1 Juan 2:10 - Tagbanwa

¹⁰ Temed, taw nga may raras ya nat sulsug ya kat pamayaꞌ, iyan i matuud nga magpangaꞌgenan kat kaꞌyagan. Talagang in atkayan, ega nay asat kanya nga ipagkakursud ya kat kasalaꞌan.

1 Juan 2:10 Iomraidhean Croise

Mateo 13:21

Temed ega ipagdawaꞌ nirat magayen kat ulu nira. Aypaꞌ ka daꞌsira magpaneꞌteꞌ kat pamayaꞌ nira, nga subuk luwak nga ega maggagamut. In abutun it kakuriꞌan u pakuriꞌan sira sabap it pamayaꞌ nira ngaytut ampang it Ampuꞌang Diyus, mangindiꞌ sira nga lagi.

Mateo 18:7

Talagang makuriꞌ nga banar i kabetangan situt banwa ka dakel-dakel na nga magkapisiꞌan it ipagkasalaꞌan it taw. Talagang egaytu maꞌawaꞌ i magkapisiꞌan ngaytut ipagkasalaꞌan. Temed kaꞌiꞌiraꞌbut nay mabetangan it mga taw ngaytung pagpanggaringan kaytu.

Juan 11:9

Tumubag si Jesus, maat ya, “Daꞌga baꞌ sang puluꞌ may duwang uras i sang aldaw? Ta simpri, iyan magpanaw it aldawun paꞌ, ega makataꞌkid sabap it magkalteg kanya kat eyag it aldaw.

Juan 12:35

Maat siꞌ ni Jesus it kanira, “Dekeyeꞌ mana nga timpu nga maꞌiba-iba mi aku nga bilang tidaw nga magꞌeyag it imyu. Kaꞌilangan magpatulduꞌ kamu mintras magkaꞌyagan kamu paꞌ. Pasbung kamut taw nga magpanaw it maꞌyag paꞌ, nga ega magpadlem. Ka ega magkaturnuwan it magpanaw it madlem in ari magayen nga panawan ya.

Juan 8:31

Inaat ni Jesus i mga Judio ngayti nga namayaꞌ it kanya, “In pasigi pagsunud mit mga ipagtulduꞌ ku ngaytu, yay matuud, alagad ku nayan kamu.

Roma 14:13

Aypaꞌ iyan i magayen, daꞌtami magsawa-sawayen. In daꞌga, kaꞌilangan magꞌintur tang banar nga egay maski unu kat pagbuwaten ta nga subuk makursudan it sulsug ta kat pamayaꞌ nga ipagkasalaꞌan ya.

Filipos 1:10

isaꞌun magkatantuwan mi in unuy magayen baw daꞌga, nga iyan i piliꞌen mi nga pirmi, purus magayen. Ta daꞌga in atkayan, pagpaꞌuliꞌ ni Cristo, limpiyuꞌ kamu kat panleteg ya nga egay maski unu nga maꞌiway ya?

2 Pedro 1:10

Aypaꞌ kamu nga mga sulsug ku kat pamayaꞌ, sana dungagan mi pay paꞌres mi it muꞌsa ngaytu, isaꞌun masiguru mi kat magayeng pagꞌadaten mi nga kamu, kaꞌuyutan naga it mga piniliꞌ baw ipiyapinpin it Ampuꞌang Diyus nga mga taawan ya na. Ka basta atkayan i buwaten mi, talagang daꞌkamu mangindiꞌ it pamayaꞌ mi ngaytu.

1 Juan 2:11

Temed iyan nga pagpakitabugan ya paꞌ i sulsug ya kat pamayaꞌ, talagang duꞌun paꞌ kanyat kadleman nga kasalaꞌan. Kabilangan ya, subung it magpanaw it madlem baw ega magkaturnuwan ya in ari magayen nga panawan ya, sabap pagbeblegen paꞌ kanya it kadleman ngaytu nga kasalaꞌan.

1 Juan 3:14

Temed maꞌyag nat aten nga kita, ega na subuk patay kat panleteg it Ampuꞌang Diyus, in daꞌga, pagbebgayan ta nat kaꞌgenan nga egay kaskedan. Urut ta naytu sabap may raras ta na talaga it mga sulsug ta kat pamayaꞌ. Iyan ega pay raras ngaytu, subuk sakep paꞌ kanyat kamataynen.