1 Juan 2:22 - Tagbanwa

²² Siyu i paꞌaaten ngaytung maꞌambut, in daꞌga iyan magpaliꞌwan nga si Jesus, ega kanyay Cristo ngayting Manriribring Adiꞌ nga isiyanggup it Ampuꞌang Diyus? Atkaytu nga taw i paꞌaaten nga kakuntraꞌ ni Cristo ngayti, kanya nga magpandaꞌga it Diyus Amaꞌ baw Anak ya nga si Jesu-Cristo.

1 Juan 2:22 Iomraidhean Croise

Mateo 24:24

Sabap dakel talaga yan i mangambuꞌ it Cristo na kanya, baw may manluꞌsut payan nga magpapru-prupitaꞌ. Palteg sira it mga tandaꞌanan baw muwat sira it mga kalililuꞌan nga mga bagay, isaꞌun nga in mapakay lamang, mateꞌag-teꞌag niray pati mga piniliꞌ it Ampuꞌang Diyus.

Mateo 24:5

Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayan nga siyarigan it Ampuꞌang Diyus.’ Talagang dakel yan i mateꞌag-teꞌag nira.

Juan 8:44

Munugat si Satanas i amaꞌ mi. In unuy ireg ya, iyan i pagkubwaten mi. Yay matuud, mangingimatay kanyat taw garing paꞌ it tagnaꞌ baw kalaban it kamatuudan, ka ega talaga maparagan duꞌut kanya i kamatuudan ngaytu seked it kaꞌnu-kaꞌnu. In magꞌambut kanya, ta it yan nagay adat ya, sabap talagang maꞌambut kanya baw puꞌun kanyat kaꞌambutan.

1 Juan 1:6

In maat ta, magpakiꞌiba-iba ta na it kanya, temed magpangaꞌgenan ta paꞌ kat kadleman, ka magsisigi paꞌ nga magbuwat it kasalaꞌan, magꞌambut ta lamang. Daꞌta magpangaꞌgenan nga uyun kat kamatuudan.

1 Juan 2:18

Mga bilang anak ku, adeꞌdeng nay kaskedan ngaytu, nga umur it banwa. Nagnegan mi na nga may mabut nga kakuntraꞌ ni Cristo. Baw maski kayti ngaytu, dakel i magpakikuntraꞌ it ki Cristo ngaytu, aypaꞌ urut tami na nga talagang adeꞌdeng nay umur it banwa.

1 Juan 2:23

Ka in siyuy ega magpamatuud nga Anak it Ampuꞌang Diyus si Jesus, ega gasiꞌ mapakay nga pagtanggapen kanya it Diyus Amaꞌ. Temed kanya nga magpamatuud nga Anak talagat Ampuꞌang Diyus si Jesus ngaytu, simpri yay matuud, kanya gasing Amaꞌ i Ampuꞌang Diyus.

1 Juan 2:4

In may magꞌaat nga, “Kilala ku nayan kanya,” temed ega magsunud it mga urdin ya, ambut ya lamang. Talagang egay uru-urut yat kamatuudan.

1 Juan 4:20

In beteꞌ may magꞌaat nga, “Pagmaꞌalen ku nay Ampuꞌang Diyus,” temed in may sulsug ya paꞌ kat pamayaꞌ nga pagpakitabugan ya, ambut ya lamang i pagmaꞌal ya ngayan. Ka in ega pay raras yat kaꞌibaan ya nga lelete-letegan ya nat kaꞌlay, magꞌuꞌunu maꞌalen yay Ampuꞌang Diyus nga ega magkaltegan ya?

1 Juan 4:3

Temed iyan magpaliꞌwan nga ega nagbalyung taw nga banar si Jesus, siguradung ega yan Espiritu Santo it Ampuꞌang Diyus i magpanakem it ampangen ya. In daꞌga, yay matuud, panakem yan it kakuntraꞌ ngaytu ni Cristo, kanya nga ipiyagꞌaat ngayan it imyu nga mabut. Baw maski kayti, situ nat banwa ngaytu i atkaytung pakikuntraꞌ it ki Cristo.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

2 Juan 1:7

Yay matuud, talagang lekep i banwa ngaytu it mga manigpaneꞌag-teꞌag it pamayaꞌ, iyan mga taw nga ega magpakimatuud nga si Jesu-Cristo, talagang nagbalyu kanya nga taw. Iyan atkayang mga taw, sira na ngayan i mga manigpaneꞌag-teꞌag baw kakuntraꞌ ni Cristo.

Judas 1:4

Sabap may magraragiꞌ na asat imyu nga ega pagtaꞌseben it pikir mi i antap it nakem nira. Mga taw ngaytu, alaid talagay pagsunud nira kat kaꞌirgan it Ampuꞌang Diyus. Baw garing paꞌ it tagnaꞌ, magbebtang nang lagi duꞌut kasuratan i magꞌaꞌareg it kanira nga panriga. Sabap pagꞌinu-inuun nira kamu it ipagganti nirang pangadal nga kamaliꞌ pasar it ildaw it Ampuꞌang Diyus. Ka maat nira, basta namayaꞌ ta na, maski ega supilen tami i sadili, nga sumbayaꞌen i kaꞌiꞌirgan nga maraꞌway, ega naga yan maꞌunu i pakiꞌuyun tat Ampuꞌan, tutal maꞌildaw naga kanya. Baw talagang pagdaꞌgaen nira i pamegbeg ni Jesu-Cristo, ka ega pagkilalaen nira nga kanya lamang i Agalen baw Ampuꞌan tami.

Mga Ipiyalteg 3:9

Pagnegan mit magayen i iꞌaat kut imyu. Paꞌadapen kut imyu i mga taw ngayan asan nga maꞌambut ka magbete-beteꞌ nga mga taawan ku sira temed yay matuud, sang siraan yan nga magsirbi it ki Satanas. Pasaluduꞌun ku nga manluud sira kat adapan mi. Sikayan maꞌrutan nira nga talagang pagmaꞌalen baw pagrarasan ku kamu.