1 Juan 2:11 - Tagbanwa

¹¹ Temed iyan nga pagpakitabugan ya paꞌ i sulsug ya kat pamayaꞌ, talagang duꞌun paꞌ kanyat kadleman nga kasalaꞌan. Kabilangan ya, subung it magpanaw it madlem baw ega magkaturnuwan ya in ari magayen nga panawan ya, sabap pagbeblegen paꞌ kanya it kadleman ngaytu nga kasalaꞌan.

1 Juan 2:11 Iomraidhean Croise

Juan 12:35

Maat siꞌ ni Jesus it kanira, “Dekeyeꞌ mana nga timpu nga maꞌiba-iba mi aku nga bilang tidaw nga magꞌeyag it imyu. Kaꞌilangan magpatulduꞌ kamu mintras magkaꞌyagan kamu paꞌ. Pasbung kamut taw nga magpanaw it maꞌyag paꞌ, nga ega magpadlem. Ka ega magkaturnuwan it magpanaw it madlem in ari magayen nga panawan ya.

Juan 12:40

“Binleg ya i mga mata nira baw piyadsen ya i mga ulu nira isaꞌun daꞌsira makalteg u makasepsep, u makapaꞌuliꞌ sira duꞌut kanya isaꞌun nga mapagayen ya sira.”

2 Corinto 3:14

Temed ta it piyadsen talagay ulu nira. Kamatuudan, seked kayti atkayan naga i mga Judio nga mga tungtung-inapuꞌ nira nga, basta pagbasaen nira i tagnaꞌ ngayting pakiꞌupakat, subuk may ipagpayumyum paꞌ, ka subuk paglingben pat kanira i kamatuudang pagpapuntuꞌan. Ka maꞌawaꞌ lamang i ipaglingeb ngaytu in mamayaꞌ baw pakilagpit sira it ki Cristo.

2 Corinto 4:4

Itung mga taw, daꞌsira magpamayaꞌ sabap, mga pikir nira, piyadlem ni Satanas, kanya nga magpaDiyu-Diyus situt sinirungat langit ngaytu. Pagpadlemen yay pikir nira isaꞌun ega masepsepan nira i kaꞌyagan it Magayen ngaytung Baritaꞌ sabap it kabantugan ni Cristo, kanya nga ladawan it Ampuꞌang Diyus.

Tito 3:3

Dedemdemen mu nga katꞌesa, pati kita nga magpamayaꞌ na, kurang tami pat kasepsep, masusutil, baw nateꞌag-teꞌag pasar it dalan it kamatuudan. Kat iting timpu pagꞌuꞌuripnen tami pat mga maraꞌe-raꞌet nga kaꞌirgan it bilug tami nga pagsumbayaꞌen ta. Tagnang mga adat tami, mapiyanggated it masigkataw baw maꞌinggit. Pagꞌisgan tami it beken. Sira, pagꞌisgan tami gasiꞌ.

2 Pedro 1:9

Temed ta, yay matuud, in siyu-siyu nga namayaꞌ na nga egay itu nga mga adat, kabilangan ya, beleg. Ega ipagpaꞌabwat yay pikir. Ka ega na pagdemdemen yay linimpiyuꞌ na kanya, sabap pagpamayaꞌ ya it Ampuꞌan, piyasinsiya nay mga kasalaꞌan nga pagbuwaten yat tagnaꞌ.

1 Juan 1:6

In maat ta, magpakiꞌiba-iba ta na it kanya, temed magpangaꞌgenan ta paꞌ kat kadleman, ka magsisigi paꞌ nga magbuwat it kasalaꞌan, magꞌambut ta lamang. Daꞌta magpangaꞌgenan nga uyun kat kamatuudan.

1 Juan 2:10

Temed, taw nga may raras ya nat sulsug ya kat pamayaꞌ, iyan i matuud nga magpangaꞌgenan kat kaꞌyagan. Talagang in atkayan, ega nay asat kanya nga ipagkakursud ya kat kasalaꞌan.

1 Juan 2:9

Iyan magꞌaat nga, kanya, kat kaꞌyagan na, temed pagpakitabugan ya paꞌ i sulsug ya kat pamayaꞌ, yay matuud, duꞌun paꞌ kanyat kadleman.

1 Juan 3:15

Ka in siyuy magpakitabug it sulsug ya kat pamayaꞌ, subung paꞌ kanya it mangingimatay it masigkataw ya. Daꞌga baꞌ magkaꞌrutan mi na nga, in siyuy mangingimatay ngaytut masigkataw ya, talagang egay kaꞌgenan yang egay kaskedan?

1 Juan 4:20

In beteꞌ may magꞌaat nga, “Pagmaꞌalen ku nay Ampuꞌang Diyus,” temed in may sulsug ya paꞌ kat pamayaꞌ nga pagpakitabugan ya, ambut ya lamang i pagmaꞌal ya ngayan. Ka in ega pay raras yat kaꞌibaan ya nga lelete-letegan ya nat kaꞌlay, magꞌuꞌunu maꞌalen yay Ampuꞌang Diyus nga ega magkaltegan ya?

Mga Ipiyalteg 3:17

Maat mi, manggaden kamu, baw bastanti nay muꞌsa. Egay maski unu nga kakurangan. Takaꞌ ega magkaꞌrutan mi nga yay matuud, kaꞌildaw-ildaw kamu, miskin kamu nga egay kaya mi. Beleg kamu baw lebas kamu nga taw.