1 Juan 2:13 - Tagbanwa

¹³ Pagsuratan ku kamung magugurang sabap kilala mi naga kanya nga, garing it tagnaꞌ paꞌ nga ega pay banwa, may kanya nang lagi. Pagsuratan ku kamung mangaꞌwaꞌen sabap, kat pagsarig mit Ampuꞌan, naꞌindaꞌeg mi na si Satanas nga Gimpuꞌun it Karaꞌe-raꞌetan. Pagsuratan ku kamung mga bilang anak ku sabap kilala mi na talaga i Amaꞌ ta nga Ampuꞌang Diyus.

1 Juan 2:13 Iomraidhean Croise

Joel 2:28

“Mabut i aldaw,” maat it AMPUꞌANG DIYUS, “nga ildawan ku nay muꞌsang taw, nga masaruman na sira it Espiritu Santo ku. Bawnga kat panakem yat kanira, mampang i mga anak mi, babay, lalaki, it ipagpaꞌrut ku it katataawan. May ipanakem kut magugurang mi nga tagaynepen nirat magꞌigaꞌ. Baw iyan mangaꞌwaꞌen mi, may ipanakem kut kanira nga, lamang magsusulag, subung it pagtagaynepen nira.

Mateo 11:27

Pagkapanalangin, maat ya siꞌ, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.

Mateo 13:19

Iyan mga taw nga nagpagneg it ampang it Ampuꞌang Diyus sabap it kaꞌadiꞌan ya temed ega magkasepsepan nira, subung sirat padalan ngaytung nasaꞌbugan it biꞌni. Madaliꞌ maꞌagaw ni Satanas i ampang ngaytung nagnegan nira.

Mateo 13:38

Iyan uma, banwa ngaytu. Iyan biꞌni ngaytu nga magayen, mga taw nga kat pamegbeg it Ampuꞌang Diyus baw iyan kaꞌiꞌilu nga ilamunun, iyan mga taw nga kat pamegbeg ni Satanas.

Mateo 5:37

Yay magayen nga ampangen mi, in eeꞌ, eeꞌ. In ega, ega. Tamaꞌ naga yan basta kamatuudan, ka maraꞌe-raꞌet nay maski unu nga idungag mu nga pangibet, sabap si Satanas na i garing.”

Lucas 10:22

Bawnga inaat ni Jesus i kadakel ngayti, nga maat ya, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.”

Juan 14:7

In beteꞌ natantuwan mi na nga in siyu aku nga matuud, siguradu nga makilalaan mi gasiꞌ i Amaꞌ ku. Garing kayti, kilala mi na kanya baw subung na gasiꞌ it naltegan mi na kanya.”

Juan 14:9

Maat i tubag ni Jesus, “Naꞌlay na nga timpu nga kaꞌiba-iba mi aku. Ta unu, Felipe, ega paꞌ magkakilalaan mi akung banar? Iyan nga nakalteg nat aken, nakalteg na gasiꞌ it Amaꞌ. Ta unuka inaat mu paꞌ nga ipalteg kut imyu i Amaꞌ?

Juan 16:3

Talagang buwaten niraytu sabap it ega magkakilalaan nira aku, atnagay Amaꞌ.

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Juan 17:21

isaꞌun magꞌurunyun sirang muꞌsa. Subung nagat aten, Amaꞌ, nga nagꞌuyun ta nga banar, ikaw sinit aken, aku asat imu, sang kagina-ginawaan ta lamang. Pagꞌangutun ku nga urunyun sira kat kaꞌirgan mu, isaꞌun sira baw kita, subuk sang kabilu-bilugan na. Pagꞌangutun kuytu isaꞌun pamayaꞌnen it mga katataawan nga ikaw i nagtaꞌeg it aken.

Juan 17:3

Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

Juan 8:19

Pagkagneg it mga taw ngayti, miningkut sira nga magꞌaat, “Ay ari bayan i Amaꞌ mu ngayan? Ari pagꞌaꞌanuꞌan ya?” Tumubag si Jesus, maat ya, “Yay matuud, it ega naga kilala mi aku, simpri ega naga kilala mi i Amaꞌ ku. In beteꞌ magkakilalaan mi na aku, simpri makilalaan mi naga gasiꞌ kanya.”

2 Corinto 4:6

Kayti naꞌyagan tami na ka iyan Ampuꞌang Diyus, kanya nga nagguna it eyag kat keseg it ampang ya isaꞌun ega bulun nga kadleman, kanya nagay minggay it eyag kat pikiran tami isaꞌun makilalaan tami nga banar i kabantugan ya nga magkatantuwan duꞌun it ki Cristo.

