i puꞌun it kaꞌgenan nga egay kaskedan. Aypaꞌ in unuy ipagpasugid it Amaꞌ, simpri iyan i pagꞌampangen ku.”

Juan 3:15

Temed ituy kaꞌirgan it Ampuꞌang Diyus isaꞌun in siyuy mamayaꞌ it aken, nga aku na lamang i pagsarigan ya, siguradung mabgayan na kanyat kaꞌgenan nga egay kaskedan.”

Juan 5:39

Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

Juan 6:47

Kamatuudan tuy iꞌaat ku ngaytut imyu. Iyan nga mamayaꞌ baw pasakep it aken, may kaꞌgenan ya nga egay kaskedan.

Juan 6:54

Iyan magkaꞌen it isi ku baw magꞌinum it duguꞌ ku, may kaꞌgenan ya nga egay kaskedan, baw talagang egnen ku kanya it paꞌuliꞌ asan it umur nat banwa.

Juan 6:68

Katubag si Simon Pedro ngayti, “Ampuꞌan,” maat ya, “ay ari aduꞌunan namen it panulduꞌ mu gay magkabgay it kaꞌgenan nga egay kaskedan?

Roma 2:7

May mga taw nga mapiyaꞌres it buwat it magagayeng pagbuwaten ka iyan nagay kat nakem nira, nga galangen sira nga sakpen it ega basta-bastang kabantugan duꞌun it langit, baw begayan it egay kaskedang kaꞌgenan. Ta, sira ngaytu, siguradung begayan it kaꞌgenan ngaytu nga egay kaskedan.

Roma 5:21

Aypaꞌ, maski nandaꞌeg i kasalaꞌan ngaytu nga liꞌwan ya kamataynen, diyaꞌeg naytut ildaw it Ampuꞌang Diyus. Ildaw na ngaytuy magpandaꞌeg ka, sabap it binwat it Ampuꞌan ta nga si Jesu-Cristo, mapakay na nga tumaldeng nay taw kat panleteg it Ampuꞌang Diyus baw mabgayan it kaꞌgenang egay kaskedan.

Roma 6:23

Sabap maꞌyag nga kamataynen nga egay kaskedang panriga i liꞌwan it kasalaꞌan ngaytu. Temed maꞌyag gasiꞌ nga kaꞌgenang egay kaskedan i ipagꞌildaw ngaytut Ampuꞌang Diyus kat muꞌsang taw nga maglalagpit nat ki Cristo Jesus nga Ampuꞌan tami.

Galacia 6:8

In siyuy magluwak it karaꞌe-raꞌetan, nga magsarit sumbayaꞌ it singkadan yang kaꞌiꞌirgan nga maraꞌe-raꞌet, egay beken nga kaygen ya, subuk rumunut i pangaꞌgenan ya baw kamataynen nga egay kaskedang panriga i abutan ya. Temed iyan magluwak it kagayenan, nga magsunud nga pirmi it padisir it Espiritu Santo it kanya, iyan i kanyang kaygen, kaꞌgenang egay kaskedan.

1 Timoteo 1:16

Eeꞌ baꞌ, inildawan ya aku ngaytu isaꞌun, kat sanguꞌ ya ngaytut aken nga gimpuꞌun it makasalaꞌan, matantuwan i kadakulat kapalulusan ni Jesu-Cristo ngaytu. Ka binwat ya aku nga esang alimbawa, isaꞌun matantuwan it katataawan nga pati sira, mapakay nga mamayaꞌ it kanya, baw makanira gasiꞌ i kaꞌgenan nga egay kaskedan.

1 Timoteo 6:12

Patibayaꞌ ka it taw nga magkuntis, nga in sang unuy paꞌres ya isaꞌun lamang mandaꞌeg kanya, atkayan nagay imu kat pamayaꞌ mu it Ampuꞌang Diyus. Patikesegan muy kaꞌgenan nga egay kaskedan isaꞌun maꞌimu talaga, ka yay pabetang-betang it Ampuꞌang Diyus nga ibgay yat imu. Ka daꞌga baꞌ paniguru mu it kagayenan ngaytu i piyanindegan mu it tagnaꞌ kat adapan it kadakel?

1 Timoteo 6:19

Sabap kat atkaytung buwat nira, subuk pagpadakulaꞌen niray ega magkaranggaꞌ nga tumbas it kanira nga magꞌaꞌareg duꞌut langit. Baw makanira i kaꞌgenan nga dakulaꞌ talagay kapulusan.

Tito 1:2

Baw matantuwan nira nga sabap it pamayaꞌ baw pagpasakep nirat Magayen ngaytung Baritaꞌ, makanira talaga i kaꞌgenan nga egay kaskedan. Ka itu ngaytu, talagang isiyanggup naytu nga lagi it Ampuꞌang Diyus parabir giyuna yay banwa. Baw basta Ampuꞌang Diyus, talagang ega kanya magꞌambut.

Tito 3:7

Ka yay matuud, inildawan ya kita nga tiyanggung ni Jesu-Cristo i kasalaꞌan tami, ka ipabetang ya na kita nga mataldeng kat panleteg ya. Binwat yay atkaytu isaꞌun maꞌaten talagay pagsisiguruun tami nga kaꞌgenan nga egay kaskedan.

1 Juan 1:2

Eeꞌ baꞌ, kanya ngaytung puꞌun it kaꞌgenan, itiyanyag nat amen. Talagang naltegan namen kanya. Aypaꞌ ka ipagpamatuud namen na, baw ipagpangadal namen nat imyu i pasar it kanya ngaytu nga egen it egay kaskedan. Garing it tagnaꞌ paꞌ, duꞌun kanya nga lagi it adapan it Diyus Amaꞌ, baw kayti, itiyanyag na kanya situt amen.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.

Judas 1:21

Inturun mi i pangaꞌgenan mi, isaꞌun daꞌkamu kapaꞌalaid kat kararas it Ampuꞌang Diyus, mintras pagpaꞌbutun mi i kaꞌgenan nga egay kaskedan, nga ildaw it aten it Ampuꞌan tami nga si Jesu-Cristo.