1 Juan 2:23 - Tagbanwa

²³ Ka in siyuy ega magpamatuud nga Anak it Ampuꞌang Diyus si Jesus, ega gasiꞌ mapakay nga pagtanggapen kanya it Diyus Amaꞌ. Temed kanya nga magpamatuud nga Anak talagat Ampuꞌang Diyus si Jesus ngaytu, simpri yay matuud, kanya gasing Amaꞌ i Ampuꞌang Diyus.

1 Juan 2:23 Iomraidhean Croise

Mateo 11:27

Pagkapanalangin, maat ya siꞌ, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.

Lucas 10:22

Bawnga inaat ni Jesus i kadakel ngayti, nga maat ya, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.”

Juan 10:30

Ka aku baw Amaꞌ ku, sang kagina-ginawaan lamang.”

Juan 16:3

Talagang buwaten niraytu sabap it ega magkakilalaan nira aku, atnagay Amaꞌ.

Juan 17:3

Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

Juan 5:23

isaꞌun nga galangen it muꞌsang katataawan i Anak, subung nagat paggalang nira it Amaꞌ ya. Ka yay matuud, in siyu nga egay paggalang it Anak, ega gasiꞌ paggalangen yay Amaꞌ nga timnaꞌeg it Anak nga paꞌasitu.

Juan 8:19

Pagkagneg it mga taw ngayti, miningkut sira nga magꞌaat, “Ay ari bayan i Amaꞌ mu ngayan? Ari pagꞌaꞌanuꞌan ya?” Tumubag si Jesus, maat ya, “Yay matuud, it ega naga kilala mi aku, simpri ega naga kilala mi i Amaꞌ ku. In beteꞌ magkakilalaan mi na aku, simpri makilalaan mi naga gasiꞌ kanya.”

1 Juan 2:22

Siyu i paꞌaaten ngaytung maꞌambut, in daꞌga iyan magpaliꞌwan nga si Jesus, ega kanyay Cristo ngayting Manriribring Adiꞌ nga isiyanggup it Ampuꞌang Diyus? Atkaytu nga taw i paꞌaaten nga kakuntraꞌ ni Cristo ngayti, kanya nga magpandaꞌga it Diyus Amaꞌ baw Anak ya nga si Jesu-Cristo.

1 Juan 4:15

Ta kayti, in siyuy magpamatuud nga si Jesus, Anak kanya it Ampuꞌang Diyus, talagang pagteꞌteꞌan kanya it Ampuꞌang Diyus baw kanya, teꞌteꞌ na gasiꞌ duꞌun it Ampuꞌang Diyus ngaytu.

1 Juan 4:2

Magꞌaꞌatkaytu yan i ikaꞌrut mi in talagang Espiritu Santo nga piyapasarum it Ampuꞌang Diyus i magpanakem it esang taw. Iyan nga magpamatuud nga si Jesu-Cristo, nagbalyu talaga nga taw nga banar baw limnampud situt banwa, siguradung Espiritu Santo it Ampuꞌang Diyus i magpanakem it kanya.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.