1 Timoteo 5:1

In beteꞌ may maꞌiway mu kat pagpamaalaꞌan mu asan, tulduꞌan mu kanya it may galang. In lalaki nga magurang na, ega dalaꞌan mu kanya, in daꞌga teꞌe-teꞌengen mu kanyat sumugi-sugid nga subung it magpakisugi-sugid kat amaꞌ mu. Iyan mga mangaꞌwaꞌen paꞌ, ipasbung mut mga sulsug mu.

Tito 2:6

Baw tulduꞌan mu gasiꞌ i mga mangaꞌwaꞌen nga lalaki nga kaꞌilangan pagbebegbegan nirat magayen i sadili nira.

1 Juan 1:1

Pagsuratan ku kamu pasar it ki Jesu-Cristo, kanya nga pagpangaranat Ampang nga magbegay it kaꞌgenan nga egay kaskedan. May kanya naytung lagi it tagnaꞌ paꞌ, iyan ega pay banwa. Baw kami nga mga alagad ya, talagang nagnegan namen i mga ampang ya, baw talagang naltegan namen kanya. Naꞌeket-eket namen baw naꞌipuꞌ it alima namen.

1 Juan 2:1

Kamu nga bilang mga anak ku, ipagsurat kuytuy itung mga bagay asat imyu isaꞌun baꞌ daꞌkamu na magkasalaꞌan. Takaꞌ, sumang kaꞌanu, magkabwat ta naga it kasalaꞌan, temed dedemdemen tami nga may magpanindeg it aten duꞌun it Diyus Amaꞌ. Si Jesu-Cristo, nga kanya talagay mataldeng, kanyay magpanindeg ngaytut aten.

1 Juan 2:12

Pagsuratan ku kamu nga bilang mga anak ku sabap it piyasinsiya na i mga kasalaꞌan mi, ka tiyanggung na ni Jesus duꞌun it krus.

1 Juan 2:14

Pagsuratan ku kamung magugurang sabap kilala mi naga kanya ngaytu nga, garing it tagnaꞌ paꞌ nga ega pay banwa, may kanya nang lagi. Pagsuratan ku kamung mangaꞌwaꞌen sabap makseg i pamayaꞌ mi. Teꞌteꞌ na asat imyu i ampang it Ampuꞌang Diyus, baw ta, naꞌindaꞌeg mi na i Gimpuꞌun ngaytit Karaꞌe-raꞌetan.

1 Juan 3:12

Daꞌtami pasbung it bilang anak ngayti ni Satanas nga si Cain, kanya nga minimatay it sulsug ya. Ta, unuka inimatay ya? Sabap it maraꞌe-raꞌet i buwat yat kanya, temed mataldeng kat panleteg it Ampuꞌang Diyus i buwat it sulsug ya. Aypaꞌ ka inisgan ni Cain i sulsug ya ngayti.

1 Juan 4:4

Kamu, mga bilang anak ku, mga anak kamu na it Ampuꞌang Diyus. Baw nakaꞌindaꞌeg kamu nat mga maꞌambut ngayang magpapru-prupitaꞌ. Naꞌindaꞌeg mi na sabap subraꞌ pang gunaan i Espiritu Santo nga magsasarum asat bilug mi, subraꞌ pat maraꞌe-raꞌet ngayting si Satanas nga magpanakem it mga taw nga ega nagpasakep it Ampuꞌang Diyus.

1 Juan 5:18

Talagang magkaꞌrutan ta na nga iyan mga bilang ipiyanganak nat Ampuꞌang Diyus, ega na maat magpasigi pat muwat it kasalaꞌan, sabap pagtatarimaen na sira ni Jesu-Cristo ngayting Anak it Ampuꞌang Diyus. Ega na mapakay nga sakpen siꞌ ni Satanas.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.

Mga Ipiyalteg 12:11

Diyaꞌeg si Satanas it mga kasulsugan tami ngayti kat keseg it ipiyaturuꞌ nga duguꞌ it paꞌaaten nga Uꞌuybun It Tupa baw kat pamatuud nirat kamatuudan pasar it kanya ngayting si Jesu-Cristo. Ka ega talaga riyarasan niray ginawa nira, sabap lamang it pamayaꞌ nirat kanya.

Mga Ipiyalteg 2:7

Aypaꞌ it pagꞌargan it talinga, ipagpagneg, kaꞌilangan pagnegan mit magayen i pagꞌaaten ngaytu, nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, begayan ku kanyat pudir nga makakaꞌen it buwaꞌ it kayu nga magbegay it kaꞌgenan, nga duꞌun it kalu-kalulwakan it Ampuꞌang Diyus.’ ”